يامبتعثين .. ماتقصرون أبد أبي قبول غير مشروط جامعي ..!!

حياك الله وبياك أخي القيصر من جديد ..

أنا لي سنه و ٨ اشهر في بريطانيا .. درست اللغه في سنه ومددت للبريسشنال كورس شهرين .. فاللي حصل خلال هذه السنه اي ماقبل سبتمبر اللي طاف .. كنت أبحث عن القبول الغير مشروط .. وتقريباً تناقشت مع عدد لا يقل عن ٢٠ شخص ممن لهم علاقه في جلب هذا القبول .. ولكن اتضحلي .. ان الاغلب يقولون انه بالامكان جلب هذا القبول ولكن للأسف كلام من غير فعل .. فمن خلال تجربتي .. ان الجامعه بعض الاحيان تغلط وتصدر قبول غير مشروط وبعض الاحيان محتاجة طلبه وتصدر قبول غير مشروط وعلى هذا الحال.

هذا مو تحطيماً لك اخي .. الا بالعكس تنوير دربك ان شاء الله

ولكن توجد سياسه حلوهـ جدا يتبعها القله من الطلبة الفاهمين في اسلوووب ( سنع نفسك بنفسك ) .. كيف يتم ذلك :

قدم على ثلاث جامعات من اللي مستواه جيد .. مثل ( جامعه قلامورقن ) .. ( جامعه هادرزفيلد ) .. ( جامعه هيدفوردشير ) ..

أول ماتقدم اوراقك وتاخذ رقم الطلب .. ترسل رساله الى رئيس قسم الحاسب الألي في الجامعه اللي قدمت عليها .. وتطلب منه المقابله في القريب العاجل ..

طبعاً قبل ماتقابله لابد تكون مرتب لك كلام ( لو ضفتله موسيقى صار اغنيه ) عشان يصير مرن معك.

ويوم تقابله خذ واعطي معه .. لين يوافق ان شاء الله انه يصدر لك القبول الغير مشروط. وأهم شي تكون اوراقك كلها معك ..

صدقني ياقيصر ان اغلب الجامعات .. اوراق الطلبة ماتروح للقسم من الانترنشال اوفيس على طول يصدرون القبول المشروط ..

طبعا ياستاذ قيصر .. الحركه هذه مجربه من اكثر من ١٠ طلاب ..

وأولاً واخيراً اسأل الله لك التوفيق اينما كنت

أخيك م. الحربي

هلا فيكـ أخوي .. قبل كل شي وشهي جامعتك ووشهو تخصصكـ وكم مطلوب منك بالأيلتس لدخول بدون بريسشنل .. حتى نقدر نصدقك القول والكلام هل تقدر تأخذ قبول غير مشروط بسهولة أو لآ .. ماهو عن طريقي طبعاً عن طريق وسيطك أو عن طريق الجامعة .. لأن غالب الجامعات ممكن تعطي قبول غير مشروط في حال كانت مثلاً طالبة منك 6 وإنت جايب 5.5 بالأيلتس وتقرير المعهد حقك عالي .. وكذلك الوسيط ممكن يخدمك بـ هالحالة .. ولكن في حالة طالبين 6 وإنت جايب 4.5 صعبة جداً ..

الطريقة الثانية يكون وسيط يلعب على حبل المبالغ المالية تعطية 800 باوند تقل أو تزيد ويجيب لك قبول غير مشروط وإنت وحظك ممكن صحيح ممكن مزور موثق غير موثوق بسرعة ووممكن يتأخر ويماطل ..

وقبل كل هذا لي عتب عليكـ وأنا أخوكـ ..

قيل عن الرسول صلى الله عليه وسلم بأنه قال " المؤمن كيس فطن " ( للمعلومية الحديث ضعيف ) ..

الشاهد من الكلام .. إنكـ إرتكبت أخطاء كثيرهـ منها ..

1- ثقتك بالملحقية والمعروف عنها التخبط بالقرارت فكان المفروض تدرس جميع الإحتمالات وماتنتظر رحمة أحد غير رب العالمين .
2- نزولك للسعودية بدون ضمان مالي للدراسة بيدكـ .
3- تأخرك بإجراء أي إختبار أيلتس ثآني رغم طول المدة بعد الإختبار الأول حيث أنه يجب أن لآتكون بين الأختبار الأولى والثاني مدة تزيد عن شهرين إلى ثلآثة حتى يقف الطالب على مستواه الحقيقي وتطورهـ ونقاط ضعفه وقوته .
4- إنت طالب ماجستير وأنا أخوك وبعد سنة من الدراسة 4.5 درجة ماتعتبر طيبة لك بمعنى ليست مقنعه كمستوى ولافي الضغط على الملحقية .

مشكلة أخرى كيف تبي تمدد خمس أشهر وتقدم بالبريسشنال من الأن .. إللي أعرفه بأن البريسشنال يبدأ من شهر 6 .. يعني من المستحيل تعطيك السفارة فيزهـ لمعهدين .. لأن رقم المعهد بيتسجل بفيزتكـ وراح ترجع تجدد فيزتك ثاني عشان تنتقل لمعهد الجامعة لدراسة البريسشنل بعد فترة ..

حالتك جداً معقدهـ ..

نصيحتي لك يالغالي خذا قبول لأقل من ثلآث أشهر من معهدك الحالي .. وتعال بفيزة طالب زآئر بأسرع وقت المعاهد معروف ماراح يشترطوا عليك ضمان مالي للحصول على القبول إذا كنت طالب زائر ولن تحتاج لقبول أصلي يكفي الأيميل من المعهد جدد فيزتكـ وتعال هنا قدم على إختبار أيلتس مباشرة ويفترض بما إن لك 4 أشهر ومستواك متحسن تجيب درجة لآتقل عن 5.5 .. ونصيحتي إختبر بالإنترناشونال هاوس بلندن لأنهم أكثر تساهل في تصحيح الرايتنق والسبيكنق .. ولاتستبعد حتى إنك تجيب الـ 6 بالأيلتس عندهم .. بعدها تفاهم مع الملحقية بخصوص التمديد بنفس الوقت وتقدر تضغط على الجامعة أو عن طريق بعض الوسطا بالحاله هذي وتجيب قبول غير مشروط .. هذا إن ماجبت 6 ودخلت الجامعة مباشره بدون لف ودوران ..

ثم إنزل بأوراقك كاملة للسعودية جدد فيزتك من جديد ..

لأنه لآيمكن تجدد فيزة الطالب الزائر من بريطانيا ..


ربي يسهل لك أمورك ويوفقك ..

م. الحربي

هلا والله اخوي وحياك الله ... ومشكور على رسالتك وتنويرك وإن الله يفتحها عليك من أوسع ابوابه ..

أنا الحين مشكلتي اني بالسعوديه .. ويمكن لو بتواصل يكون افضل للجامعات عن طريق الإيميل ..

بس هذي نقطه ماراح تكون إيجابيه بالنسبه لي فلذا لو فيه أحد من الإخوان بمدينة لوتن قريب من جامعة جامعه هيدفوردشير

يقدر يساعدنا بالموضوع هذا يعلم الله ماودنا نسلك هالطريق أبد لكن تجري الرياح بما تشتهي السفن

وإحنا على هذاالوضع إما إنا نلغي بعثه وإما إن الواحد يجلس يدور له على قبول غير مشروط لاجل كذا ..

أتمنى من الله سبحانه إن واحد من الإخوان المتواجدين بهالمدينة يقدر يوفر لنا قبول فيها .. واي مدينة أخرى

أنا ماتفرق كثير معي بأي مدينة بالضبط بس إذا كان بمدينة لوتن ..

بالنهاية كل الشكر يا الحربي على رحابة صدرك وتوجية معلومات أستفيد منها ويستفيد منها غيري

بالتوفيق للجميع ..

بالنسبة لمدينه لوتن .. هذا شخص في هالمدينه يسكن اسمه زكريا يفيدك في القبولات

رقمه .. 07837008678

ايميله .. admissions [at] definitivestudy dot com

موفق

العفو يالغالي .. وبما إن فيزتك سارية المفعول إلحق يالغالي وإطلع فيها وضبط وضعك من هنا

سؤال فقط يالغالي لدي أحد الأصدقاء حاصل على نفس درجتك وودهـ يدخل لنفس الكورس لأنه لم يتبقى له الكثير بمدة اللغة .. ممكن يالغالي تبلغني بأي جامعة وأكون شآكر لك..؟

دمت بود

م / الحربي ..

أبيض وجه وأنا أخوك وإن شاء الله جاري التواصل معاه على أساس إن شاء الله نشوف حل لعل الله إن يكتب الخير بالشخص الي حطيته
ويوفر لي قبول .. وصدقني دعوه من قلبي إن الله يسهل عليك مثل ماقاعد تتجاوب بالموضوع
كل الشكر لك يالغالي وإن شاء الله محفوظه عند العزيز الذي يعلم بالضايئقات فيفرجها من عنده ..

تحياتي ..

العاني الأسير ..

أبشر وأنا أخوك بس ليته يتحرك أكثر من الأن لو كان يبي .. والجامعه هي جامعة كوفنتري ..
يطلب منهم برسشنال كورس .. أو إذا كان يبيها عن طريق نفس الإيجنت الي جبت من عنده ممكن ترسل لي إيميلك على الخاص
واعطيك البيانات الخاصه بالشخص ..
بخصوص الفيزا وسريانها .. يمكن من الله هي النقطه الوحيده الي جات بصالحي .. ودامني جاي جاي خلها تصبح زي ماهي عليه
وراح أدخل الأيلس مره واثنين وثلاث .. بس للعلم المعهد السابق سويت من عنده إخلاء طرف وسلمت البيت
فما أعتقد إني راح ارجع لنفس المعهد وأدرس لغه وأضيع وقتي بزياده .. أفضل حل أركز بالأيلس طول الفتره الي راح اجلسها ..
أراجع الملحقيه ..
الخطوه الجديده .. راح أرفع تظلم للوزاره دام إنه عندي أوراق ثبوتيه ودام الملحقيه ماهي راضيه تتجاوب ..
فإذا حاولوا إنهاء إجراء أي شئ فأنا مكلم الوزاره اليوم وقالوا لي لو تشوف إنه لك تظلم بهالشئ راجعنا ..
وأنا ماراح أسوي أي عمل أخر سوى إني حاليا بأنتظر رحلتي وأرجع لبريطانيا ..

مره أخرى العاني الأسير ..

ألف شكر وتحية من القلب إلى القلب مضججه بأعذب الدعوات لشخصك الكريم

تحياتي

الأخ العزيز .. م / الحربي

يعطيك العافيه على الرقم والشخص المذكور .. وتم التواصل معاه وبصراحه قالي إن فيه عنده كورس برسشنال يبدا في june
وهذا الكورس بنفس الطريقه الي انا ذكرتها .. بس هنا المشكله هل فعلا راح توافق الملحقيه على نفس الشئ
أم إنها بتسوي لي سالفة بعد طويله عريضه .. أنا بالنسبه لي راح أتواصل معاه إن شاء الله لاجل يوفر لي قبول بجامعة ويلز
فبصراحه 3 شهر أحسن من خمس شهور هذا فرضا لو حصل أي تعطيل من قبل الملحقيه يكون فيه برضه حل أخر وإنه مايفوتني كورس
وأدخل فيه الجامعه
بالتوفيق للجميع والف شكر يا الغالي ..