يا وزارتنا الحبيبه ... المشرفين مصيبه!!!

والله جايب الموضوع في وقته

بس انت عسى ما ماتداوم عشان ماعندك ضمان ,,
والله انا ماعندي ضمان ولاكأني مسوية شئ غلط والكورس بقي له اسبوعين وينتهي خخخ

أنا مشرفتي العزيزة قبل ماأبدأ الكورس أرسلتلها أني خلصت كورسي في المعهد وبروح الجامعة
كم يحتاج لي وقت عشان يصدر ضمان مالي قالت يومين أرسلي لي بس قبولك الجديد ,,

قلت اوكي وبدأت الكورس والأخوان كل شوية يقولولي فين الضمان والله قمة الاحراج تحس انك قاعد تشحتـ ؟؟
المشكلة ان الكورس كله كم اسبوع راحت منه اسبوعين مو يومين ولاشفنا شئ !!!

كل هذا طبيعي ومتوقع
لكن المصيبة الكبرى ايش

صديقتي قبل امس نزلت الملحقية عندها مشكلة معاهم قلتلها تجيب ضماني معاها
تخيلواا المشرفة ايش تقول

لا طبعا مالها ضمان لأن قبولها اصلا في المعهد الاول ماخلص ولازم تخلص معاهم لنهاية اغست ؟
ماشاء الله !! الحين انا لي اسبوعين اداوم وأرسلك وتقوليلي اوكي دحين ارسلك الضمان

وفي الاخير يطلع مالي ضمان ولاتقولي لي ان معهدي لسا ماخلص
والله مدري فين اودي وجهي من الجامعة دحين

وطبعا الله المستعان لازم ضربة مشوار 4 ساعات روحة لندن و4 ساعات رجعه عشان ضمان !!

حسبي الله ونعم الوككيل

الله يكون بعونك

كل صبح اروح للمعهد اقولهم وصل الضمان يقولون لا ما وصل ...

وعند باب المعهد فيه ناس معهم مخدرات

يعني يا ادخل المعهد وادرس واصير طالب وش ملحي بس مافي ضمان او اني اروح للي عند الباب و استعمل مخدرات وش رايك يا وزير التعليم تبونا نرجع معنا شهادات ونرفع روسكم عطونا ضماناتنا ولا تضيعون علينا وقتنا لان كله محسوب من البعثه
ولا بنرجع لكم مدمنين ... هههههههههههه والله من جد يعني انا على كبر سني يسحب فيني مشرف هزلت ...

لا المشكله ملفي ابيض والحمدللله لا غياب ولاهم يحزنون والمرحله في اللغه ادفانس وش يبون واللغه بخلصها بسنه وست شهور عناد في المشرف واعلم ما بخيله يركبه كل يوم تاخير بمدد فيه شهر لغه

انا ان رحت للمشرف قسم بالله ما اخليه يسوى الشراب الي هو لاااابسه والحق معي بعد

انا خلص ضماني يعني اجلس شسوي في البيت اقشر بصل مبتعثينااااا ليش هااااه؟ علمونا

للاسف الشديد وبكل وضوح انا من ناس الي تضرروا مع المشرفين ولو ماني ساكن بلندن وفوقهم كل شوي مادري وش راح يصير والله بعض الايام اقول الله يعين الي برى حالتهم وشلون صاير معهم

مشرفي مره دخل معي لغازي مكي يوم طلع يقولي تصدق اول مره اشوف غازي مكي يعني للاسف مشرف مايعرف منهو الملحق ولا قد شافه تخيل ولا يدري منهو اصلا الملحق يقوله انت مشرف يقوله ايه حسسني ان الي داخل معي مو مشرف لو جايب واحد من شارع وقايله هذا مشرفي صدق ومشيت عليه

وخلال ثلاث شهور اربع مشرفين يتغيرون وكل مشرف اشرحله حالتي من جديد كاني عايش بدوامه وماراح تخلص

طلبت تغير جامعه شي بسيط قعدت اربع شهور وبالاخير استاذي غازي مكي ماوافق عليها

طلبت تغير تخصص بعد ماوقفت عليها بنفسي حتى جاني واحد من الملحقيه يقول مفروض نحطلك مكتب معنا قلت انت الي اجبرتونا على كذا وحمد الله خلال ثلاث اسابيع وتخصصي تغير

بس انا اسال نفسي ليه هالشي يصير الواحد يفكر بغربته ولا يفكر اكله وشربه ولا سكنه ولا الجامعه ولا يفكر بالملحقيه الي مفروض هي اخر هم وتكون مسهله كل شي الحين اول شي افكر فيه الملحقيه همي شاغل ولا فكرت لا بغربتي ولا باي شي

انا مره قعدت عشان اقابل غازي مكي من الظهر الين سبعه المسا قعدت قدام مكتبه كل ناس راحوا بالاخير جاني العنقري يقولي للاسف ماقدر يقابلك اجل هو هنا لايش اجتماعات ويوم يجي الفوزان يقول باب المسؤولين مفتوح للطلبه وهم هنا لمساعدتكم والله مو لمساعدتنا الا تعقيدينا وكل يوم قرار وماندري عنه ويفاجئك المشرف فيه يعني حنا مفروض برى السعوديه مستوانا وتفكيرنا افضل بكثير يصير مو يصير نفس المستوى يعني الحين انا احس اغلبه الطلبه لهم مراحل دراسيه قصيره في بريطانيا ماكملو الى الان شهاداتهم لكن عقولهم صارت تتكلم عن وقائع وتتكلم عن امور واستطلاعات وتحكيم بالامور افضل بكثير من كانت عليه بالسابق

موضوعك بمحله اخوي وانا والله مقدر ظرفك وتعبك ومقدر قهرك لاني انقهرت على اربع شهور بانتظار وحاس فيك

الله يسر ويسهل امورنا ويرجعنا سالمين على الاقل نرجع ونمسك مناصب نعدل فيها مستوانا

بعض المعاهد الممتازة في المدينة اللي أنا فيها وقفت قبول الطلبة السعوديين

تقول بكل بساطة ملحقيتكم ماتدفع ..

والله بس لو يدري عنهم الملك عبدالله

هههههههههههههههههههههه بعذر البرفيسور يسئله يقوله انت مشرف لان غازي مكي يقول في نفسه بالله هذا مشرف

في ابواب ثانيه مفتوحه وانا اخوك ورمضان داخل علينا وكل سنه وانتم طيبين والدعاء على من ضلمك

المعهد ما قصرو وجدا محترمين بس طبعا لابد تدفعين عشان تواصلين

طيب الضمان السابق قبل ما ينتهي بعشر ايام مرسل لهم قلت لهم الضمان بينتهي نبي تمديد الله يحفظكم

قالو حاظرين وممنونين

ونفس الموال الي حاصل الحين

يعني ماينفع معهم لا قبل ما ينتهي ولا بعد ما ينتهي


يا جماعه والله طبعنا يالسعوديين الادب في الطلب حتى اذا طلبت حقك نطلبه وحنا نعتذر على اساس اننا نزعجهم لكن والله ما ينفع معهم لا ادب ولا قلة ادب


واحد من الشباب يقول طلبت تجديد ضمان ولا جددت المشرفه له الا بعد ما راح هو بنفسه ويضيف الاخ يقول يوم اني كنت اكلم ما كان احد يرد وكانت المكالمات تحول لقسم يساعد الطالب على ترك رساله للمشرف والمشرف بيكلمه بنفس اليوم صح؟

المشرفه اللله يحيها داقه عليه بعد شهر تقوله انت طالبني تخيلو بالله بعد شهر يقولي طبعا مسحت فيها واعرف الرجل لسانه متبري منه لكن بطريقه ادبيه
بالله هذه امانه عمليه

تدرون ليش مافي امانه؟ بحكم خبرتي بقولكم

لان مافي متابعه لو كانت هناك متابعه من رئيس القسم كان شغلنا خلص

يعني لنفترض انني برسل رساله للمشرفه اوكي او المشرف وابي ضمان المفترض انني ارسل نسخه من الرساله لرئيس القسم او رئيس هذا المشرف لكي يعلم مدى التاخير ولذلك بيكون هناك رد والرد هذا يكون لي شخصيا ولرئيس القسم

هذا اذا كانت هناك امانه في العمل مع العلم اننا لا نعمم فهناك ناس تخاف الله وتقوم بعملها على اكمل وجه ونعذرهم اذا تاخرو

لكن الي قالبها سوالف هذا وش السواة معه ؟