تأشيرة المرافق؟؟؟

والله انا مثلك وكتبت موضوع بسال نفس السؤال ونفسى حد يجاوب سعر تاشيرة زوج المبتعثه ايه ؟

يارب حد يفيدك ويفيدنى

السلام
انا مرافق , وقدمت اوراقي مع الزوجة , وكان المطلوب من المرافق , جواز ساري المفعول صورتان , ضمان بنكي , اذا لم يشمل اسمك مع المبتعث الاصلي بنسبة لضمان , واخذت ورقة من وزارة التغليم العالي او خطاب موجة لسفارة البرطانية لتسهيل اموار الفيزة
كان مكتوب فية المبتعث الاصلي و مرافقية , والحمداللة عطونا الفيزة
بتوفيق , ونفس الشء رزقنا اللة بمولد , وسوينا نفس الخطوات وعطونا فيزة للابن الجديد
اي سؤال انا موجود

مرحبا اخوي
نوعية الفيزا تعتمد على نوع العلاقه بينك وبين المبتعثه
مثلا ,, انا المرافق اللي معي أخوي ,, والجامعه عطتني ضمال مالي مكتوب فيه انه الضمان للمبتعثه وكافة مرافقينها ( التابعين لها )
بس لمن رحت لمكتب التاشيرات في الرياض ,, قالو احنا في بريطانيا مانعتبر الاخ تابع ,, فرفضو يطلعون له فيزا مرافق
واضرينا نسويه له فيزا سياحيه visitor
وبعد ماجينا بريطانيا سويت له قبول ورجع السعوديه سوا له فيزا جديده ,, اللي هي فيزة طالب سائح < طبعا احنا سوينا كذا لاننا ماجهزنا قبول من يوم كنا بالسعوديه ,,

اذا انت زوج المبتثعه الامر سهل ,, تستخرج فيزا مرافق ( او يسمونها تابع ) student dependent
في كل الاحوال سواء كنت زوج المبتعثه او اخوها انا انصح بالحصول على قبول لدراسة اللغة من قبل تجي بريطانيا

بالنسبه للمتطلبات للفيزا فهي مايلي :
متطلبات الفيزا السياحيه : جواز سفر ساري المفعول طبعا + كشف حساب لحسابك البنكي لمدة لاتقل عن 3 شهور ( من رايي خليه 6 شهور اضمن ) طبعا باللغه الانجليزيه ومختوم من البنك + ورقه تستخرجها من جهة عملك اسمها employement letter فيها مسماك الوظيفي وراتبك واسم الجهه االلي تعمل عندها ,, ( حتى لو كنت مقدم استقاله عادي العمل رح يعطونك هالورقه ,, اخوي استخرجها حتى وهو مقدم استقالته ) .. طبعا حاول تحط بحسابك مبلغ ,, انا ماعرف كم يبغون اقل شي لكن انا شخصيا تسلفت 70 الف حطيتها بالحساب واستخرجت كشف الحساب ورجعت الفلوس لاصحابها

بالنسبه لفيزا المرافق ( ولد , او زوج المبتعثه ) ماعندي خلفيه لكن اعتقد نفس الاشياء السابقه ..

فيزة السائح الطالب :
ضمان مالي من اللي رح يدفع لك التكاليف ( سواء انت بتدفع لنفسك يعني حسابك البنكي , او ضمان مالي من الملحقيه )
القبول , اكيد تعبي الابلكيشن الخاص بالسائح الطالب

وفيه شي مشترك بين الجميع ,, اي ورقه تعطيها المكتب حط منها نسخه عشان ماياخذون الاصل
يعني مثلا لو كنت مرفق القبول الاصل بس رح ياخذونه ,, لو حاط النسخه بس احتمال يرفض الفيزا
اذا حطيت الاصل + النسخه ,, ياخذون النسخه ويرجعون لك الاصل

والله يوفقك يارب

شكرا عالرد اخت شموع

انا كمان مرافقي اخويا وطبعا ماعنده قبول يعني المفروض ياخذ فيزة سياحه صحيح ؟؟

انت قلت فيزه سياحه visitor بس ما فهمت قصدك لانه في فرق بين تأشيرة زائرvisitor اللي تحتاج خطاب دعوه لشخص او قريب في بريطانيا تبغي تزوريه وبين سياحة tourism
ياليت تصحيحني لو انا غلطانه

شكرا لك

اختي بقلاوه انا ماعرف بصراحه اذا فيه نوعين من السياحيه

بس اذا اخوك وده يدرس لغه هناك , انا انصح بذلك لانه مسموح له يدرس على نفقة الملحقيه
افضلك من الان تدبريله قبول من احد المعاهد اللي موجوده في المدينه اللي بتروحي لها
حتى لو كان معهد جامعه مو مشكله يدرس جنرال انجلش
فانا انصحك بالاتي
الان تسوي له قبول وتسالي الوزاره من وين تاخذين ضمان مالي ,, لانه اخوي بعد وصلنا بريطانيا سويت له قبول واخذ الضمان من الملحقيه ورجع للسعوديه يسوي فيزا جديده ,,
فافضل لك من الان تجيبين له قبول + ضمان مالي ( لو باسوء الحالات ماقدرتي تحصلين على ضمان ممكن تجيبين كشف حساب الوالد انه ممكن يتكفل بمصاريف الدراسه ) وبعد ماتوصلي بريطانيا تروحي للملحقيه وتطلبي ضمان مالي

فيه كذا نقطه مهمه نسيت ابلغك فيها :
1- الملحقيه ماتدرس المرافق على نفقتها اذا كانت فيزته سائح عادي Visitor << هالسبب هو اللي اجبر اخوي يرجع السعوديه يسوي له فيزة طالب سائح
2- لو في حالة اخوك يبغى فيزة سائح لازم يكون مجهز وحاجز فندق وحجز تذاكر وماعرف ايش << انا كحل لهالمشكلة اللي عبى لي الابلكيشن عنده خبره في هالموضوع وكتب لي اسم فندق من عنده على اساس انه عندي حجز فيه ,, انا بصراحه كنت متخوفه انهم يشيكون ويشوفون هل فيه حجز ولا لا لكن الحمدلله مشت الامور ,, اذا انتي مجهزه سكن اكتبيه في الابلكيشن

اي سؤال انا حاضره وفي الخدمه عزيزتي واسال الله يسهل امرك

مشكوره ماقصرتي وموفقه انشاءلله