هل تايد تزوج من مبتعثه!؟

الله يوفقك وييسر لك امرك

مافيها شي والحمدلله بناتنا لو تلف العالم ماتلقي زيهموالحمدلله متزوج مبتعثه والحمدلله كل شي تمام وعال العال اماهذا الي يتكلم وهابي وماوهابي فانا اشك فيك تكون من العالم الي كلنا عرفينهم واستغل الفرصه وبين حقده عليهم الله يهديك الي الطريق الخير

والله اخوي ابقولك شي وانا بنت واعرف امور البنات انا اشوف البنات هنا او هناك كله نفس الشي وبالعكس اللى هنا شايفه خير وماتبي الا انت بس وتبي استقرار واتوقع فهمت وش اقصد مو اللى زي السعوديه

اخوي صاحب الموضوع ...السلام عليكم ورحمة الله
بصراحة انا اشوف انه موضوع الزواج اكبر من الموضوع اللي انت محتار فيه وتطلب أرآء الاعضاء....ياخي هذي انسانه بتعيش معاك مدى حياتك وبتذوقون الحلو والمر مع بعض
فلا تحط الاختلاط والابتعاث شي يدعو للنقاش واخذ الآراءلانه هو في النهاية راجعلك.
يعني تدري....احنا لما نجي نشتري سيارة ....نحتار ونلفلف و نقطع الوكالات وما ننام الليل ونصلي خمسين ركعة استخارة بس عشان نتوفق بالاختيار....فما بالك بزواج من انسانة بتعيش معاك حياتك...الله يعطيكم الصحة والعافية
يعني انا اشوف الاشياء اللي تستاهل انك تسأل عنها ومو في منتدى... هل هي راعية صلاة ؟هل اخلاقها حسنة؟ هل هي تحبك وراح تضحي علشانك؟*هذي الامور اللي تستاهل انك تهتم لها
انت فكر في الاختيار ولا تخللي احد يختارلك(نصيحة مجرب) وخل انها مبتعثة ولا لا من الاشياء الثانوية

تعقيب اخير ونصيحة....اعتبر الابتعاث زي الجمال ....يعني شي حلو تواجده بس ماهو شي اساسي زي الاخلاق و الصلاة....وتوكل على الله قبل كل شي واتمنى لك التوفيق
اخوك علاء

تقول ان كلامك في صلب الموضوع ولا تريد ان تسمع الا من يؤيدوك .....كلام واضح

لكن مع الاسف انت بكتابة هذا الموضوع وضعت الفتاة المبتعثة كغرض به عيب وتسائل هل من الممكن ان اخذ هذا الغرض بعيوبه.

كيف ستكون ردة فعللك لو تقدمت لفتاة عن طريق الاهل في السعودية ورفضتك بحجة انك مبتعث يخالط الفتيات في بلد ابنتعاثه.

كما قال الاخوان في كل مكان هناك الصالح والطالح (شباب وبنات)

انا وجهت نظري تختلف عنكم , مراح اتزووج مبتعث مستحيل من الاشكال الي شفتها هنا , البنت الحمد الله معها محرم حتى لو فى اختلاط بحدود اكرهك تصنف البنات على كيفك وتحط لهم اسماء مبتعثه وغير مبتعثه ......

السلام عليكم كان ودي أناقش حيل لكن بإختصار

انا مع ان المبتعثين والمبتعثات يتزوجوا بعض درءا للفتنة والاستقرار النفسي لكن مو اي مبتعث ومبتعثة اللي راح يحققون كل الطموحات والامال من دين وعفة ودعم على كل الاصعدة

هل المبتعثة خريجة معاهد فنون ورقص واشياء مخلة علشان يعاد التفكير في الزواج منها سبحان الله في خلقه شؤون اللي اعرفه ان اكثر المبتعثين من الجنسين ان حصيلتهم الدينية وتمسكم بالمبادئ والقيم الاصيلة الاسلامية تزيد وتصقل
يكون كالقابض على الجمر غرباء يخفون الله كثير

استخسرت الوقت اني استجمع افكاري و اكتبها مره اخرى ولستي انت بمن يستحق الحوار معه ولا من يتحدث عن الحوار و لا يجيب علي اني انتقي كلماتي و الحن سطور لنقاش لا يرتقي لهذا النوع اللي تتكلمين عنه فمن البدايه كشفتي كل اوراقك و اصبحتي امامي عاريه لذا صرفت نظري ولن اعيده عن شخص لم يستشعر الله هو يتحدث عن الدين و المذاهب و الحرام و الحلال

ولن تستطيعي تغير راي من شاهد ردك الاول فيكي لانه كسر جميع القيم التي لم تزرع في نفسك و فضحة التفكير المتخلف الي اصاب الكثير لحظة وصولهم مطارات الكفار و هذا بسبب مقصهم و مرضهم

اما جوازي الامريكي فا انا متأكد لا يشعر بقيمته الا من عاش بالخارج واني طول حياتي لم القي له اي اهتمام ولان احتجته في العديد من المواقف و هذا لا يجعلني ابدا أتبرأ من جنسيتي او كوني عربي فل كل حين عن استخدامي للأمريكي اتحفظ ذكر انها فقط جنسيه وبأنني مسلم عربي سعودي ..... و هذا الجواز جعل رئيس الهوم ؤفيس في مطار هيثرو يأتي بنفسه للأعتذار عن حدوث خطأ معين من قبلي حين استخدمت جوازي السعودي (خارج عن الموضوع)

الحريه الشخصية التي تتكلمين عنها نحن لا نملكها لأننا مسلمين و ان الخروج عنها يكون بالمعاصي فالحرية التي كفلها الاسلام غير ما تحدث عنها الغرب و ما تغني بها الان ماهي غير تصرف انسان ناقص إمعه يجري ورى الغرب و يطلب رضاهم على حساب دينه شعور منه انه سيصبح منهم بذلك و هو على ضلاله و اسأل الله ان يهديه

يديم العز و الشرف للمسلمين و يثبتنا يوم السؤال

و يرزقنا الشهادة قبل الموت

و الجنه

اقول الحمدلله على العافيه
ويارب ماتزوج وحده مثل سالي
قالت ايش عهد كاوست

الله يخلف على زوجك

mama mia
ردك ماشاءالله جميل و لطيف اهنيكي على المناظرة الراقية و هو ان دل يدل على اصولك الطيبة و شخصيتك الراقية.
لكل الي ناقش في لب ا لموضوع تسلمو على التزامكم بالموضوع و عدم الخروج خارج نطاقه بشكل خارج عن السيطرة.

وااما بالنسبة للباقيين سؤال فقط:,,,,يعني لمتى تبغو تقطعو في البنت و تنعتوها بالالقاب الي تجرح و الكلام الي مرة مالو اصل في النقاش المحترم الي بين اخت و اخوانها! يعني ما ادري ايش حيريحكم ...قولولي ايش الي ممكن تعملو البنت عشان ترتاحو! تبغو تقتلوها و تمحوها من وش الارض؟ مو بعيد انو انا انقتل كمان عشان باقول الكلام ده. يعني انت شايف الردود المرصوصة والمتفننة في الكلام الي زي السم..تجي انت كمان ترص كلام اخص و العن من الي قبلك! يعني ما يكفيك الي قبلك كتبو ، مرة ما تقدر تمسك نفسك الا ولازم تاذيها..لازم لازم اديها كلام و حبذا لو كف. الكل يبغى يترص كدا طااابور عشان كل واحد يرتاح و يديها كدا لكمة او كف.

هي لسة اختنا مسلمة ترى..هي ما قالت شي يكفرها..ما اشركت ولا استهزأت بربنا.
يعني الي اتخيلو انو لو اي احد شيعي او صوفي او اي مذهب اخر او حتى دين، جاي يعلق على شي، انتو من ردودكم مو حتخلوه ينحرف لا حتخلوه يكفر بدينو و يصير ملحد مرة وحدة.
لاحول ولا قوة الا بالله، احنا في عالم خلاص الفتن زي الجراد و البدع زي سلام عليكم..الواحد لازم يمسك في اي ارض مشتركة تجمعو بينو وبين اخوه المسلم. و اذا حبيتو تناقشو الله يخليكم جادلو بالحكمة و الموعظة الحسنة.
خلو الرسول صلى الله عليه وسلم قدوة ليكم مو كلام بس تحفظو احاديثو و تجو تسمعوها زي قرأ و كتب!

داكا اليوم لمن الولد جاه للرسول و يبغى يستازنو في انو يزني !! يعني مو انو يختلط ولا يكلم جوال او يعاكس..لا كان يبغى يمارس الحراااام..الرسول ايش قام قلو!؟ (اتركها ليكم هادي عاد)

و الى الاخت سالي..الله يهدينا كلنا و انا احترم وجهة نظرك و اعرف بالزبط عن ايش بتتكلمي ، صح اني اخالفك الراي لكن انتي اختي و انا احترمك. و تشكري على حسن ردك المحترم للاخ المحامي بالرغم من انو ردو كان...
المهم، انا متاكدة لو جيتي معايا فيس تو فيس اقدر افهم منك اكتر و تفهميني اكتر.

حاتوقع ردود وحشة من ورايا..خدو راحتكم عشان ما راح ارد بعدكم.