وش رايكم تحويل الى امريكا والا اصبر على الطفش في بريطانيا العظمى

وعلى فكره نسيت ما اسالكم هل الفاونديشن بيعادلونه لي كسنه اولى او ساعات وش طريقته بالضبطز واذا الله قدر ومشت الامور الفيزا الامريكيه اقدر اطلعها من هنا او لازم من السعوديه ويعطيكم الف عافيه

وعليكم السلام

بس انت رايح تدرس ولا رايح تتمشى ؟

بعدين مافهمت شلون يعني طفش

دراستك لتخصص غير التخصص الاصلي غير نظامي لانه بالضمان المالي مكتوب ان الملحقية غير مسؤوله في حالة درس الطالب تخصص غير التخصص المذكور بالضمان

إذا حولت قلي لأني وراك ان شاء الله

واللي يقول انت جاي تتدرس والا تتعلم

أقوله أتوقع إن الراحة النفسية لها دور كبير في التعلم

السلام عليكم ورحمة الله وبركاته

الحين انت ملكنا كيف تروح وتخلينا نضيع احنا شعبك ياتاخذنا معك ياتقعد وتدرس هنا ههههههههه

شف ياطويل العمر

مو اول مره اسمع احد يقول ان بريطانيا طفش واغلبهم لاقعدت معهم يقولون كئيبه

هي مدنها كلها زي بعض مافيه فرق بس لها ميزات كبيره
1- قربها من السعوديه ولو بغيت ترجع اجازه على حسابك تقدر على التذاكر2- توفر كل شي فيها 3- ماتحس انك بغربه ابد 4- يكفي المساجد وكثر المسلمين فيها 5-شبكة مواصلات ممتازه بين المدن وداخل المدن بعد

امريكا االاغلبيه ينغروا فيها ويتوقعوا كل الزين هناك هي فيها زين كثير بس لها عيوب : 1- بعدها وطول المسافه 2- صعوبة الفيزا وجراءاتها 3- اتوقع لازم يكون عندك سياره عشان المواصلات

ماعندي فكره عن فرق الدراسه بالبكالريوس هنا او هناك

نصيحتي لك : انك تبدا تسال وتشوف من الي يدرسون هناك وبنفس تخصصك وش بيصير وغير كيذا ان عجبتك جامعه بامريكا ابدا راسلهم واسالهم بيعادلون لك الفاونديشن ولا لا

والفيزا ماتوقع انك تطلعها من بريطانيا اذا فيزه السياحه رحت لهم وعيوا علي قالوا ارجعي الرياض وقدمي او خلصي دراسه وقدمي كيف عاد فيزا الدراسه

واستخيررررررر وفكر زين ووازن الامور ويمكن لو تقدر تروح لمدن كبيره وزينه ببريطانيا تنبسط مثل جلاسكو الجميله ومانشستر

طبعا الي يأثر على النفسيه عوامل كثيره مكان سكنك - اصحابك - جامعتك - غلاء المدينه -
انا بالنسبه لي ماتعدل مزاجي الا لما ركبت لي دش حسيت اني مع الناس واشوف وش يشووفون


وبالاخير الموضوع راجع لك وانت ادرى بمصلحتك

والله يوفقكم ويرزقكم الخيره انت ووزيرسابق

والنفسيه من اهم الاشياء الي تساعدك تدرس اختر الي يريحك والعمر مره وحده

في امان الله

الله يعطيك الف عافيه والله العظيم ردك رد انسان طبير مو مثل الردود الي تحطم الواحد. اما بالنسبه لبريطانيا وامريكا من ناحية تعامل الشعب فالشعب الامريكي افضل من الانجليز . اما اخوي فوق الخيال لا نا ضماني مافيه مشكله هو نفس التخصص الي بادرسه بس تخصصي الاصلي يختلف كيف عطوني ضمان على تخصص يختلف الله اعلم.
ومشكورين مره ثانيه والله يوفق الجميع

اجابة كافية ما شاء الله

لااله الا الله محمد رسول الله

الله يوفقك يخوي ان شاء الله

المقصد انك ماتضيع وقتك من دوله لدوله هي فتره مؤقته وتعدي وترجع لاهلك ان شاء الله سالم وغانم

تحياتي لك والسموحه اذا كان ردي الاول ما اعجبك ! لكن هذي وجهة نظري