استفسار اشعة الصدر

الاشعة مهمه .. واذا ما جبتيها فيه قسم بالمطار يصلح لكم الاشعه مجانا .
والطفله فيه مدارس سعودية ممكن تدرسينها ..
او مدارس انجليزية ..
بالنسبة للدراسة مافيه مجانا .. الحضانة فيه فل تايم وبارت تايم وغالية نوعا ما .

أنا والله طلبو مني الأشعه ولطعوني وهذا وأنا جيبه الأشعه معاي من السعوديه
والدراسه أجباريه في المدارس البريطانيه والمدرسه السعوديه يوم السبت فقط وعلى كيفك...


بالتوفيق

انا بصراحة , جيت مامعاي الاشاعة الصدر , وقفنا عند المسؤالة عن الجوازات , وبعدين قالت رحوا لقسم صحي , لقينة مقفل , قلت خلص , و مشتنا مافية مشكلة , وصلنا الساعة 6 بتوقيت لندن ,
بتوفيق

اشعة الصدر مهمة ..

أنا اول ماجيت كثرة موظفة الهجرة اسألتها لي وكانت أنجليزيتي لك عليها وكانت وحده غثيثه وشايفه نفسها ، وكانت تسأل عن قبول المعهد اللي كان بادي قبل أجي بشهر وكنت مأجل ولكن ماكانوا معطيني خطاب تأجيل لأن القبول فيه أنه يحق لي أني أدخل الدراسة بأي يوم أثنين خلال ثلاث أشهر من بداية فترة القبول .. وحاولت أشرح لها النقطه هذي مافهمت فكان فيه واحد من الشباب معدي وقلت له يفهمها بعد مافهمها وحاول يطول في الكلام معها مشته بنفس شينه ، بعدها سألت سؤال مافهمته ، وحولتني للمركز الصحي أثاريها كانت تسأل عن الأشعه اللي هي معي ، المهم رحت المركز الصحي وسألوني عن الأكس ري فطلعتها وسالوني هل معي تقرير فيها فقلت لا ، فطالعت فيها وختمت على ورقة التحويل وحولتني مره ثانيه لموظفي الهجره ، اللي ختموا على جوازي ودخلت ..

فالأفضل لك أن تكون معك ، ولو معاها تقرير أحتياط أفضل حتى مايصير معاك زي اللي صار معاي ، وموظفي الهجره من أسوأ من تقابل في بريطانيا ، أخلاقهم زي الزفت وأنت بكرامه ، والشكوى منهم من كثيرين ... والأشعه من أقرب مركز صحي أو مستوصف أهلي ماتاخذ معاك خمس دقايق .. فريح بالك وجبها معك ، لكن الأطفال مايطلبون لهم أشعه على حسب مافهمت من كثيرين ولكنها لكبار السن فقط ..

ليش هي مهمهمه للدرجه هذي اشعة الصدرررررررررررر؟