حوار لو سمحوا بالزواج من الخارج للمبتعثين وش بتسوي

تحية لك اخى الكريم
بس ليش نلجا لبنك التسليف والا الجمعيات نزل ونهين انفسنا علشان يعطونا فلون وبالموت ناخذها
بطلعت الروح وانتظر دورك
ولا اامة المساجد حنا مو شحاذين
يا اخى العزيز هنا البنات طماعات شافو الكل منكب عليهم شافو حالهم والنبت لاسعودية كذا نظرتها ان ما حد يطولها ومهرها غالى انتهى الزمن هذا من زمان
لازم ننفتح على العالم حنا بزمن العولمة والديموقراطية
والانفتاح سواء اجتماعى اقتصادى او سياسى
يعنى تبيى لمى اجى اتزوج اروح اتشحذ من امام مسجد ولا مؤسسة خيرية علشان اتزوج
ياعزيزى مثل أنت تبى حرمة تحميها وتزوجها وتخاف عليها وتكون اسرة هلى تبى مصلحة متبادلة
انت مثلا الله يزيدك قادر انك تزوج باى مهر وانا غيرنا بس فى ناس ما ع ندهم المقدرة المادية وعلشان ياخذو شى ءمن حقوقهم يتمرمطون ويتبهدلون
ليش البنت ما يكون عندها قناعة بالزواج بمهر رمزى تكون اسرة وتصون حالها وتعف نفسها
لا تنظر للموضوع من جانب واحد
واذا بنت بلدى مو مقتنعة فينى ورافعة خشتها كيف انا اقتنع فيها المسالة مو مسالة مادة المسالة مسالة مبدا
وتقبل مرورى

صرااحه موضوع شيق للمشاركه فيه .... وتشكر يا دكتور ع الطرح الجميل ..



صراحة القرار ذا احس انه اجحاف بحق الطالبة المبتعثه .. طبعاً القرار للذكور والاناث يعني كلوو بس المرآه راح تتظرر اكثر فوق ما هي متظررة الحين .. اول شي نسبة العوانس راح ترتفع وتتجاوز التصورات والتوقعات وهي ناقصه يعني ما شاء الله العوانس عندنا بالبلد حدث ولا حرج .. لان في عندنا شباب ما شاء الله عليهم ما راح يوفرون هالفرصه .. واغلبهم راح يكون دافع التجربه والاندفاع لتغيير اسلوب الحياة السبب الرئيسي لااقبالهم على الزواج من اجنبيات . وانا اقول كذا لاني ما اتوقع في سعوديات كثير يفكرن يتزوجن من الخارج .. وانا اقول كذا بحكم الترابط الاسري اللي نعيشه في بلدنا ويفتقرون اليه في اغلب الدول الاخرى سواَ الاجنبيه او العربية ..

اما بالنسبة للي يقول سالفة مهر غالي وما ادري ايش .. هذي حاجات اللي حطوها مو البنات انفسهم يعني البنت مو هي اللي اختارت مهرها .. اللي اعرفه انا ان ابوها هو اللي يطلب المهر ولو كان ابوها قنوع وزوجها بمبلغ رمزي ممكن راح تزعل البنت ..
بس برضو بالاول والاخير الآمر لولي الآمر ...

طبعاً انا متاكد الايام الجايه راح تورينا تتبعات هذا القرار ..


طيب خلونا نشوف الاجنبيات القابلات للزواج من السعودي ..

الانقليزية = صعبة المراس وما عندها لف ودوران يعني لو تكون انسان جدي بتقدر تحصل قلبها . وبتتزوجها ..لكن ما في ظمانات .
يعني خلال سنة سنتين او حتى عشر سنوات تمل منك وتطلقك .. طبعاً هذا اذا ما ظبطت لها بوي فرند قبل او بعد الزواج منك .
وطبعاً الانقليزيات نوعين منهم اللي حالتها المادية نص ونص هذا تكون طماعه فيك ومنهم اللي تكون وضعها ممتاز وهذي تدور عل الاستقرار والحب وعادي عندهم تتزوج من اجنبي بس النوعية ذا نادرة وما اتوقع انك بتحصلها بسهوله .

الاسبانية = كائنات خفيفات العقل ما ينفعون زواج بااي شكل من الاشكال ..

الايطاليات = تخصص نصب واحتيال مع مرتبة الشرف .. مو حقات زواج بعد

الفرنسيات = لبى قلوبهم والله بس مو للزواج ...

البرازيليات والامريكيات = ؟؟؟؟؟؟؟؟؟؟؟؟؟ هذولا عاد اللي يتزوج منهم لا ينسى يعزمني على زواجه ..

الروسيات = والله جمال وطول وعيون زرق > جمال نووي < بسسس ... الروسيه اقرب مالها الشامية اللي بتلعب عالسعودي وتاخذ فلوسه ..

الصينيات = بظاعه غير مرغوبة لدينا بالسعوديه ....

اليابنيات = يبغالك مخ تيربووو .. تعرف هذولا شد بلد وما يلعب معهم الا شي اصلي ..

العربيات = لو فكروو اكيد على شان الفلوووس ومستوى معيشي افضل ..

الخليجيات = لبى قلوبهم يجي منهم والله وما اعتقد ذي فيها شي لان الخليج اهلنا وناسنا وكثير مننا له قرايب في احد دول الخليج ..
حنا منهم وهم مننا ..



السعوديات = اصابع يدك مو سوا .. لكن بالاول وبالاخير بنت البلد .. وطبيعي تكون الحل الامثل والافظل والانسب .
واللي يقول مهرها غالي اقوله الغالي غالي .. بس ... تخيل زي ما قال الدكتور تاخذ كل المساعدات ذي وطبعاً اغلبها مديونيات ترجعها يعني .. البنت طلعت مو فاهمتك او يعني وصلتو لمرحله انكم ما تقدرون تكملون وطلقتها والعياذ بالله .. وش بيكون موقفك .
اكيد بتللعن الساعه اللي تزوجت فيها سعوديه وبتروح تدور للبديل .. والقرار هذا اتوقع انه يصب في مصلحة هولاء قبل كل شي .
كان الله في عونهم ظروفهم راح تحدهم ع كذا والقرارات راح تساعدهم ..


وانا من وجهة نظري ما راح اتزوج اجنبيه الا ما شاء الله الانسان ما يدري وش مكتوب له .. لكن عموماً انا كنت انسئل اول عن هالموضوع اني اتزوج اجنبيه .. كان جوابي ليش لا اذا لقيت بنت سنعه ..لكن الحين اقول ما في امل اتزوج اجنبيه لاني شفت كل عالمكشووف . ولكن لكل قاعدة شواذ ....



وفقكم الله لمى يحب ويرضى .......

يا جماعة ....
مثل ما قالت احدى الاخوات اجنبية مو لازم اوربية او امريكية
انا مثلا اريد اتزوج اجنبية ... بس عربية
وحدة من الشام انزين هذه بعد عاداتها عادات العرب وتقاليدها وتربيتها اسلامية شلون يعني؟؟؟
اذ الغوا القرار ما نتزوج الا من البلد؟؟

مايصح الا الصحيح ( بنت العم أو العمة ) وصلى الله وبارك

جميل جدا اختلاف الآرآآء ,, ويبقى الموضوع في الآخر ,, قناعات شخصية ,,

هههههههههههههههههه
ونبقى ندور ,, لو بنت العم ولا العمه ما تبيني
ولا أنا ما أبيها
بعيش عمر مغصوب على انسآآنه ما أبيها

وهذي الفكرة أخوي من أكبر أسباب العنوسة
" فكر مرة ثآآآنية فيهآ " وقولي وش رأيك

سلآآآميــ,,

والله أنا أشوف إنه قرار منع الزواج كان مجحف أصلا

أخوي وواحد من أخوياي لهم سنة يدورون بالسعودية بس قيود وموانع لها أول ما لها آخر

بعدين الأجنبية المقصود فيها مو بس غير العربية
ترى يدخل تحت هالإطار العربيات

أنا شخصيا أتمنى إنهم يقرونه

لو لقيت البنت اللي تناسبني سواء سعودية أو عربية راح أتزوجها

بس بريطانية ما أعتـــــــــــــــقد

شكراً

فكرت والنتيجة مالك الا بنت عمك هههههه

صدقني ولا ابي افكر ولله اللحمد والمنة انا متزوج والله يوفقكم جميعاُ

والله انا اشوف ان هذا حرية شخصية وحرام انه يخضع لقرارات وغيره.. كل إنسان حر في طريقه يتزوج اجنبية يتزوج سعودية اتزوج اجنبي اتزوج سعودي.. ليه حتى القرارات الخاصة تخضع للتقييم والافتاء.. هذا حق من حقوقي اني اتزوج اي مسلم يحصل مني تجاهه قبول بغض النظر عن جنسيته.. عاد المشاكل الأخرى يتحمل تبعتها الشخص فقط

حرررررررررية شخصية في اتخاذ قرار لايخضع للمداولة

اخوي فعلا هذا الظاهر موجودة وبكثرة

أعرف كثير يدورون من فترة طويلة مو لاقييين من يزوجهم

وأنا اتكلم عن اللي كامل والكامل وجه الله

ما اتكلم عن اللي فيه عيوب


انا خطبت تسع تعش مرة ما احد زوجني

كلام جميل
شكرا على الموضوع