اي مدينة ؟ واي جامعه ؟ ساعدوني !!

ياليت تساعدوني لاني لازم أقرر خلال هاليومين ؟

وش راييكم في جلاسقو ؟
ليفربول؟
يورك؟
كونفينتري؟
ليدز؟

بصراحه ما ابي المكان اللي كله برد!

وودي بالمدينه اللي فيها سكان كثير لاني اسمع ان فيه بعض المدن ملل واكيد السبب قلة السكان وقلت الأماكن .. كذلك اذا كثر الناس كثر احتكاكك معهم وزاد رصيدك في اللغه لاني بصراحه بجي بريطانيا للغه درجه اولى وكذلك تحصل جميع امورك ومستلزماتك في نفس المدينه ...

هلا أخوى أنا إنشاء الله رايح جلاسكو بعد شهر وراح أعطيك الخبر أنشاء الله بس المعلومات الى حصلت عليها يمدحونها وأنها مراح تطفش منها لأنها كبيره وفيها اندرجراوند مثل لندن.

أنا رايح بإذن الله أدرس في الجامعة نفس تخصصك قبلها بريسشنل لكن بنسبه للغة مادرست في جلاسكو لأن الأكسنت حقهم صعب وماحصلت معاهد.

أنا حاضر لأي سؤال



تحياتي......

الف شكر لك اخوي عدولي ...
بصراحه مدحوا لي جلاسكو ,, وانا افكر فيها جدياً لكن الشيء الوحيد اللي اخاف منه يكون جوها بارد ... مو مشكله يكون بارد بشكل جميل بس المشكله البرد اللي يطفش ... والشيء الثاني احس انها بعيده من باقي المدن ومدن الجنوب خصوصاً ...

لكن أنا افكر ادرس اللغه في لندن والجامعه في المدينه اللي تنصحوني فيها ...
لكن ياليت تقولي وين درست اللغه فيه وكيف راح يكون طريقتك ؟؟

جلاسكو حلوهـ بس بآردهـ وبعيـدهـ عن لـندن...ليفربول روعهـ وجوها حلو...بس انا انصحك اذا كنت للغه انك تروح لكامبردج او اكسفورد..

هلا أخوي

بالنسبه لي أنا درست في لندن حلوه وفيها معاهد قويه وفله يعني ماراح تطفش لكن السكن غالي مرررره وإذا سكن على طرفها وداوم إلى السنتر بتاخذ أقل شى منك 45 دقيقه بتزهق من الزحمه غير كذا الإنجليز قليل أكثرهم سياح و هذى المعاهد فيها تر سعوديين

رأيي أتفق مع أخوى راسم غلاها أدرس لغة في كامبرج أو أكسفورد بس دور المعهد الزين وحاول تبعد عن العرب وتتكلم أنجليزي واجد لين تحصل الدرجة المطلوبه أسكن مع عائلة أنجليزية أقصى مدة تقدر عليها

بعد ماتحصل درجة حلوه في الأيلس رح وأدخل بريسيشنل في الجامعة الى تبيها أنا رايح أنشاء الله لجلاسكو
أنا معك أن جلاسكو برد ومطر لكن معظم السنه معظم مدن بريطانيا ماتقدر تتوقع وش راح يكون الجو بعد ساعة أنا بالنسبة لي أشوف الجو مو مشكلة أما البعد جلاسكو في أسكوتلند وتقدر تأخذ طيارة إلى لندن رايح جاي تقريبا 55 باوند

أنا حاضر لأي سؤال


تحياتي...

تواصل معي فلدي عدة اختيارت لمدن ومعاهد حسب رغباتكم

كما نقدم هديىة لكل من يسجل عن طريقنا ويبداء الدراسة

أشكر الجميع على الردود

أنا بعد البحث والتقصي لان بعض الجامعات غير معترف فيه والبعض موقوف والبعض ما تقدم التخصص اللي انا ابي

وقفت على الجامعات التاليه وهي بالترتيب حسب رغباتي فياليت تقولون رايكم لان رأيكم يهمني , لكن ياليت يكون من تجربه او نقل عن أشخاص ثقه :


University Of Sheffield
MSc(Eng) in Advanced Software Engineering

----------

Oxford Brookes University
Software Engineering

-----------

University Of Glasgow
Software Engineering (MSc)

-----------

King's Collage London
Advanced Software Engineering

-----------

Kingston University London
Software Engineering with Management Studies

-----------

University Of Greenwich
Enterprise Software Engineering




أخوي عدوولي ,, ياليت تقول لي السبب اللي خلاك تختار جولاسكو بما انك نفس التخصص ؟؟

بصراحه اول جامعتين حطيت خياراتها فضلتها كثير ...

هلا أخوي

أنا أخترت جامعة جلاسكو لانها الأقوى مقارنة بالجامعات الى كاتبها

شيلفيد عندي قبول منها بس مدري جامعة جلاسكو أقوى منها طبعا أنا ماقرنت الجو و ...

الجامعات الباقية أنا مأدري عنها لكن جرينيتش ماأنصحك فيها وبقوة



تشكرات...

أخوي عدولي .. تصنيف شنغهاي 2009 يقول جامعة شيفيلد تحتل المركز 81 على العالم و9 على بريطانيا
وجامعة جلاسكو تحتل مركز ما بين 101 إلى 151 مكرر على العالم وما بين 12-15 مكرر على مستوى بريطانيا

وهذا الرابط تقدر تتأكد بنفسك http://www.arwu.org/ARWU2009_5.jsp

وفي تصنيف ويبمتركس 2010 نحصل جلاسكو ترتيب 90 على العالم وشيفيلد 213 لكن وهذا اللي طلعت فيها فضيحت جامعة الملك سعود لما كان ترتيبها 2998 على العالم !!!!
http://www.webometrics.info/top100_c...sp?cont=europe
لكن مثل ما هو معلوم ان تصنيف شنغهاي هو التصنيف اللي يركز على جودة التعليم أكثر

ولو رحت لتصنيف الجارديان حسب تخصص الحاسب حصلته الفرق شاسع بين جلاسكو وشيفيلد لصالح جلاسكو

بصراحه المقومات اللي خلتني افضل شيفيلد ,, ان الجامعه سمعتها زينه من ناحية التصنيف الدولي مثلها مثل جلاسكو الشيء الثاني المدينه جميله ويمدحونها وقريبه من لندن وقريبه من كذا مدينه مثل ماشنستر وليدس وننتقهام

والشيء الأخير هو رأيكم .... لكن ليش اخوي عدولي أستبعدت جامعة قرينيتش ياليت تقول لي الاسباب لان يمكن الشيء اللي اسبتعده انت يكون عادي بالنسبه لي !