استفسار عن القبول الغير مشروط و البرسشنال كورس سالي تسأل و تنتظر ردودكم

مرحبا

البري سيشنال كورس هو قبول مشرط بحضور هذه الدورة وتختلف الجامعات من حيث تطبيق هذا الكورس

فمثلا في كاردف وسيري وسالفورد انت مطالب بدرجة الايلتس حتى لو حضرت هذا الكورس

لكن في ريدينج وبورتموث وساوثمبتون .. الحضور واداء اختبارهم يعفيك من شرط الايلتس


فسؤالي .. ماهي الصيغة وماهي الجامعة ؟ لانه يعتمد كثير على الجامعة فلكل جامعة مرئياتها

فالجامعات التي تسقط شرط الايلتس بحضور الدورة .. تفسر ذلك بأن الطالب الذي يحضر هذه الدورة بدرجة اقل افضل من الطالب الي استوفى الشرط وذلك كون الطالب الذي يحضر الدورة سيفهم كيف يستخدم المكتبة وكيف يكتب المراجع وكيف يكتب كتابة اكاديمية بينما الطالب الذي لم استوفى شرط الايلتس دون دوره .. سيصاب بصدمه في بداية دراسته كون لا يعلم كيف يستخدم المكتبه ولا كتابة المراجع ولا يعرف يكتب اكاديمي ...

كون الايلتس في نظر الجامعات هو بداية اللغة الاكادية لكنه ليس اكاديمي خالص...

أخونا أفادك ولا قصر...
تعقيب بسيط ,,, إنتي سألتي هل هو مفيد ... رأي انه مفيد جدا جدا وهام للغاية
البريسيشونال عتبة تمهيد قبل الماستر تاخذين فيه كل ما تحتاجين للماستر مثل الواجبات والابحاث وترتيب المراجع والمصادر وكتابتها وصياغتها,,, وعادةً يكون فيه الكثير من المفردات المتعلقه بالتخصص.
لو تستطيعين حضور كامل الدورة عادةً 10 اسابيع فهذا شي طيب ومفيد,,,,

اتمنى لك التوفيق,,

مثل ماقال الرحال

ادخلي شهرين بريسشنل وعديه ويعطوك قبول غير مشروط

اصغطي عليهم بالجامعة وقولي عندي قبول من جامعة ثانية غير مشروط وانه الملحقية تبي القبول في اقرب وقت ,, يعني محاولة يمكن تصيب خاصة انك جايبة سته وبيدعمك هالشي لو الرايتنق درجته عالية , والبري سشنال كورس بشكل عام مفيد

الله يجزاكم خير كل الي ردوا الجامعة ساوثهامبتون و زي ما قلت لكم انا قالوا لي البرسشنال كورس خمسة اسابيع فقط و كان كلامهم واضح لي يا درجة الايلس او حضور الكورس لكن انا انصدمت بجامعة اسكس قالوا لي عادي نقبل الدرجة لانها قريبة من المطلوبة نفس الكلام هم ىطالبين 6 و نص لكن شرطهم اني ادرس البرسشنال كورس اقل شي 10 اسابيع طبعا انتظر ردهم و الله حوسة 10 اسابيع او اكثر ماني عارفة جدا طويلة و بالاخص اني دكتوراة يعني عندي خلفية عن الابحاث حاسة انه 5 اسابيع الي هو شرط ساوثهمامبتون يكفي و زيادة من كلامكم خلاص بطلت اعيد الايلس لكن السؤال مممممممما جاوبتوني عليه اذا الجامعة اصروا وقالوا لي مشروط بحضور الدورة هل الملحقية تعتبره غير مشروط لان الموظف في الملحقية قال لي ما نعتبرك خلصتي اللغة الا اذا اجتزت الاختبار و قبول غير مشروط عشان يوافقوا عالاجازة بللللللليييييييز جاوبوني على سؤالي الثاني و هل اسكس افضل من ساوثهامبتون في اللغويات التطبيقية كمقارنة بين االجامعتين و المدينتين

المفروض الملحقية تعطيك ضمان
لانك انتي ما زلتي مع مشرف اللغة


فأنتي تطلبين من الجامعة عرض منفصل للغة فقط .. عشان تستخرج لك الملحقية الضمان
بعد ماتنهين الكورس .. تتروحين للادمشن حق الجامعة وتعطينهم فيدباك بأنك انهيتي الكورس بخطاب موجه لهم من مدرسة اللغة ... يقومون يستخرجون لك عرض جديد غير مشروظ .. بعدها تروحين للملحقية عشان يعطونك ضمان مالي للدكتوراه...

واضح؟

برضك يا هارت ما فهمت سؤالي اخوي احنا الان بيناير تقريبا و الدراسة تبدا في اكتوبر و البرسشنال كورس قالولي يبدا في اوقست 8 طبعا حلها و انت سيد العارفين انا ايش يجلسني هنا و ترى انا خلصت اللغة في اقل من شهرين المشرف يقول لي انتي من الحالات الشاذة في هذه الحالة السؤال عشان الملحقية تعطيني اجازة ثلاث شهور انا اسأل الملحقية يقولي قبول غير مشروط و الجامعة تقولي ما نعطيكي قبول غير مشروط الكورس يبدأ في شهر 8 هل الملحقية تقبل القبول المشروط بحضور الدورة و يفكوني اسافر فهمت قصدي انا ما عندي اشكال الضمان المالي معايا اتمنى انك فهمت و يا انا يا هما قرفت من الجلسة و احيانا افكر اعيد الايلس و اجيب الدرجة و افتك

شكلك خبره ماشاء الله....ولو شميم عرفت تدرسك

بس انتي ماخلصتي

انتي مستواك سته
والمطلوب منك 6 ونص
يعني ماخلصتي

انتي عندك قناعه انك مخلصه
لان عندك قبول مشروط بدورة .. بس هذا مو معناه انك خلصتي اللغة
ادري ان الايلتس غثيث .. لكن الدنيا كذا


عموما جامعة زي ساوثمبتون مايزحلقون
بورتسموث ماتزحلق .. تبين ساوثمبتون تزحلق!! صعبه


الله يعينك