جاي بعد ايام وش الأغراض الي اجيبها معي ؟

توصل بالسلامة ان شاء الله

بالنسبة للملابس اهم شئ الشتوية ولاتكثر ولاتشتري من السعودية هنا كل شئ موجود

الله يمسيك بالخير أخي الكريم .
وحياك الله وأتمنى لك التوفيق .
:
أغـراض مهمـه
:
سجاده + القرآن الكريـم
:
طبعاً الجاكيتات شيء أكيد ، وإن بغيت نصيحتي لا تحرم نفسك من بطانيه تدفيك لأن ماعندهم بطانيا مثل اللي بالسعوديه وإذا حصلت نادراً وغاليه فوق ماتتصور .
:
حاول تجيب ملابس شبابيه لا تكون رسميه كثير ، لانك بتطلع كثير وراح تكون مناسبه لك
:
لا تنسى تمـر إذا كنت من محبيه ، هيـل ، قهــوه ، قفازات لليـد ، شاحن للجوال .
:
طبعاً لا تنسى تجيب لك " فيش " للكهرباء لأنهم هنا ثابتين على حال نوع واحـد حاول تجيب النوعين معك ( النوع المهم هو اللي يحمل 3 رؤؤس ليوصل بالفيش الأصلي ليتم إدخال السلك الذي يحمل رأسين فيه ) .
:
قاموس
:
أتوقع ان هذي أهم الأشياء ، قد يكون هناك أشياء مهمه سقطت سهواً فأتمنى منك المعذره .

البوصلة لتحديد القبلة
اذا انت تستخدم دهون من نوع معين جبها معك لان هنا صعب تحصل نفس انواع السعودية
شال وقفازات تراها غاليه هنا

1- مصحف وسجادة صلاة وبوصله.
2- ترمسين للشاي والقهوه (ألماني).
3- قهوة وهيل وتمر (واذا ضايقك الوزن لا تجيب تمر) القهوة والهيل ابدى ، والتمر متوفر ولا هو غالي.
4- فرشة خفيفة أسفنج مقاس 2×3 تحصلها بالسعودية 40 ريال ووزنها ما يتعدى كيلو (للجلسات الأرضية).
5- أبريق بلاستيك للوضوء + نعال من محلات ابو ريالين (على فكره ما عندهم اي شي دون باوند واحد).
6- شراشف خفيفه وأغطية مخدات علشان تستخدمهم بدال أغطية الفندق أو الشقة .
7- أذا كنت من محبي الطبخ جب معك قدرين على مقلاة على بيزة ( على فكرة القدر العادي لا يقل عن 14 باوند).
8- فيش كهرباء مثل ما قالك أخوي مسفر.
9- بالنسبة للابتوب قبل لا تجي فرمته مظبوط ونظفه من الفيروسات الفرمته بمحلاتهم لا تقل عن 40 باوند ويعطيك الجهاز من غير برامج بعد (صارت فيني).
10- اذا بتجيب معك كم عطر ترا العطوارات بلندن اغلي من السعودية بشوي.
11- قفازات وشال مثل ما قالك أخوي رائد وزيد عليهم قبع صوف تراها غالية .
12- إذا كان عندك وصلة أنترنت بالسعودية جبها معك بدال ما تشتري وإذا ما عندك لا تشيل همها .

هذا اللي تذكره ، أما بالنسبة للبطانية لا تجيب معك لأنها متوفوة ورخيصة بعد (شريت بطانية نفرين دبل بطانة ب15 باوند من سوق السبت بالقرب من أجورود) ، كذالك الملابس لا تجيب معك ألا اللي تقزرك أول أسبوع ، وأنصحك إذا وصلت لندن تأخذ فره على شارع أوكسفورد وخصوصا مجمع كبير أسمه Primark بضاعته رخيصة جداً .

ضيف عليهم فناجيل قهوة

والله مااااقصر الشبااب كل شي وصووك فيه ولا اقدر ازود على الي قالوه ,,,

بااقي لك تتوكل على الله وتبوس يدين امك وابوك وتتطلب منهم الرضااء ,,

تووصل بالسلامه ,,

بسم الله
توصل بالسلامة
بالنسبة لبوصلة تحديد القبلة تلقاها بمكتبة جرير ب 20 ريال

الله يعطيكم الف الف عافية
وموفقين ان شاء الله

كتبت اغلب الاشياء الي ذكرتوها والي ممكن احتاجها هناك

مشكورين ياحبايب

نصيحه اخوي لوجه الله

جلست ثلاث او اربع ايام كل يوم في محل

مسوي اخطط وامشي على لسته كاتبها من المنتديات واشيل واعدل واغير الشنطه واكبرها واقيس الوزن



والله ماأستفدت من شئ (( الا قهوه وهيل ومصحف ))


وطبعا الاب توب وقصص اطفال مترجمه عربي انقليزي


غيره والله بتحصله هنا واكثر واحسن وبعض الاشياء ارخص



الوقت هذا اجلس فيه مع أهلك والغالين عليك خوفي والله تتحسف مثلي على الوقت الي ضيعته بالسوق



على العموم نصيحه يمكن ماتعجبك

لكن والله ماقلتها الا من القهر الي فيني

الله يسهل عليك سفرتك يارب ويصبرك على فراق اهلك


تاصل بالسلامه اخوي


دمت بحفظ الله