يا وزارتنا الحبيبه ... المشرفين مصيبه!!!

ونعم فيك اخوي ماجد
ونعم كذلك في اخوي وحبيبي ايرش كلنا اخوان وقلوبنا على بعض واذا صدر مني رد سلبي له فأنا اقدم اعتذاري له امام الجميع
واقول له مقولة قرئتها في احد المقالات من اكثر من خمس سنوات تفضل لك شيك مفتوح سجل به ما شئت من كلمة اسف فالتوقيع مطابق والرصيد يسمح....

علمتني الحياة ان الاعتذار ما هو الا ثقة في النفس ....

هلا اخوي سعودي
ضحكت على كلامك بس ما الومك واضح انك مقهور من الوضع اللي صاير
تصدق يا الغالي انا إن شاءلله بكرة رحلتي من خلال كتابتي لهذي المشاركة راجع للسعودية إن شاءلله
ومشرفتي اتصلت عليها امس ولاردت واكثر من مره أتصل ماش مافيه فايدة ماردت علي .. كنت ابيها تخلص شغلي قبل ما اسافر
لكن وش اسوي ماردت علي الشكوى لله المهم وعدنا إن شاءلله اذا وصلت السعودية إن شاءلله بتصل عليها من هناك عشان تخلص طلبي إن شاءلله
والله يسهل علينا جميعا ،،

السلام عليكم

بالنسبة للأخ إلي قال إني انتقدت صاحب الموضوع لا ابداً لمن انتقده والله انا انتقدت حال كثير من الطلاب إلي بيضيعو وقتهم في ((تحويل من معهد لمعهد إنتقاد للمدراس عدم رضائه بالمستوى إلي هو فيه اللغوي......إلخ))

وبالنسبة لصاحب الموضوع احب أئكد له إني طالب مبتعث في بريطانيا وخلصت اللغة والحمدلله ومن تجربتي كطالب مبتعث بالنسبة للضمان المالي والله ثم والله إني ارسلت رسالة للمشرف بقبولي وقلت له ارسل للمدرسة الضمان المالي ويوم الإثنين اسأل المدرسة ويقولولي إن الضمان وضل والمرة الثانية رحت للمشرف وقلت له ابي ضمان قلي جيب تقرير من المعهد عن إنتظامك فيه ((قوانين لايستطيع تجاوزها المشرف)) وبالفعل جبت له شهادة الآيلتز وتقرير من المدرسة وبعدها طبع الضمان قدامي.




سامحوني دائم الأعضاء ينتقدوني لمن ادافع عن الملحقية لاكن والله من تجربتي معاهم لو مشرفي كان حالة شا
ذة شي ثاني.

واشكر صاحب الموضوع على رده الراقي واقول له كل عام وإنتا بخير والله الإنتقاد ابد مو ليك كشخص وصدقني إني طالب

تحياتي للجميع

الكبير كبير يا saudi in ku وعداك الخطأ يا بطل





الأخ teno25
كان من الممكن كتابة موضوع مستقل حتى نقتنع أنك تقصد جميع الطلاب ولا تقصد صاحب الموضوع بإنتقادك له .. بالتوفيق لـ الجميع

يا جماعة حالتنا والله حالة مع ذا المشرفين

هناك موضوع قرئته من دقائق للاخ saleh 1990 بخصوص المشرفين

الجميع يعاني من هؤلاء الذين ولو علينا وتجد ان المشرف لا يحمل شهادة جامعية والاسلوب عنده الله بالخير

يا وزارتنا يا ملحقنا الثقافي يا سعادة الدكتور غازي مكي لست انا وليس اثنان او ثلاث من الطلبة من يشتكون من هذه الحالة لو كان كذلك قلنا حالة شاذه ولكن هل 80 او 90 % من الطلبة دخلو في مرحلة القطو والفار (توم وجيري) ولا (طقها والحقها) دوامة المشرفين

نحن لا نطالبكم بدين او بمال يجب ان تدفعونه لنا من مخابيكم ملكنا الحبيب هو من يدفع لنا

نتفهم الشروط والانظمة ولكن من هو في السليم لماذا كل هذا التاخير

400 طالب لدى كل مشرف يعني كلهم يدقون في نفس اللحظه علية دقو رقبته

خلاص ما عاد نتحمل طقينا ترى وربي بوقع على جبهة المشرف المره الجايه ولا بكتب خطاب التمديد على جبهته واصكه في وجه مدير قسم اللغه ههههههههههههههههههههههههه واذا على الحضور والغياب امره سهل الطالب يحصل عليه خلال ساعه وحده وهو مطبوع جاهز من المعهد

وش تبونا نسوي نلحق على دراستنا ولا مصاريفنا ولا على اجراءات الفيزا ولا صحتنا ولا نراكض ورى مشرفينا الي الواحد فيهم ما تسرحه مع ثنتين من الدجاج يرجع الدجاج والمشرف ضايع
لا حول ولا قوة الا بالله..................

استغفر الله العلي العظيم واتوب اليه

هلابك اكثر اخوي قنبلة النت

ان شاء الله حياتك كلها ابتسامه
لا والله مانيب مقهور ولا شي بس طاق فيني عرق ههههههه
تروح وترد بالسلامه وسلم على الربع والجماعه
قابلت زميل لي في احد الاسواق وقالي انه بيسافر من بكرا وكان مكتأب بشكل يقولي راح للندن الاسبوع الماضي عشان اجازته ورجع بدون اي فئائدة والمشرف وعده وقاله رح وبتلقى شغلك منتهي في المعهد طبعا الرجال لا انتهى شغله ولا المشرف ارسل للمعهد بان يمنحوه اجازه لان باقي على دراسته اسبوع
ولكن المعهد تفهمو ذلك والله حتى المعهد يقولون الله يعينك على المشرفين والله هذي كلمة المشرف على الطلبة في المعهد

ربي ييسر لك امرك

اخوي اشكر لك مشاركتك همومنا
ونحن كلنا مع الملحقية قلبا وقالبا ولكن هناك بعض السلبيات التي تتكرر بشكل دائم ولا بد لنا ان نتحدث عنها
وربي يوفقك عقبال ما نشوفك دكتور قد الدنيا