مساعدة كيف تتصرف مع الناس الشبهة من الي تقط وجهها عليك .. وتحرجك.. كثير مهم جدا..!!

فهدون

هذا الاشكال اللي تبط الكبد

ليش ماتجلس معه جلسة مصارحه

قل ياخي وش تبي مني

وقله ترى مارتحت لك بصراحه بسبب الكلام اللي جالس تقوله

وقله بعد ماراح تاخذ اللي في بالك خله يحوس يدري انك انت اللي استخبارات مو هو

وقله بعد ما أخفيك ان ماخذ حذري منك
وقله اخر شي
وبس لا عاد تقول شي

نصيحتي لك وللأخوة // أي عربي مو معك بالمعهد أو الجامعه .. يبغى منك حاجتين ولو طالت المدة .. اما فلوس .. او الغدر الله يكفينا الشر وياكم ..
لذلك خلي شخصيتك قوية .. وعطها اياهـ كاش انك مارتحت له وماتبغى تمشي معه أو تقابله .. صدقني خلك انسان صريح جدا ترتاح
وتريح بالك ......... ,, كثرت السوالف من تصرفات العرب .. لاننزهـ أنفسنا لكن من واقع تجربتي وتجارب الأخوة .. واقصد بالعرب الغير متواجدين معك بالمعهد أو الجامعه ..

والله يوفقك ويحميكم يارب ......... ,, طبعا هذا رأيي ويمكن يكون للبقية رأي آخر .. أحترم وجهات النظر ولو كانت مخالفة ...

اذا كان الشخص انسان حياوووووي صعبه
وبعض هذي الاشكال اذا عطيته اياها كاش ممكن يحطك في باله

لكن اسلم طريقه صرررررررفه قد ماتقدر مشغول عندي اختبار لا تسولف سلم من بعيد وامشي اذا شفته بس لا تحاول تكون معاه صدامي

تخاف انه يسوي لك شئ لا سمح الله لكن الله يبعد عنك كل شر وعن المسلمين

كووووووووووون دبلوماسي دايم لا تكون حاد انت برى المملكه

قد تكون بدايتك معه باسلوب خطاء تحمل يافهودي واذا حسيت انه يحاول يتابع او شيئ ما على طول قله فلم انك (تعرف على بنت تشتغل بالبوليس وش رايك اعرفك عليه مره محترمه ) اذا ردة فعله خوف شديد او تمنع فلا تترد في الذهاب للبوليس لتقديم شكوى صوريه ضده ورقم جواله وانسه . يحرقون حرق .
اذا حاس انك ما تقدر تتصرف (صوره وارسل صورته ومعلومات عشان نتحاشه اونبلغ السفاره عنه

الاخوان اللي يقولون صارحه انك ماتبغي تمشي معه ماتفق معهم مع احترامي لهم


وليش تصراحه .. صارت سالفة حب وغرام وصارحني واصارحك


اخوي فهدون الله يوفقك والله اننا ازعجناك بس المختصر المفيد


اسحب عليه السيفون وصرفه باي شغله

لانه مايستاهل تكبر مقداره وتقوله بشكل صريح انك ماتبي تقابله او تمشي معه

واذا ودك بدورة تدريبيه لفن التصريف تامر وتدلل معك عميد متقاعد عمر صرفني ...هههههه


موفق يابعدي

*

قله انا مشغول .. ولا تجلس معه واظهر تطنيشك فيه . ولا تهتم ..
ولا تحاول تظهر اهتمامك .. والمكان اللي فيه لا تجلس عنده .

بسم الله الرحمن الرحيم
أخ فهدون والأعضاء اللي شاركو
آرائكم مفيده .. وانا احترمها ، لكن رأيي يخالفها
و انتو خليتو الشخص هذا (شرير)
في بعض الناس شخصيته من النوع هذا ..
يحاول يتقرب من الشخص ويجيب له سوالف عشوائيه بقصد التقرب منه
ويحاول يعرف وش المواضيع اللي تجذب هذا الشخص
فيحاول يحكي المواضيع اللي تثير اهتمامه وهي القصص البوليسيه
بإعتقاده انها راح تعجبه ..
فأقوول يمكن الشخص هذا معجب في شخصية فهدون أو بمعنى آخر أرتاح له
فيا أخ فهدون لا توسوس وأقرأ الاذكار دائما .. وسولف معاه اذا قابلته مره ثانيه مواضيع في حدود الدراسه والمعهد
كل ما حاول يطلع عن الموضوع دخله مره ثانيه ولا تجلس معه كثير
تحـياتي ودمتم سالمين

صرفه .. عادي