إسأل مجرب ولا تسأل طبيب :P .. [ عاجل لطلاب إيرلندا ] ..

اللهم صلي على محمد وآل محمد وعلى آله وصحبه المنتجبين أجمعين

بصراحة يا قيصر2 أنا صعبة إن أتأكد عن نوعية القبولات إلي طالبتنها المملكة إلى الطلاب الجدد
لكن الأكيد ان هم طلبو من هالجامعات ان ترسل ليهم قبولات
من يدري ممكن تكون للدراسات العليا بس مااادري وماقدر أتأكد آسف

اخوي عاشق الطب
انا ذكرت في احدى ردودي قبل ان جميع الي استفوا الشروط انقبلوا
ولكن هي المشكله المقعد فقط
السنة الماضيه لم يختاروا على حسب المعدل
لاني افتكر واحد من اصحابي معدله اكثر مني بكثير ومع ذلك حطوني في ايرلندا وهو حوله الى بولندا
والحين نحن نتكلم عن طب الاسنان
اكيد انت تعرف انه الوزاره ارسلت طلاب طب فقط الى ايرلندا
والبنت تبي طب اسنان


وانا ما ادري صراحة هل را يفتحون ولالا
والكلام كله عن السنة الماضيه فقط وما حصل فيها
وماني الوزير عشان اقلكم وش بيصير في المرحله الخامسة خخخخخخخخخخ

وبالتوفيق

اخوي والله م اعرف نظامهم لانه مافيه واحد اختار ايرلندا لدراسة هذا التخصص

ولكن يوجد واحد سعودي يدرس على حسابه عندنا
يدرس برنامج مدتة 6 شهور وبعدها راح يلتحق بالجامعه على طول
ولا اعرف برنامج الوزاره

والله يوفقك

اخي دكتور مهند, تبي الصراحة حنا كدفعة أولى ماكنا ندري ولا شي هل بروح ايرلندا ولا دولة ثانية وأنا كنت مثلك طلعت لي البترول ووديت شهادتي وبعدين سحبتها عشان التدقيق وكان موعد تسليم الشهادات حق الفيصل طب نفس اليوم فا رحت التدقيق وطنشت الفيصل وبعدين صرت مكسر الأجنحة خخخخخخ مدري وين بروح وكانت الفترة كلها قلل في قلل لأن بعض الشباب الي قدموا على ايرلندا طلع ليهم قبول في هولندا أو المجر بس أنا ولا حاجة بس الحمدلله بعد صبر وانتظار وصل قبولي إلى ايرلندا

عدد الطلاب الي بيروح الرويال كولج ما بكون كثير لأن الدفعة الأولى كانت فقط 60 طالب طب إلى الرويال كولج وأظن وعلى حسب ما سمعت إن العدد مابيكون أكثر بواجد أكثرشي بيكونوا 100 هذي بالزيادة طبعا ..

فإنت مدري ويش بتسوي ؟؟ شهادتك وسحبتها من البترول فما عليك إلا تسلمها .. وان شاء الله يجيك قبول في ايرلندا
فمدري السنة الي فاتت القبولات جت نوعا ما بالحظ .. لأن ناس درجاتهم عالية وناس عادي

الله يوفقك ان شاء الله

^
^

بغيت أسأل ..

يعني على اي أساس يتم اختيار هذا العدد من الطلاب ؟

هل على حسب المعدل حقنا او درجة الايتلس او ايش ؟

وبالتأكيد اللي مقدمين طب على ايرلندا يجون بالآلآف فهل سيختارون منهم 60 او 100 فقط ؟

والبقيه؟.. يحولونهم الى بلد ثاني؟؟...

وعلى ايش يعتمد ضمان المقعد في الجامعه.!

السلام عليكم ورحمة الله
اختي هيز انجل
انا اعرف ناس يدرسون طب اسنان في ايرلندا وتبع البعثه
الخيار لك والله يوفقك
موفقه في جميع الاحوال

والله ببكي شباب مشان غلط وكتبت رقم الاشتراك حق القدرات بدال رقم الجلوس واليوم التدقيق الساعة 12 قولولي ايش اسوي وماقدر اعدل حاولت بس ماقدرت

لاتخاف اخوي .. سهالات في التدقيق ان شاء الله واهم شي شفتهم مركزين على الدرجات الثانوي والقياس والتحصيلي

قول للي يدقق اوراقك عن الخطأ عشان يصلحه لك

اختي احلام ملونه اولا مشكوره على الاستفسار ..

اذا تبي الواقع هذا الي صاير وبيصير من ناحية أن عدد مقاعد الطب في ايرلندا محدودة جدا

ويتم اختيار الطلاب على النسبة الموزونة الأعلى والآيلتس ما ليه شغل في القبول..

بس أنا السنة الي طافت صارت لي فيلم هههه كنت مقدم على ايرلندا في البداية ابغى طب طبعا بس بالغلط تغير إلى علوم صحية وماقدرت اغير التخصص لأنه قفل التسجيل وانا بعد خلاص تحطمت .. فما تصدقي أني من الأوائل الي جتهم قبولات ايرلندا أول 5 طلاب ..طبعا وصلني قبول طب .. وانا ماصدقت عاد بس الحمدالله تفوقنا ..

فالسنة الي راحت كان اختيار الطلاب نوعا ما على الحظ وبعضهم على الأعلى نسبة.. فأتوقع هالسنة بيكون اختيار الطلاب الأعلى نسبة موزونة.

واكيد اذا مطلع لك في ايرلندا يحولوك إلى بلد ثاني (الله لايقولها ان شاء الله) بإذن الله مقبولة في ايرلندا

بس انا اقول لك ان العدد مستحيل يزيد عن 100 طالب .. أنا ماجالس اخوفكم واأحبطكم بس هذا هو الواقع
والله اتمنى يزيدوه

ومن ناحية ضمان المقعد ؟؟ اختي إذا وصلك القبول إلى ايرلندا ان شاء الله راحت تدرسي كورس اعدادي لمدة 6 شهور راح يدرسوكم (فيزياء وكمياء وأحياء واعداد إلى اختبار الايلتس) طبعا يجب عليك اجتياز الكورس والحصول على 6.5 في الايلتس وامورك ان شاء الله طيبة وتروحي الكلية .. اعتبري المقعد مضمون اذا جاك القبول لأن الكورس مو صعب بس بالجد والاجتهاد بتعدي ان شاء الله..

موفقون ان شاء الله

واي استفسار حاضرين