هل انا غلط او اختياري للبعثه غلط

احمد ربك..غيرك ما حصل البعثه...وبالنسبه لشوقك للسعوديه كل شوي وانت راجع...الله يعين اهل فلسطين واهل العراااق اللي مشتتين بكل العالم ومو قادرين يرجعوا..

الله يعينك ويسهل أمورك

يمكن خيره لك انك تدرسين بدال الوظيفة عندك حلين أما تغيرين الدولة أوالمدينة روحي لمدينة أفضل من كامبريدج

بالتوفيق

لا ادري من يكتب الزوج او الزوجة..لكن هذا رائي بشكل عام

1- فعلا وضع الوظائف صعب خصوصا ان خريجي اغلب الجامعات هنا لديهم مشكلة عدم اتقان اللغة الانجليزية ومهارات الحاسب الالي المطلوبة كموظف و ليس مستخدم عادي.
2- فرصة الابتعاث لن تتكرر ولفترة طويلة
3-اعتقد انه وكما اشار الاخوان تحتاجون لتغيير المدينة حيث ان هناك العدييد من المدن التي تجد فيها العوائل السعودية يحاولون مع بعضهم ان يتجاوزوا الغربة وان يشدوا من ازر بعضهم البعض لكن ان كنتم في اكسفورد فهناك العديد من العوائل السعودية بل لدي قريب لا يرغب بالخروج من هناك الى اي مدينة اخرى في بريطانيا.
4-بالنسبة لابنتك فقد واجهت وضع مشابه حيث ان ابني في السعودية له العديد من الاقارب في مرحلته السنية يجتمع معهم كل فترة ولكن بعد وصولنا لهنا وافتقاده لهم مع صعوبة التفاهم مع زملائه في المدرسة لتغير اللغة لم يرغب بالبقاء وطلب العودة لكن الحمد لله توفقنا في ان نتعاون لنساعده في التغلب على هذه المرحلة.
5- اعتقد انكم من سكان مكة المكرمة والتي اعلم (حيث انها مسقط رأسي ) ان تركها ولو لفترة بسيطة يخلق رغبة قوية للعودة لها ولشعور الراحة التي يحس بها كل من يدخلها.
6- هل انتم في مدينة رغبي او اكسفورد حيث اننا قضينا خمسة اشهر في رغبي وكنت قد رايتكم في المنتدى تحاولون الحصول على معلومات عن المديتة.

يعني غريبة كرهك للغة
اللغة الانجليزية الصراحة احلى لغة عندي
لكن انتي تخلصي من شغلة (ما يمدي)... كل شئ يمدي

بعدين شئ طبيعي انك تكرهين لندن يعني اللي يقرا يقول غريبة لكن الصدق لندن شعبا ممل ممل ممل ...الخ
واللهجة البريطانية صعبة جدا جدا
لكن انا اقولك شنو الطريقة الحلوة ....
انا اخوي راح لبريطانيا ويقول اول 3 شهور بدون فائدة وبدون اي افادة والوقت يجري
لكنه تعلم اللغة عن طريق الاسهل وهي اللهجة الامريكية ومن جد ااهتم كثير من خلاال النت وغيره
وحتى اللاستماع كان ما يهتم بالبريتش ابدا ويقول كاني في نويورك اسمع امريكن اكسنت
بعد ما اتقن وفهم اللغة ويقدر يعمل محادثة وغيره
صار يهتم كيف يفهم البريتش الين ما عرف الفرق
وعموما هو يقولي ما في امل اتكلم لهجتم اهم شئ يفهموني وافهمهم....
وشغلة الطفش >>شوفي الاجانب لمن يجو السعوودية رايك مرتاحين قسم بالله ينتحر ولا يقعد دقيقة من الملل الحقيقي
لكن كلها 3 او 4 سنين ويرجع غير تماما عن اول .

الله يعينك يارب ..


أكثــر من الاستغفار

انتي غريبة بصراحة .. معليش بس وش هالدلع ؟ ... لو بتكونين على هالحالة شهر شهرين ما يخالف ... لكن رحتي وجيتي وما زلتي كذا فما اقول الا الله يعينك

الغربة الانسان هو اللي يصنعها وهو اللي باختياره يعيش فيها وباختياره يخرج منها

وانا شايفه انك انتي اللي صانعة لنفسك هالجو الكئيب اللي يجيب المرض !!

يعني لدرجة تدعين على نفسك بالموت عن جد قووووووية قووووية

والمشكلة انك مو بس مأثرة على نفسك حتى بنتك مسكينة دمرتي نفسيتها وزوجك ماادري كيف صابر ومتحمل للان !!


خلاص كبري عقلك انتي كبيرة مو طفلة في المهاد عشان تبكين تبغين ماما !! ... غيرك جايين لوحدهم بنات 17 و18 وما سووا نص اللي مسويته في عمرك


البلد اكيد مليانه مميزات ما تلقينها في السعودية ... المشكلة انه مخك اللي رافض الغربة بكل ما فيها فشي طبيعي دامك منغلقة على نفسك بهالطريقة بتصير امورك صعبة

خليك متفائلة احمدي ربك عالنعم .. ربي انعم عليك بالدراسة والبعثة وزوجك ان كان طيب معاك وبنوته زي القمر ايش تبغين اكثر من كذا؟
والحمدلله ماكلة شاربة نايمة تحت سقف ..واهلك عايشين بخير ونعمة وطيبين والحمدلله .. انظري للي اقل منك .. اللي عندهم جوع وفقر وامراض واللي فقدوا اعز الناس لهم.

اطلعي وشوفي العالم تعرفي على صديقات لا تحكرين حياتك كلها في البيت اكل ونوم وحل واجبات !! طبيعي بتصير العيشة قرف.

مو شرط تتعرفين على بريطانيات اذا كانوا مو طيبات .. تعرفي على سعوديات وخليجيات واجنبيات مثلا يابانيات اوروبيات باكستانيات .. وغيره

واطلعي معاهم يوم مطعم يوم سينما يوم روحي لهم البيت ..
خذي بنتك ولعبيها وروحوا الحدايق

عندك امور كثيييرة ممكن تسوينها تحلمين تلاقين زيها في السعودية .. استغليها .. ترا ان رجعتي بتتحسفييين على ايامك اللي راحت في غم ونكد

لا تحطين ببالك انك جاية غصب ولا انك كارهة اللغة !! شيلي هالافكار اللي زارعتها بعقلك الباطن وانتي بترتاحين

الله يعينك

عادي احساسك مو كل انسان ممكن يستحمل و يتأقلم على الغربة ,مع ان في ناس سعيدين فيها

انا اقول لا تضغطي على نفسك
اجلسي في المكان الي يريحك ليش العذاب مادام انتي مو شايفة في هدف من قعدتك في بريطانيا و راضية بالسعوديه حتى لو بدون وظايف

غيرك يتمناها لانه ينبسط فيها لكن انتي ماتتمنيها ولا انبسطتي فيها , عادي لولا اختلاف الأذواق لبارت السلع , الاختلاف لابد منه ولا تحاولي تعيشي دور احد , اش يعني غيري يتمناها؟ اهم شي انا اش اتمنى!!<<هذا رد على أول أخ رد عليكي

لو شخص لسا ماجرب كنت قلت جربي يمكن تغيري رايك بس انتي جربتي و مازبطت معاكي

خير اللهم اجعله خير و لو اني حسيت اني موش حقدر اضيف و لا كلمة بعد الرد المبدع من الاخت PINK ترى انتي الي خالقة جو الكآبة بالعكس قارني بين بريطانيا و السعودية تلاقي بكل بلد مميزات غير موجودة بالاخر و قولي خير ايش الي حدك تدعي لى نفسك بالموت يا اختي العالم فقر و مرض بالمستشفيات و فاقدين اعز الناس ما قالوا كذا بعدين اذا عاجبك انك ترجعي housewife بالسعودية بككيفك ارجعي يمكن تكوني من البنات الي يحبوا شغل الحريم الي هو اكل وفصفص و زيارات و طقة حنك و خرجات و ما تحبي الحياة العملية و انه يكون لك دور بالحياة انا مستحيل امدح لك ببريطانيا لانك انتي برمجتي عقلك الباطن انها كئيبة و كريهة و حتى اللغة كرهتيها فمستحيا تقتنعي بكلامي لو امدحها لك مليون مرة خير مشتاقة للمساحات الخضراء الي بالسعودية و ما لقيتيها هنا او العكس صحيح تصدقي ان افضل بيئة لبنتك انها تتعلم صح و لغة ببريطانيا لكن انتي الي سديتي الطريق عليها شعور الغربة عادي اول اسبوع او اول شهر و المفروض انه ما يستمر و اذا انتي تبغي وظيفة المثل يقول و لا بد دون الشهد من ابر النحل يعني مافي راحة تجيك باردة مبردة و كملي البيت الي يقول لا تحسبن المجد تمرا انت آكله لن تبلغ المجد حتى تلعق الصبرا بكسر الصاد و لما تقولي بنتي ماودها تجي بنتك صغيرة لا تحل و لا تربط و انتي الي خليتيها كذا الطفلة ما يبغالها غير عملية اقناع بسيطة و تفرح و تنبسط لان من مميزات المرحلة العمرية للطفولة التحول السريع من الضحك للبكاء و العكس اهم شي انتي اقنعي نفسك و لا تضحكين على نفسك انك توهمي نفسك ان بنتك الي مو راضية و انتي مجبرة هذا اسمه ممارسات الاسقاطات بعلم النفس خليك صادقة مع نفسك و لا يكون تفكيرك بس اليوم خلي عندك نظرة مستقبلية زي زوجك و اذا اتخذتي قرار انك ما تبغي البعثة قرري انتي مو بنتك زي ما توهمي نفسك و بالسلامة على اول رحلة للسعودية

اختي العزيزه ........... الله يسهل امرك ... الحل ببساطه هو : تغيير الدوله .... غيري الدوله وروحي اي دوله ثانيه مثل امريكا واللي على طول راح توافق الوزاره علي التحويل اذا جبتي قبول
الله يوفقك