سؤا عن اشترك انترنت بشركة Virgin

انا كان جاني العامل بالسيارة حقتهم وجاب العدة وركبلي هيا
غريبة ما جا يركبلك الإنترنت
الأفضل إنك تطلبهم وتقولهم يجو يركبولك هيا لأنو الهرجة فيها تثبيت برنامج في الجهاز وزي كدا

فكره حلوة عفوا كم كلفك وكم راح تدفع شهريا

 المشاركة الأصلية كتبت بواسطة Ayu

انا كان جاني العامل بالسيارة حقتهم وجاب العدة وركبلي هيا

طيب أخوي تقدر توضحلي كيف الأسلاك مشبوكة .. الشقة الي أنا فيها كانت الخدمة مركبه فيها يعني التوصيلات الأساسية جاهزة ..

أبغى طريقة التوصيل بين الكمبيوتر وجهاز الواير لس والجهاز الأسود الصغير ... وكيف طريقة تشبيكه مع السلك الأرضي الي نهايته مثل كيبل الدش ..

أنا طلبت خدمة أنترنت فقط ...
في البداية دفعت 30 باوند قيمة الجهاز .

الثلاثة شهور الأولى يكون السعر 15 باوند

بعد الشهر الرابع يكون السعر 20 باوند .

مدة العقد سنة ..

ولا تزعل يا أستاذ صمت
شوف حبيبي الكلام اللي تحت دا المفروض يكون الشكل النهائي عندك لكن إمشي مع خطواتي دحين أول بأول لأنو مع أول تثبت للنت لازم يكون سلكي وبعد لمن تثبت النت تبدأ تبرمج الوايرليس بالطريقة اللاسلكية ^_^

شوف أول حاجة السلك دا اللي نهايتو زي كيبل الدش دا نشبكو في الجهاز الأسود حقك من ورا وبتلاقي الفتحة حقتو على اليمين من ورا الجهاز الأسود
الفتحة اللي في النص دي تحط فيها السلك الأصفر وتشبك الطرف الثاني في مدخل النت في الجهاز
وعندك فتحة الكهربا شبكها وشغل الكهربا

المفروض تبدأ دحين عملية تثبيت البرنامج
ورح تجيلك أكثر من خطوة
وطبعا زي العادة أكثر شئ بتختارو Next ولا تلعب في المعلومات وتغير وزي كدا
أنا مني فاكر بالظبط لكن الهرجة كلها سلالسة وورا بعضها تصير
------------------------------------------------------------------------
بعد لمن تعمل اللي فوق جا وقت تثبيت جهاز الوايرليس وطبعا هتلاقي سي دي تعريف الوايرليس
تقوم تعمل الخطوات اللي تحت وبعدها تبدأ تعرف السي دي في الجهاز وتعرف الشبكة

1- السلك دا اللي نهايتو زي كيبل الدش دا نشبكو في الجهاز الأسود حقك من ورا وبتلاقي الفتحة حقتو على اليمين من ورا الجهاز الأسود
2- الفتحة اللي في النص دي تحط فيها السلك الأصفر وتشبكو الطرف الثاني من السلك الأصفر في جهاز الوايرليس اللي لونو أبيض حتى الفتحة حقتو تلاقيها منفصلة عن باقي الفتحات
3- تشبك فتحات الكهربا للموديم والوايرليس

اخبر العائله جابوا منهم ....... اضن الرجال جاء ركبه .... بس ماشاء الله النت كان كلام كبيييييييييير