استفسار استفسارات تكفون ساعدوني

خير اللهم اجعله خير انا ماني مصدقه الي جالسه اقرأه اخوي انت مدرس و الله قويه انك ما تدري عن الانظمة المهم ركز زين اولا النظام يسمح لك باجازة دراسية بدون راتب بكل بساطة و ترى شروطها جدا سهلة و ياعيب الشوم انك تقول بواسطة اخوي الي على قولتك واسطة الاجازة التفريغ الي هي براتب و لو انه ما فيها واسطه كل واحد يشد حيله و يكوون هلفوت مو كلمة توديه و تجيبه خليك واثق و ترى شروطها بسيطة احضار قبول و يقولولك اتكل و ادرس هذه هي الاجازة الي بدون راتب اسمها اجازة دراسية اقرأ في انظمة الخدمة المدنية انت موظف مدني و احنا بعصر المعلومات و المعلومات متوفرة بس احنا ما نبحث عنها ثانيا انا رأيي خليك واثق وربي يسهل امورك قدم طلب ابتعاث من جهة عملك و هي وزارة التربية و التعليم و ترى اعرف مدرسات ابتعثوا بالجد و المثابرة و الاعتماد على الله و تخصص اللغة الانجليزية من ضمن التخصصات المشمولة بالابتعاث يعني تروح و تعامل كأي موظف مبتعث تأخذ نصف راتبك و تصرف لك جميع مخصصات المبتعث كاملة زيك زي اي مبتعث و احضار القبول سهل بما انك عندك لغة ما يحتاج استمارة في موقع الجامعة و تعبيها و يجيك القبول بخلال شهرين او اقل و في هذا الرابط تلاقي شروط ابتعاث الموظفين من موقع وزارة الخدمة المدنية

http://www.mcs.gov.sa/Detail.asp?InS...ateKey=Normal2

و هذه شروط الابتعاث من وزارة التربية و التعليم طبعا نفس الشروط انت حمل الدليل كامل

http://www.tatwier.net/mobiles.php?a...stmobiles&id=1

بس نصيحتي لك خليك واثق من قدراتك و لا تخلي كلمة توديك و كلمة تجيبك قصدي النظام يسمح و حتلاقي الحسادة الان و بكل انواعها و خصوصا من زملاء العمل و المدراء و كل الي حولك لذا اهم نقطة خليك سد و لا تثرثر تقول انا بسوي و انا بروح ابتعث استعين على قضاء امورك بالكتمان و ربي يوفقك و يفتحها بوجهك

و في الرابط الاخير تلاقي جميع شؤون الموظفين و منها الاجازات بانواعها انت اقرأ و ادعيلي ترى عندي معاملة معقدة مسببة ازمة نفسية ادعي ربي ليل نهار انه ييسرها لي و ربي يوفقك مرة اخرى
http://www.mcs.gov.sa/help/formes1.htm

اولا الله يوفقك ويجزاك خير ويسهل كل درب تختارينه ويحسن خاتمتك ويرحم والديك عن النار كلامك هذا اعاد الامل من جديد فيني .

بس يااختي انا رحت لهم وقال لي موظف وشوا له تروح لازم تدرس سنتين بعدين تطلب اجازه بدون راتب ..

لكن انا براجع كل اللي قلتيه كلمه كلمه واراجع الروابط ...والاهم نقطة استعينوا على قضاء حوائجكم بالكتمان لاني كل مااخطط على شيء واقول لاحد مايكتمل ابد.


لكن سؤالي اختي لو اجيب قبول من هناك وهذه سهله بعون الله وابدأ وانضم للبعثه من هناك بيقولون انت موظف ماتشملك البعثه لازم استقاله .....؟ فهمتي علي ...؟


انتظر ردك اختي سالي

اولا الي فهمته من كلامك ان قصدك تأخذ اجازة دراسية بدون راتب و تروح تدرس على حسابك بعدين تبغى انضمام للبعثة طبعا هذه ما ادري عنها لانك موظف مدني ما انت طالب اوكي لكن انا قصدي اذا نفسك تدرس و مرررررة تقفلت من جهة عملك ليش ما تقدم ابتعاث من جهة عملك و الشروط انا اعطيتك الرابط صح لازم خدمة سنتين بعدين ترى مو صعبة و اسمح لي لا تكلم الموظفين الصغار ادخل على مدير التطوير الاداري و خليك جاد بطلبك قبولك بيدك و ياليت طالما معاك انجليزي اختبر الايلس في السعودية و يصير تعطيك الجامعة قبول غير مشروط و بكذا تريح نفسك من مشوااااااار طويل و تدرس اكاديمي على طول و تبين جديتك في الطلب حضر اوراقك و اقرأ الشروط زين و تراها سهلة و اذا تقفلت في حل انك تدرس على حسابك و وظيفتك لازم تحافظ عليها خذ اجازة دراسية بدون راتب و ترى الماجستير سنة وحدة
http://www.soton.ac.uk/postgraduate/..._fees1011.html

و في هذا الرابط تلاقي كلفة الدراسة اظن حوالي 11000 باوند يعني اضرب العدد في 6ونص و لالالالالالالا تشيل هم هذه الجامعة مثال تلاقي ارخص بس ابحث زين و الله يعينك عالكلفة و انا لو منك اطلع بعثة من جهة عملي و ربي يوفقك
http://www.mohe.gov.sa/ar/Ministry/S...NCY/Doc1/2.jpg
و هذا رابط شروط الالحاق بالبعثة مافي انك موظف او لا صدقني يمكن احد صرف عليك لانك زيك زي اي طالب ما عندك راتب لان اجازتك بدون راتب المهم استفسر من موظف كبير بالوزارة و في قسم الالحاق بالبعثة شوف منهم و اعيد و ازيد خليك مركز في جهة عملك ترى و الله يبتعثوا و ربي يوفقك

الله يوفقك اختي

طيب انا اتفقت انا وصديقي وتكفل لتجهيز قبولي من هناك من اي جامعه لانه زميلي ومتخرجين سواء حتى هو مدرس لغة خو اخذ اجازه بدون راتب وحلص اللغه والان يدرس بري ماستر

بس السؤال ... هل فيه احد قدر يجيب الدرجه المطلوبه في الايلس من السعوديه ...؟

لان هذا بيخصتر مشوار طويل علي

المشكله محد فاهم الثاني ..

اخوي انت تقدر تبتعث من جهة عملك طبعا هذا ( اذا اشتهى مديرك ) لأن ابتعاث الموظفين بالنظام طبعا اذا فيه حاجة للقسم وهذا يعتمد على خدمتك بالعمل والاقدمية ولازم تمسك دور ومن هالكلام ..

انت قلت انا اختصرهالسالفة واطلع اابتعث على حساب التعليم العالي ( برنامج الملك عبدالله ) طبعا مالك الا تفصل من عملك لأن هنا من يدقون الحاسب ويدرون انك موظف راح يوقف قرارك هذا اذا وافقوا لك على الابتعاث ..
تبي نصيحتي خلك بوظيفتك دام مالك واسطه بعملك .. لأن عملك يقدر يطلعك على حسابه ولكن هذا يعتمد على حاجة قسمك ..
انا معيد ومبتعث عن طريق جامعتي ولكن انا مجبور على ذلك لأن الابتعاث الزامي عندنا ..
طبعا يختلف عندكم ..
عموما موفق يالذيب

سؤال خااااااااااااارج عن نطاااااااااااق الموضوووووع ////

أ . نواف ,,,
انت متخرج من جامعه الامام ترجمة , ادب و لا لغوي ؟؟

و هل يوم قدمت على التدريس هل طلبو منك تاخذ مواد تربويه و لا لا ؟؟

الله يوفقك .

بالنسبة لموضوعك توكل على ربك و الله يوفقك بس ما قلت هل بتكمل نفس تخصصك و لا تخصص ثاني ؟

الله يوفقك ويرزقك ويوسع عليك ولبيلك الي في نفسك وانشاء الله بتنظم للبعثه وبتوفيق

حياك اخوي الغالي

اخوي تعرف ابتعاث في وزارة التربيه ابطي عظم مافيه امل .

لكن التحق بالبعثه اسهل واكون باجازه بدون راتب ...؟ هذا قصدي




---------

اخوي فوني للابد

انا متخرج 2008 وجامعة الامام مافيه الا تخصص واحد باللغة الانجليزيه موب مثل الامام

درسنا مواد الادب كلها من نثر ومسرحيه وشعر ونقد ودرسنا صوتيات وبراقمتكس وسمانتكس ودرسنا المهارات كلها ودرسنا طرق التدريس ودرسنا قران وومواد الديم ومواد اللغة العربيه

-----------------------

جزاك الله خير والله يوفقك اخوي

الله يوفقك يارب ويسهل دربك