وأسئلوا أهل العلم ان كنتم لا تعلمون

السلام عليكم اخوي الكريم
انا اقترح عليك بارك الله فيك انك قبل ماتجي بريطانيا تبحث عن حاضنة في نفس المدينة اللي بتدرس فيها
وتشوف كم تكاليفها مقارنة بتكاليف احضار الخادمة لانه فيه ناس حصلو حاضنات مسلمات في بعض المدن وكانت تكاليفهم معقولة نوعا ما..
حبيت اذكرك انك ترا اذا جبت الشغالة لبريطانيا راح تلزمك الحكومة البريطانية انك تزيد راتبها بحيث مايكون اقل من 5 باوند في الساعة
ويشترطون عليك انك تعطيها اجازة نهاية اسبوع..
اتمنى لك التوفيق وحاضر لاي استفسار..

الف شكر لك اخوي خالد بس والله امغصني بطني يوم قريت كلامك

احم خمسه باوند في الساعه؟ يعني كم بيكون راتبها :s

طيب الحاضنه اللي وضحتها لي وانا اخوك اللي تكون في نفس المدينة كم عادة تطلب شهريا لكل طفل؟

وهل طفلي ابو اربع سنوات ونصف بيقدر يدخل مدرسة سعودية؟ او لازم يوصل لسن 6 سنوات؟

والله متوهقسن في نقطة مرافقة الاطفال يبيلهم عناية صعب التوفيق بين متطلبات بيت ودراسة مو كأن الخادمه وجودها ضروري؟

ياليت لو احد يفيدني كم ممكن يكون راتب الخدامه شهريا والنقطة الثانيه كم بيكون تكلفة الحضانة شهريا بطرق وديه غير سمية بدال الخمسمية باوند

شاكر مقدما

مرحبا اخوي الكريم
بالنسبة لراتب الخادمة في بريطانيا ما اقدر اقولك بالظبط كم راح يصير لانه يعتمد على جنسيتها ويعتمد على النظام البريطاني
وبامكانك الحصول على هذي المعلومات من مكتب الهجرة او الاطلاع على نظام العمل والعمال البريطاني في الانترنت او تسال
مجرب..
بالنسبة لطفلك الله يحفظه وينزل فيه البركة مايقبلونه المدرسه الا لما يصل للسن النظامي المعروف
لكن ممكن تدرسه على حسابك في حضانه او روضة اطفال والله يوفقك وييسر امرك..

اخوي بندر

الطفل اذا صار عمره ٤ ومافوق يحق له يدرس في الحضانه (nursery) ومجاناً والدفع في حال الطفل اقل من هالسن هذا في المدينه اللي انا فيها مدوي اذا تختلف في بعض الاماكن

وانت احسب تكاليف الحالتين والمتاعب ثم استخير بركعتين ثم توكل على الله

بالتوفيق

ياشيخ روح ريحت قلبي الله يريحك دنيا وآخره
طيب انت تقصد بأي حضانة اللي مجانا حضانة الجامعة يعني؟

حاولت اعرف اكثر عن طريقة احضار الخادمة معي من موقع مكتب الهجره البريطاني بس ما قدرت القى اي معلومة
وهذا موقعهم http://www.ukimmigration.com/news/20...statistics.htm

طيب الاخوان اللي راحوا بعوائلهم ومعهم اطفال ما مروا بنفس التجربة؟

ياليت لو يشاركوننا فيها

دمتم لنا ذخرا

انا معي طفلين

ومثل ماقلت دخلت الولد الكبير مدرسة انجليزية مثل الروضة عندنا مجانا من ٩ الصبح الى ٣ الظهر

والثاني لان عمره اقل من ٤ سنوات اوديه لحاضنة مصرية تاخذ ١٨٠ باوند بالشهر وتستقبل الطفل من ٩ او ثمان ونص الى ثلاث الظهر

والفرق بين سعر الحاضنه المصرية والانجليزية واجد لكن يمكن في بعض المدن يضطر الاباء الى الانجليزية بسبب ان مدينتهم مافيها حاضنات عرب او مسلمين

وقبل بالسعودية كان عندي خادمة بس تركتها هناك لاني خفت من سالفة حميدان التركي

بس زوجتي اذا حضرنا اجتماع النادي السعودي تقول لي ان فيه امهات سعوديات معهن خادماتهن ومدري هل اجرائتها متعبة والا لاننا ماسألنا اللي احظروا خادماتهن لاني بالاساس مافكرت الا انها تبلاني هنا والا تسحب علي دورني عاد اسوي طيب واترجاها تشتغل

اخوي اسمع العلم من واقع تجربة احد الاصدقاء وهو متواجد حاليا في بريطانيا
اولا ابنك الله يحفظه تعدى 4 سنوات يدخل الحضانه الرسميه من دون اية رسوم
اما بالنسبة للخادمه اذا كانت معك اكثر من سنه في السعوديه فروح عند اي مكتب استقدام وقلهم ابي اخذها معاي بريطانيا وابي يكون بيني وبينها عقد واتفاقيه على راتب معين بالباوند وهم يعرفون الحالات وحاول انك تجلس معاها وتتفاهم معاها و انت ادرى بشغالتك كيفها طيبه مو طيبه ؟
واذا تبي نصيحة اخوك جيبها ولاتخاف انت بتروح دراستك وزوجتك لدراستها والولد في مدرسته منت فاضي يوميا تشيل الصغيره من بيت لبيت ولا من حاضنه لحاضنه خلها في البيت والشغاله موجوده وتساعدكم في البيت والطبخ والامور ذي والله ييسر اموركم
الكلام ذا عن تجارب اعيشها يوميا لمدة اكثر من سنه

تصحيح

ﮤ ﮥ ﮦ ﮧ ﮨ ﮩ ﮪ ﮫ ﭼالأنبياء: ٧