مساعدة مهم لجميع المهندسين - ابداء للراي فقط -

اخي العزيز : ناصر السلام عليكم

اولا - اشكرك على اجابة اسئلتي وتحملها رغم كثرتها -
ثانيا - بالنسبة لرغبتي هي الهندسة الكهربائية والاكترونية - لكن كثير من الطلاب اللي درسوها يتكلمون عن صعوبتها فأحببت أن استشيرك بما أنك احد طلابها ... واريد رأيك ..

ثالثا - أنا سوف اكمل سنة الفاونديشن وارسل لك اوراقي - لكنني قلت لك أن دراجتي دون المتوسط ...واتمنى منك سؤال الجامعة كم نسبة القبول لديهم للبكالوريوس بعد الفاونديشن؟ تحياتي لك 0

ما ادري وش دور الخدمه المدنيه بمعادلة الشهاده معادلة الشهاده اللي اعرفه انه من قبل وزارة التعليم العالي فقط واللي انصحك فيه تجيب القبول وتراسل الملحقيه واذا وافقوا لك توكل على الله واذا ما وافقوا لعل الامر فيه خيره واسال اهل الخبره يمكن يفيدونك اكثر مني

وعليكم السلام ورحمة الله وبركاته

تامر امر في اي وقت واعتذر مارديت بسرعه وذلك لظروف صحيه

اخوي بدر الشمال انت اذا رغبتك هندسه كهربائيه توكل على الله وشد حيلك ما اقولك مافيها صعوبه بس تذكر انت داخل تخصص كبير وقوي ومطلوب ولا فيه شي بالساهل

انت معاك الثانويه من السعودية وفي ليفربول فاونديشن ؟
تبي قبول لسنة الاولى ؟

اخي العزيز : ناصر- السلام عليكم
اولا - الحمدلله على سلامتك - ونتمنى من الله ان تكون في اتم الصحة والعافية - وشكرا لك على تحمل اسئلتنا 000
ثانيا - نعم انا حاصل على الثانوية من السعودية - مبتعث ضمن برنامج خادم الحرمين
الشريفين حفظه الله للبكالوريوس - طبعا امضيت السنة الاولى للغة - ثم هده السنة في الفاونديشن - طبعا جاءنا القبول في كلية كابلن في ليفربول - لم نكن نعلم بصعوبتها في سنة الفاونديشن 0
ثالثا - سؤالك -تبي قبول لسنة الاولى ؟ لم افهم قصدك (قبول للسنة الاولى)
لكن انا اريد قبول بكالوريوس ثلاث سنوات - لان معدلي في الفاونديشن
أقل من المتوسط 00 تحياتي لك 0

الله يسلمك ويعافيك

اوكي اخوي اذا تبي قبول علمني اي تخصص تبي وابيك ترسلي على الايميل شهادة الثانويه والشهادة اللي اخذتها من معهد اللغه وورقه تثبت انك تدرس حاليا فاونديشين وابشر اجيب لك القبول

الاخ ناصر قوووول امين
والله يوووفقك لما تحبه وترضااه انا ياخوي ناصر ابيك تراسلني خاص بعد اذنك واقوولك اللي بخاطري كله
وايميلي هو abc1441 at hotmail.com
بدون مسافاات وعافاك الله والاخوان الموجودين كلهم

اخوووي

تبي الشوور

خلص بالسعووديه الدراسة وريح مخك
وبعدين ادرس ماستررر ببريطانياا

دامك درست وباقي سنتين كملها وترااا عندك هالايام اختبارات لا ترهق مخك
ناووي عل شهاده من بريطانيااا خلها بالماستر
خووفي ترووح وعندك الملحقيه وازعاجها ومشاكل التووثيق بترووح سنينك وانت بهالحال
انا خريج هندسة بجامعة الملك سعود
دراسة بريطانيااا طبعااا اصعب مايحتاج ويبي لها لغة قووية بجامعة الملك سعود اوك مناهج انجلش لكن مدرسين عرب وشووي اجانب والبرسنيشن قبل الامتحان لاي مادة تشررحه بالعربي

اتمنى اني افدك بشئ
وربي يكتب لك اللي فيه الخير يارب
ويوووفقك اينما كنت

كمل الباكلريوس بالسعوديه اصرف لك والله

نصيحة كمل البكالوريوس في السعودية وبعدين اطلع كمل الماستر

لأنه الملحقية ماهي مضمونة وكل يوم تتغير قرارتها

نصيحة حاول تطور لغتك خلال السنتين الي باقيه ولمن تطلع تكمل ماستر خذ قبول لغة برسشنل الي قبل الماستر وفترته بين 3 الى شهر يعلمك كيف تكتب بحوث عشان ماتتعب في الماستر