حوار ياشباب بريطانيا والله احترت وقتلني التفكير الحقوني

اهلين يا ذيب والحمد لله اني اول واحد يرد عليك
انا باعطيك رايي وتجربتي يمكن تعجبك ويمكن لا وراح ابدا خطوه خطوه اوكي

باتكلم عن اللغه اول شي: تعلم اللغه يا عزيزي من اكثر الاشياء متعه خاصة اذا كان عند الشخص رغبه وحب انه يتعلمها وفي نفس الوقت سهله مره للجادين يعني المعاناه في اول اسبوع او اول اسبوعين . كيف ؟ باقول لك يعني لو الواحد يذاكر في اليوم نص ساعه بس ويحفظ كلمات بسيطه ولو خمس راح يمل ويتعب في البدايه بس صدقني مع ثاني اسبوع بتشوف انك صرتت تطور وتصبح شي عادي عنك وراح تشوف نفسك مع الوقت خلاص صارت شي اساسي عندك هالنص ساعه وراح تستمع ...... لكن
والله اين اكلمك من جد وبامانه مشكلة الشباب السعودين وانا منهم خلاص يقول ابي اتعلم اللغه واللغه صعبه وما اقدر عليه وهو ما يذاكر اصلا كيف تبي تتعلم دام ما تذاكر وعلى قولت دكتور الله يذكره بالخير يقول ( تذوق اللغه يعني هي تبي لها شوية فهم مع شوية مذاكر مع شوية ممارسه مع شوية تسليه ) وكويس انك بديت من اللحين ونصيحتي لك احفظ كل يوم 10 كلمات ويوم الخميس راجعها كلها ويوم الجمعه حاول انك تتسلى عليها يعني راجعها مره ثانيه وجرب مع نفسك متى جربها في جمله مثلا واذا فيه احد يصححها لك يكون احلى.

اما بالنسبه لبريطانيا او لامريكا فكلها ما فرقت من ناحية تعلم اللغه ما اخفيك ان امريكا افضل نوعا ما بس هي في الاول والاخير 70% تعتمد على الطالب نفسه .
وان شاء الله انهم بيقبلونك واسف طولت عليك ودي اكتب عن الغربه وحلاوتها بس ما ابي اكثر عليك بالتوفيق
وانا في الخدمه في اي وقت

اختيار المعهد مهم برضووووووووووووووا لازم تختار مممعهد

مشكور اخوي على مرورك والله يوفقك يارب

والله يا اخي الغربة الكل ذاقها وراح يذقونها بعدك منت لحالك

وايش تقول على البنات غربة وتخصصات صعبة احمد ربك وماشيات يبون اعلى الدرجات

والله اللغة بتجي تجي بس يبلك توسع خاطرك وتذاكر اكبر وقت وتراجع اول باول

اولويات وترتيب امور الحياة والمصاريف تجعلك مستقر نفسيا فراح تبدع وتنجح

بالتوفيق

و عليكم السلام و رحمة الله و بركاته
اتوكل على ربنا و سجل في البعثة و إن شاء الله تنقبل سواءا بريطانيا أو غيرها. أبدا لا تحط في بالك أي أفكار سلبية ممكن تثني عزيمتك عن الدراسة. مثلا اللغة مرة لا تشيل همهما في البداية أمكن ما تقدر تخارج نفسك في البقالة او محطة القطار و زي كذا لكن بعد كم أسبوع صدقني راح تتعود و تتطور لغتك و تزول العقبة بإذن الله و أبشرك أخويا ماكان يعرف انجليش يعني كل الي يعرفه من المدرسة و أخذ فترة بسيطة و خلاص ماعاد يطلب مني أساعده في الترجمة أو اي شي ثاني . مرررررة شيل هم اللغة من دمااااااااااااغك و تراها فللللللللللة.

بالنسبة للأكل المحلات العربية و الباكستانية و التركية في كل بقعة مرة لاتخاف. و لمن تبى تاكل مثلا من أي مكان اتاكد بس من خلوه من الكحول و منتوجات الخنزير. بس امكن تحتاج أهلك يرسلوا لك تمر و بن و هيل و معمول مع انها متوفرة في بعض المدن.

ثالثا الغربة امممممممم اممممم صراحة مايتعب نفسية الطالب الا الغربة, لكنها فترة و تعدي يعني بس في البداية تحس واو فلة مكان جديد و ناس جديدة وكل شي مو زي السعودية و بس بعد كذا ينقلب الوضع و تسير كاره المكان و كمان تنتقد كل شي تشوفه قدامك و تقارنه بالسعودية أبسط مثال تقارن مساحة المنزل تقول الله يعز السعودية بيوتنا كبيرة و الله لا يحقر علينا مافي حشرة الا في القبر هههههههههه
و بس بعدين خلاص تتعود و امكن تحب البلد كمان و لمن ترجع السعودية اجازة تقول و الله وحشتني بريطانيا. بما انك شاب اظن ماراح تتعب كثير من ناحية الغربة صدقني.

اخيرا المذاكرة عادي كيف كنت تذاكر في السعودية حتذاكر هنا اللهم هنا حتلصق في شيء اسمه مكتبة!

بالتوفيق و ادعيلنا كذا دعوة حلوة ربنا يوفقك و يسهل دربك دنيا و اخرة.

انت معقد الامور وتفكيرك دقيق بزياده
مثل الاكل تقول وش لون اباكل يااااخوي اذا انقبلت بالعثه ان شاء الله تاكل موز لمدة شهر هذه مو مشكله لا تعقد الامور

وفقك الله

اختي مشكورة على مرورك واسعدني كثير روحي الله يفرج همك وغمك وتصيرين عالمه كيميائية بجد