السكن مع عائلة

اللي مستواه مبتدىء العائلة ممتازه له ومهمه

اللي مستواه من متوسط وفوق ماتنفع له العائله السكن لحاله احسن له

لكن بما انك بنت فالعائلة افضل لك

انا ارشح السكن مع العائلة لفترة من الزمن سواءً معك لغة او لا ،،، ولها فوائد :
- كسب اللغة
- التعرف على الاماكن الجيدة للسكن
- التعرف على العادات والتقاليد في البلد
- كسب وقت للتعلم اكثر ، لأنك لو كنت لوحدك في شقة راح تخسر وقتك على الطبخ والغسيل وشراء المستلزمات المنزلية
- ايجاد الشخص المناسب للمشاركة معه في السكن
- ضمان نزول المكافآت + تقرير من البنك يفيد انك تستلم مبلغ مالي من الملحقية شهرياً
- الاستقرار

دام معك مرافق الافضل تطلعين شقة لوحدكم ...

هناك يا أختي ميزة تنفرد بها إيرلندا وهي أن أغلب سكانها كاثوليك وهذا يفيد في الأمور الدينية كثيرا .........
فهم يذبحون كل مأكولاتهم من الحيوانات حتى الخنزير يذكونه!!!!!!!!!!هههه
وبالتالي فأكلهم من الدجاج حلال ............
الأمر الثاني شعبهم طيب ومتدين ولايقوم بالأفعال المخلة ولو أن بعض السواح الأجانب يفعلونها أحيانا _ كالقبلات وغيرها_
يحترمون الإسلام جدا ويكرهون العنصرية تماما ....
المصدر :
تجارب الكثير من الإخوان + معارف إيرلنديين تعرفت عليهم في خلال سفري من وإلى لندن ....
وبالتوفيق يا رب ......

اسكني انتي والمرافق ورايحه راسك من العائله لا ن في بعض العوائل مايحبوا الخروج والدخول الكثير والعبث في المطبخ والى اخره يااختي انا مرافق مع اختي وساكن في بيت مستقل وايرلندا السكن ارخص من لندن وكل عام وانتم بخير مبتعث لندن

بما انك بنت نصيحتي لك السكن الخاص افضل من العايلة لأن العايلة شروطهم شوي متعبه على بنت سعوديه .. بحكم ان البنت السعوديه تأخذ راحتها بالبيت كلياً.

فالعائلة للرجل أفضل .. وبالنسبة لكسب اللغه .. لو انتي ببيتك بالسعوديه تقدرين تكسبينها .. أهم شي انك اللي تاخذينه بالمعهد تراجعينه بالبيت

وكل عاماً وأنتي بخيـر

افضل السكن لوحدكم اغلب العوائل يكونو كبار في السن وعندهم ضيقة نفس مايتحملو ويقرفو من كل شي

الله يعطيكم العافية على تفاعلكم معي

طيب عندي استفار ثاني أنا عندي طفلة محتارة وين أوديها إذا رحت للدراسة بالمعهد والجامعة بعد تتوفيق الله

وأي المدن الايرلندية أفضل من ناحية الآمان والمعيشة دبلن أو كورك أو المدن الثانية والله يجزاكم ألف خير