شارع العرب في لندن *** مشاهد وآراء

اتوقع اعتبروكم كال...........و حلبوكم صح انا قلت رأيي بهذا الشارع لما رديت عالاخ الي يشتكي من غلاء بقالات لندن ترى النظرة السائدة Stereotype انه خليجين فلوس بلا عقول و لهذا تلاقي انواع الاستغلال رأيي الشخصي

أنا مع الأخت سالي ، النظره للخليجيين هي بهذه الصوره وخاصة وخاصة من الأخوه العرب اللي لهم محلات في الأدجوار رود ..

يعني نشوف أنواع الغلا اللي ماهو موجود في أي مكان أخر في هذا الشارع ، والسبب هو تهافتنا كخليجيين عليه وشرائنا منه ...

والله الذكي يخلي الشارع للتمشيه فقط ويجيب اكلوا معا عشان يعرفوا انا صاحين موشهوانين نمشي وراء من هب ودب

دقن وشعر 20 باوند
غداء بــ 50 باوند انا والعائلة
... بس كان اول وصولي للندن وبعدين عرفت الحقيقة .........

بس يكفي انهم يبيعون رز ابوكاس وعندهم قنوات عربيه للكوره
بصراحه الشارع هذاك ما ينراح له الا وقت الحاجه فقط
مثل ما قلت رز ابو كاس
وشاي بنعناع وانت تتفرج على الفن الهلالي (والنصراوي والاتحادي ووووو) عشان ما تقولون عصبي بس

والله انا كثير اروح الاجور رود بس ترا الذكى الى ياخذ حاجته من الاجور ويطلع يعنى تجلس فى كافى تتتونس او تتغداء او تتعشاء فى بيروت تراه لذيذ ومو غالى مره يعنى طيب سعره وبس اما بقالات عربيه واغراض لا تراهم حراميه هناك مررررررره فيه سوبرماركت كبيره فى لندن مثل Asda & Tisco

لا نستطيع التكهن بالكيفيه التي قضيتو فيها الاجازة

الناس تختلف في طريقة تمشيها

ناس تصرف
ناس تقتصد
ناس يضحك عليهم
ناس مفتحه

لكن السائد في هذا الشارع ان الاسعار نوعا ما غاليه في بعض المطاعم والمقاهي

الشارع بشكل عام اذا جيته لاتشعر بانك في بلد اجنبي ..
مع ذلك معطيه طابع خاص بهالبلد الكئيب .. تدخل مطعم اغاني عربيه اكلات عربيه وجوه عربيه

وبصراحه ما انصح اي شخص يجي لندن يتمشى غير بالصيف

ننتظر تجربتك

رز ابو كأس موجود ببوابة دمشق في شبردبوش على خط الهمرسمث و سيتي لاين و فيها كل شي حتى التمر السكري و اسعارها جدا مناسبة يعني اربع علب عصير راني حبيبات ب1باوند و اربع شاني ب1باوند و قيس على ذلك اندومي و عصائر اخرى احلى تسويق

( 2 )

نستكمل ،، مع شكري لمروركم ..

أستأجرنا شقة على الإجوار رود مباشرة ..
شقة واسعة ونظيفة .. ب 700 باوند في الأسبوع + 300 تأمين مسترد + 50 للمكتب ؟؟

سألنا مدير مكتب التأجير العراقي ليش الخمسين ؟؟
قال : حق المكتب : قلنا طيب .



نزلنا نمشي في الشارع .. كنا مشتاقين لكل شئ عربي .. كلام ، وجوه ، أكل ....
تعشينا أول ليلة في مطعم السليماني .. مطعم نظيف وأكله لذيذ ..
والسفرجية محترمين ..
دفعنا خمسين باوند لصحن مشاوي مشكلة ومشوي سمك وحمص ورز ..
3 أشخاص ، وسعر طبيعي ..


رحنا لبقالة المصطفى ..

اشترينا شوية أغراض شاي ليبتون وشاي أحمد ومكسرات وبقلاوة وحلويات مكشووووفة ...

دفعت 45 باوند ، على شوية أشياء ماتستاهل ...

كنت محتاجة فناجين قهوة عربي .. لقيت عنده سألته : بكم ؟؟

قال الفنجان الواحد ب 2 باوند ونص !!!

ضحكت .. الدرزن كله في السعودية بعشرة ريال .. ؟؟؟؟

طبعاً ما أشتريت ولو إني متحسفة ومحتاجة فناجين ...

لكن هذي ثاني وآآآخر مررررة أدخلك يالمصطفى ...

تمشينا ورجعنا للشقة ..

المنظر العلوي بالليل - من الشقة - لشارع العرب ونااااسة وفُرجة ..

تجمعات ... قهاوي .. معسلات .. هيصة × هيصة ...

المهم سهرة ونفخ في المعسلات حتى الساعة 2 باللييييل ...

بعض المطاعم العربية هناك حاطين لوحة :

(( نفتح حتى الساعة 3 الفجر ، نرجو التزام الهدوء حتى لانزعج الجيران ))




أموووت وأعرف إللي يسهروا بالقهاوي كل ليلة حتى الساعة واحدة و2 ، متى يروحوا أعمالهم ؟؟..

وشفت صيدلية أو سوبرماركت بريطاني - ناسية - في آخر شارع العرب من جهة أكسفورد ستريت ،

حاطين لوحة : (( نفتح حتى الساعة 9 منتصف الليل )) ..

عند البريطانيين الساعة 9 منتصف الليل .. وعندنا تو بدأت السهرة تحلى ..