مساعدة كيف تتصرف مع الناس الشبهة من الي تقط وجهها عليك .. وتحرجك.. كثير مهم جدا..!!

وضحت لنا ان احساسك تجاهه مريب بس وضح اكثر ليه هالاحساس عشان يقدر الواحد يقول وجهة نظره

والله يا اخي يريد يعرف عن السعوديين كثير ويتكلم كثير الاستخبارات ووو وووو ...الخ ويردك تقعد عنده كثير واشياء غريبه ويقول انتبه من الانجليز وهو شكله مباحث وتعرف لما واحد يلزق فيك بشكل مو طبيعي وانت ما تعرفه شي غريب ..

مستحيل واحد يخش فيك عرض الى اذا بينك وبينه معرفة ,او او....

هل يوجد ناس في لندن يستهدفون الطلاب السعودية لمصلحتهم او لا ...والله سرت اشك كثير

اخوي فهدون

الله يكفيك شره آمين


دامه عربي ويتكلم بالاستخبارات وكلامه كثير انحش قد ماتقدر هالاشكال ماوراهم غير الخبث

لا تعطية رقم جوالك ولا يعرف وين انت ساكن عشان مايبلشك

خذها مني اخوي فهد والله هالنوعيه مرضانين ويمرضونك معهم اذا ماجروك لمشكلة

سكنت بلندن العام الماضي اكثر من ست شهور وشفت نوعية من العرب المباحث اللي يشتغلون لصالح ناس ماتدري وش هم ويستهدفون السعودي خصوصا عشان اشياء سياسيه وارهاب وهالشغلات وفيه نصابين يستهدفون الخليجي بشكل عام لمخدرات او بنات وشغلات قذرة

نصيحتي لك لا تستمر معه واذا قال احب السعوديين قل كثر منها

لانه على قولك يتكلم واجد ويذكر استخبارات وخرابيط وهذا يشتغل على مصلحته وهي انه يورطك بشغلات منت لها

واقطع اتصالك معه وركز على الدراسة واذا ودك بخوة وصحبه عندك الطلاب السعوديين والخليجيين واذا ودك تتوسع انقز العرب وخاوي الطيب من الاسبان و الطليان وامريكيا الجنوبية


الله يوفقك ويكفيك شر كل من في نفسه شر




*

طيب ما اريد اضهر العداوة كيف اسوي

الانسحاب ببساطه

لاترد على اتصالاته واذا شفته قله انك مشغول بالاختبارات او بالدراسه او بظروفك الشخصية

شكلك من النوع الحياوي اللي تستصعب انك ترده

طخها بوجه قله ياعمي انا انسان مشغول وماني فاضيلك

الله يكون بعونك

دايم برر انشغالك بالدراسه ولا تحاول تكون موجود بالاماكن اللي هو فيها , , واذا حكيت معه كلمه ورد غطاها ولا ياااااخذ منك لا حق ولا بااااطل , , ودايم يحذرون من العرب اللي هناك فـ انتبه وان شاء الله خير

معقوله ماتقدر تصرفه .. اول سعودي مايعرف يصرف خخخ

أخوي اجلس معه اذا تشوف به فايده ولكن خلك حذر حذر حذر في كل ماتقوله .. طالما انت واثق من حالك وش يضرك


موفق

يعطيكم العافية ..