نعقيب بسيط بس على نصيحة الاخوان جزاهم الله خير
مبلغ تأمين السيارة ماله علاقه ابدا بحجم مكينة السيارة, سعر السيارة في السوق له تأثير بسيط جدا على قيمة التأمين. أكثر شي يأثر في قيمة التأمين هو عمر السائق ووجود اثبات للـ no claim bonus اذا كان موجود عندك.
اذا افترضنا انه بتأمن برخصه دوليه من السعودية وعمرك زي ماذكرت اقل من 21 سنه وماعندك ورقة تثبت انك كنت مأمن مع شركه وماسويت معاهم حادث لفتره فتوقع التأمين حقك مايقل عن 1500 باوند في السنة.
حجم مكينة السياره يأثر في شي واحد اللي هو الضريبة road tax كلما كان حجم المكينة اكبر ونسبة انبعاث ثاني اكسيد الكربون من السيارة اكثر تزيد الضريبه, بس تزيد حاجه بسيطه يعني. لكن طبعا دايما الواحد ياخذ مكينه صغيره عشان صرفية البنزين.
بالنسبة للميزانيه اللي حطيتها للسياره فهي مناسبه اذا انك جالس في البلد فتره طويله, يعني 3 سنين وفوق. خذ سياره غاليه شويه بس تعيش معاك وماتبهذلك وتكلفك بخرابتها. اما اذا انك جاي ماجستير بس مثلا وجالس سنه وحده بس خذلك سياره في حدود الالف باوند بس تمشيك سنه واحده.
طيب ايش السياره المناسبه لك؟ شوف وانا اخوك, اكثر السيارات الماشيه في البلد هنا هيا الفوردات والفوكسهول. الفورد الفوكس ممتازه جدا, لكن لو بغيت موديل 2004 وفوق ماتحصل بأقل من 5000 باوند لكن الشكل القديم 2003 تحصله بأسعار مابين الثلاثه والاربع الاف وبرضه مشايه تمام في البلد. الفوكسهول برضو ممتازه عندك الاسترا والكورسا ممتازه جدا. السيارات الاوروبيه بشكل عام ماشيه تمام هنا سواء بيجو ولا سكودا ولا سيتروين ولا غيرها.
افضل خطوه تبدأ بيها هي تدور في موقع الـ
www.autotrader.co.uk الموقع جدا سهل استخدامه ولا يحتاجله شرح, حط البوستكود حقك وقيمة السيارة والمواصفات اللي تدورلها وهو يبحث لك. بعد ما تاخذ فكرة عن الاسعار والسيارات وتحط سياره معينه في بالك روح موقع
www.whatcar.co.uk وايحث عن السياره اللي حطيتها في بالك وهذا الموقع يعطيك تفاصيل عن هذا الموديل بالذات وكم سعره تقريبا في السوق وايش العيوب اللي اكثر شي تبان في ذي السياره, يعني يعطيك تقييم عام للسياره. اذا عجبتك السياره خلاص تروح ترجع للأعلان اللي في الاوتو تريدر وتتصل عليهم وخلاص.
بالتوفيق ان شاءالله
loay05 March 9th, 2010, 10:08 PM
7 " 
LinkBack URL
About LinkBacks
March 9th, 2010, 12:55 AM
اخوكم من ساوث امتون وناوي اشتري سياري المبلغ من متوفر الي 4000باوند لكن ياخوان
العمر قاصر 21 سنه ولله الحمد والمنه
1/ وش السيارة؟؟
2/ كم سوف دفع للتامين ؟؟؟ (يمكن لك التوقع)
اخيرا قرار السيارة لان عائلتي سوف يجون معي ههههههههههههههههه
ليل جميل ونهار اجمل لك عزيز القاري بعد ردك وقبل
sultansouthampton