محتار بين الدراسه في السعوديه وايرلندا ارجوا الرد بسرعه تكفون

انا افضل ايرلندا..


بسالك اخوي كيف جبت القبول ؟يقولوا صعب تجيب قبول من ايرلندا للطب؟

والله جايبه واحد صديق لي في ايرلندا

اها الله يوفقك ان شا الله
انصحك روح اضمن نفسك وروح للكلية الملكية
بلا سعود بلا هم
والسنة االتدميرية حقتهم راح تطلع الشيب في راسك
بس اهم شي يكون معاك لغة
دعواتك يجينا قبول زيك ويحقق ربي حلمك واحلامنا معاك

والله يالغالي انا نفس الشي جاني قبول هنا وباذن الله القبول جاي في الكلية الملكية للجراحين

اذا كان الوالدين موافقين على البعثه ولغتك نوعا ما طيبه والله انها افضل بمية مرة

وانت اولا واخيرا استخر الله استخر الله

وشغله ثانييه :: اذا كنت تحس انك مبزوط (( وانا اسف اقول هالكلمه )) بس اقصد اذا كنت تبي فلها على حساب دراستك فاحسلك تقعد بالرياض وابرك لك

والله يكتب لنا الي فيه الخير والصالح

عليك بالإستخارة
والله يكتب ماكان فيه خير وخيره لنا وللمسلمين

اخوي ممكن سؤال الحين طلع لك قبول هناك من الجامعه والا الوزارة طلعت لك القبول

يعني مستغربه شلون لو فرضا ماقبلتك الوزارة لاسمح الله بتدرس على حسابك

والا احضارك القبول من هناك يسهل قبولك هنا

هلا أخوي مهستر ...
والله حركات الإسم ههههههه

مدري ياخوك أنت بدرس على حسابك ولا على الوزارة ولا بتحول على البعثة عطني خبرني عشان نفيدك (طبعا إذا ما عندك مشكلة) لأن صعب جدا الدخول إلى الكلية الملكية بدون قبول من الوزارة لأنه لازم تدرس الثانوية الإيرلندية ناس تخلصها في سنة وناس سنتين وفي تنافس على المقاعد على ما أظن لأن يقولوا شوي صعبة .. ( هذا طبعا الي يبي يدرس على حسابه الخاص) بس اذا على الوزارة مافي ثانوية ايرلندية ولا بطيخ فيه كورس إعدادي بديل واختبار الآيلتس والأمور عادية ماهي بتلك الصعوبة بعدين تلتحق في الكلية ...بس والله أخوي اذا عندك قبول من الوزراة برتاح مره كل شي جاهز تدري إنهم عطونا student card حق الكلية الملكية بعد بداية الكورس الإعدادي بــ 3 شهور تقريبا يعني لسه ما خلصنا الكورس.. يعني المقعد محجوز و مجهز لك ومفروش بعد وكل شي بس شد الهمة و عدي الكورس وجيب 6.5 في الآيلتس والكلية تستناك..

وطبعا إذا تبي تدرس على حسابك الخاص الدراسة في الكلية نوعا ما مكلفة في كل سنة (45 ألف يورو)225 ألف ريال سعودي واضربها في 6 سنوات يعني تطلع لك 1350000 ريال هذا طبعا بس رسوم الكلية .. واعذرني اذا طلعت عن الموضع بس للفائدة .. إذا تبي تدرس على حسابك خلال 6 سنوات يبى لك تقريبا مليونيين ريال سعودي(الكلية والسكن والأكل وكل شي).. والله اعلم.. وانت والي تبيه ..


والله اخوي انا مريت في هذا الموقف بين الإبتعاث إلى ايرلندا أو جامعة الفيصل .. فأنا بصرحة اخترت البعثة ..

بس الأمر راجع لك أنت فكر في الموضوع وادرسه من جميع الجوانب..

وأي سؤال أنا حاضر عزيزي في الخدمة..

موفق

عاشق أخوي ممكن أعرف كيف نظام الطب بإيرلندا يعني بشكل سريع اذا ماعليك كلافة وشكرااا