مساعدة الآن لهالدرجه ممكن أني ما أقدر أحصله في بريطانيا إلا بالحرام ؟؟؟!!!

Muslim Islamic Mortgages halal shariah loans

Islamic Bank Of Britain (IBB) • Home

مادري عنهم ولكن قلت احط الموقعين لعل وعسى تلقى شيء مفيد

والله يالغالي شغلة البنوك حاولت معهم
للأسف الإسلاميه منها ما تبي طلاب
مع ان عندي ضمانات تعتبر طيبه ومؤهلات قويه ومضمونه بس تعقيد في تعقيد أي والله

للأسف ومن ضمنها بنوكنا العربي والرياض الي في المايفييرفي لندن

الله يكون بعونك اخوي ابو فيروز


سمعت مرة انه اذا تبي تشتري سيارة البنك يشتريها لك وتقصدهم بس مدري ماني متاكد

ماقالوا لك شي عن هالطريقة !

اللهم آمين يالغالي وإياك
والله يالغالي انا كان في ذهني مشروع
ورحت لبنك HSBC
وانا عندي حساب عندهم ( حساب أمانه )
دقيت عليهم وحولوني لقسم ( أمانه فايننس )
ويوم كلمني واحد يرحب ويهلي قلت له انا ابيكم تشترون لي بيت ( مورقج )
قال فالك طيب وحنا نمولك ونزبط وضعك بس حط اصبعك على الخريطه وأشر على البيت أو الشقه اللي تبيها
وأقساط مريحه على أربعين إلى خمسين سنه
قلت طيب انا أدرس ماجستير ودكتوراه وبعد أربع أو خمس سنين ماشي
أقدر أبيعها عليكم
قال أيه على سعر السوق وقتها نقدرها منك ونتوكل نشتريها أو ندور لك زبون مناسب لها
لأنه بيني وبينكم أنا ناوي أطق بيت وأبيعه على أيام الأولمبياد 2012 بإذن الله تعالى
حقين العقار يقولون بتصقع العقاراااااااات على كلامهم وانا منيب خسران والعقار الإبن البار مثل ما يقولون ..
المهم
قلت تمام قال أجل الوعد بكره الساعه وحده وعطاني رقمه وواعدني في البنك وقال لا تجي الا بجوازك وضماناتك وخرطيك كلها
والله اني صاك السماعه وانا أأشر أنا والمدام على الخريطه ندور الأماكن الزينه


ههههههههه
قابلت الرجال الساعه وحده
قال أشوف جوازك
أوووووووه معليش يالطيب تأشيرتك تأشيرة طالب
أيه يا دلخ قايل لك اني بأدرس ماجستير ودكتوراه وش تتوقع فيزتي
خياطه مثلاً ههههههههههههه
والله يا انه بط كبدي يا شيخ
قال انه لازم يكون لك أكثر من سبع سنوات إذا تأشيرتك طالب

المهم مالك بالطويله تراني موسع الصدر
آخر شي قال ان البنك يتحمل 65% و 45% عليك أنت .. شغله اسمها الدوبزت وانواع الحوسه ..

المهم اني سألته يوم تحطم حلم مشروعي قلت طيب تقدمون قروض لحقين أمانه أكاونت ؟؟

قال للأسف حنا ما عندنا الا امانه فايننس ولا نشتغل الا في المورقج

قلت يالبيه يا حقين الجفره بس ههههههههههههههههههههههههههه

50 كيس رز
وبعتك واستلمت وانت ماشي وكفى بالله شهيدا
هههههههههههه

الله يوفقكم يا جماعه

تذكرني قصتك بقصة دكتور كان يدرس ببريطانيا قبل ١٠ او ١٥ سنه واشترى بيت عن طريق البنك وكان يدفع لهم اقصاط ويوم جاء بيرجع للسعودية باعه وطلع بمبلغ حلو ... حلو إلا حلو بقوة ..


عاد هذاك الرجال مااتهمه لكن مذهبه وسيع وماكانت تفرق معه قرض حلال والا حرام

وكان يمدح هالطريقة ويقول تروح تدرس وتسكن في بيت اللي تدفع قيمة الايجار يروح قسط شهري وبالنهاية تبيع البيت او تحتفظ فيه اذا بغيت


وهي صراحه حركة مجنونه بس مشكلتها كبيرة وهي انها قرض ربوي

بس بعد هذاك اول قبل ازمة الرهن العقاري اللي صارت العام والان الرهن او حتى القروض صارت اصعب ... يعني حتى وسيع الذمة ماعاد يخارج ههههههه


لكن كفكرة انك تستثمر و تتكسب من العقار وعلى قولك انه الولد البار وهذا صحيح بس يبيلها مبلغ جامد عشان الواحد يدخل عالم العقار والمجازفه بالقروض او الديون على امل الربح نادرا ً يطلع الواحد منها سالم لانها دمرت ناس كثيرين حتى بالسعودية وبالقروض الاسلامية لانك مثل هالحاله تدخل صفقة كبيرة وانت ماديا ماعندك شي وهذا اللي يغري الطفارا اللي مثلي ومثلك بانه ياخذ قرض من بنك وبالنهاية تطلع التوقعات تختلف عن اللي كنا نحلم به مثل يوم تقول انك تبي تشتري البيت وتبيعه على وقت الالمبياد وانت ماتضمن انها ترتفع او ماتدري وش ممكن يصير ولا حتى اكبر تجار العقار بلندن مايدرون وش يصير بالمستقبل سوا العقار والا الاسهم او حتى ابسط الامور

لذلك بصراحه انا يوم شفتك مهتم بالموضوع قلت اعلمك بفكرة يمكن تحبها او تضبط معك وانا فكرت فيها اكثر من مرة والاكراد اللي بلندن مسوينها مع الخليجيين السياح بشارع الاجوير رود وهي انك تسوي عقود ايجار طويلة سنة او اكثر من سته شهور يطلع معك الايجار بسعر متوسط لان المكاتب يحبون العقود الطويل ويرغبون الناس فيها بعروض زينه المهم اذا اخذ الشقة او البيت تأجره للي يبون يسكنون ثلاث شهور وحولها وتزيد عليه شوي من القيمة وتسترزق وترا مايبغالها هجوله كلها كذا موضوع تكتبه في مواقع مثل قام تري او مواقع الطلاب السعوديين او الخليجيين او الاندية السعودية والزباين يجونك لحدك


وفيه شغلات صغيرة واجد يقدر الواحد يسترزق من وراها هنا في بريطانيا بس حنا ماندقق في الاشياء ومانلاحظ او مانهتم
*

طب ليش ماتاخذ القرض من بنك في السعودية؟
باسم واحد من أهلك وتحوله المبلغ شهريا
أو حتى باسمك

فكرة عابرة !

تحياتي ..

لو خطتك زبطت كان انا وراك على طول واذا جيت طالع اسحب عليهم كمان هههههههههه

مبتعث زحل حبيب ألبي
والله ان هقوتي ان دكتورك ذمته وسيعه بالحيل لأني ما خليت طريقه ما سويتها حتى المطانيخ من أخوانا البرذرس ما نفعت معهم العمليه
لكن على مسأة الضربه الحلوه أووووووه حدث ولا حرج
يا رجل أعرف لك واحد طاق له بيت بـ 270 ألف باوند وهو ما شاء الله بخير
ما كانت نيته تجاره أبداً
كان يفكر يقول ليش احط فلوسي في أجار
المهم ذيبان يوم انه خلص باع بيته بحول 330 ألف باوند
وستين ألف في جيبه ما شاء الله
الله يبارك له يا رب

بالنسبه للخبط واللزق حق الإجور رود ما يجوز لي وانا اخوك
ماش المسأله أشوف أنها بربسه وقد عرض علي صديق بريطاني عن هالشغله وقام يقنعني ويقول دبر لي بس 4000 وانا امون عليه واثق فيه صراحه

لكن ما جاز لي المطامر ورى خلق الله
هذي وجه نظر وانا اخوك
بس ان كانك ذيبان وتدور العيشه ابشر بها خلني احوس انا وياك وبيرزقنا الله بإذن الله تعالى
على فكره فكرة الإجور رود أول مشروع طق أذني أول ما جيت هنا
وانا لي سنتين هنا
وبعدها طلع ولا ألف مشروع
من ضمنها
تذاكر المباريات
أرقام الجوالات
سيارات
قبول جامعات
الكورس ووركس
توصيل من والى المطارات
توصيل عفش ( طبعا عفش ابو رد واحد مهوب تجيب لي حق ابو ثلاث ردود )
شغل وساطات بسيطه
بس وانا اخوك ما فيه مثل
تذاكر المبارايات
أوووووووووووووووووووووووه ما شاء الله فيها خير وانا اخوك
الله يبارك لنا ولك يالغالي

أختي أمواج
الله يعطيك العافيه على فكرتك العابره وفعلاً هذي أحد الحلول
شكر الله سعيك وبارك فيك

سلطان ساوث هامبتون
ههههههههههههههههههههههههههه
والله انك زاحف
على طول بلاك لست ولا تدخل بريطانيا بعدها
أنت عارف بالموضوع هذا ؟؟
بس أنت مخربها على بيت وقدره ولا ناس مخربينها على آيفون وممنوعين من دخول بريطانيا عشان شي تافه بقيمة 400 باوند
هههههههههههههه

اثرك منت بهين ماشاء الله عليك

والله يانك يابو فيروز تصلح مستشار مالي

فيك عرق حضرمي او انهم خوالك ..... ههههههههه


بس بصراحه اللي اعرفه عن التذاكر او تذاكر المباريات فيها شغلة حيلة ومايسويها شخص لحاله يعني غالبا مجموعه ويطلبون او يشترون التذاكر باول السنه بس اذا تبي تجي لحالك وتطلب شراء عدد كبير مايعطونك وتعتبر تجارة غير مشروعه في البلد وعليها مشاكل كثيرة

المشروع اللي يدر صحيح مطعم كبسات بانواعها وتجيب طباخ يماني عليه العلم وشف كيف الشعب يجيك زاحف هذا غير اقامة مناسبات للاندية لان عندنا مطعم صاحبه فلسطيني يسوي كبسات لمناسبات النادي بمدينتا وشغله كله زيوت بس عشانه الوحيد جابها الله له رزق وشكله قبل مايسوي كبسات بس شاف السعوديين يطلبونها قال نسويها لاجل عيون الدفيعه

صحيح علمنا وش صار بسلفتك دبرتها !

مالقيت شي بنك من بنوك البرذر احد يطق صدره ؟ تراهم منفقعين خاصه اللي شمال انجلترا بمانشستر وبرمنقهام وماحولها