Saudi women get in the driver's seat

امل من الادارة اقفال الموضوع

أخوي badkid13 اتمنى منك الاعتذار لاخوك ابو عبيد لانه ماقال شي غلط وهو حب يعرف وجهات نظر الاعضاء الي هم يمثلون ابناء الشعب السعودي والجيل القادم في المستقبل القريب ايل راح يكون لهم وجود بالمجتمع السعودي والي بعضهم اثرت عليه الغربه يعني نتناقش ونتحاور ونفهم بعض ونقول لبعض ايش الصح وايش الغلط

بعدين الدعاء الي تدعيه على اخوك المسلم مايجوز ولا نسيت ان الملائكه تقول ولك مثلها يعني الواحد يراقب كلامه قبل ماينطق فيه بعدين فيه اساليب افضل عشان توعي اخوانك الموجودين سوى ابو عبيد الي وجهة نطره وطرحه للموضوع مااعجبك ولا غيره

يااخوي اذا انت انسان ملتزم من جد او تغار على دينك ولا تبي احد يفتي من عنده نزل الفتوى وكفى كذا يقراءه الجميع وتصير انت الي سيطرة على الموضوع بدون ماتغلط على احد ولا احد يغلط عليك

واتمنى من جد الواحد قبل مايكتب اي شي يقراء النقاط الثلاثه الي موجوده فوق مربع كتابت الرد

اخوي abu-abeed اشكرك على صبرك وتحملك غلط اخوك المسلم سامحه الله وانا اقولك اكيد مايقصد الشي الي انت فهمته واكيد خانه التعبير

التسامح من صفات المومنين





اسفه لاني تدخلت فيما لايعنيني ولكن تمنى هذا اخر رد ينكتب في هذا الموضوع ويكون النهايه ويتقفل الموضوع والنقاش حتى مايكون موضوع سب وشمت وتهجم على بعكم والبعض





أختكم
قطرة مطر

والله لهو المفترض ان يعتذر لربه ويستغفر الليل والنهار على ما قترفت يداه من شرخ للصف وتفرقة لبلد واحد

اما انا فلا يشرفني اعتذاره ولا يهمني

اختي قطرة مطر

في المرة القادمة سيتحفنا الاخ بموضوع منقول من جريدة غربية عن الشذوذ الجنسي في السعودية (المثلية كما يلمعها الاعلام الغربي) وهل هو مقبول ام عادي وماذا تفعل ان وجدت احد ابنائك لديه هذا الميول وهل تقبل به ام تحاربه.

ومن هذه التفاهات

فهل يعقل ان ينشر اعلام يديره روبرت مردوخ اليهودي خبر يبين خير الاسلام على السعودية وقوته .

وهل تظنين انه وضع هذا الموضوع وهدفه النقاش ام تمييع الموضوع ونشر الفرقة والقدح في العلماء ومحاولة جعل هيئة كبار العلماء متخلفة وغير متطورة.
وما ظنك انه سوف يكون نهاية الموضوع الا ما رايت لانه لا يحب الحق ولا يرغب بسماعة.

وللمعلومية لقد وضع فتوى هيئة كبار العلماء حول هذا الموضوع في بداية ردود هذا الموضوع
لكن الاخ تجاهلها كانها لم تكن

في النهاية صاحب الموضوع استغفر لربك وتب اليه

امل من الادارة اقفال الموضوع

وعدم السماح بمواضيع الفتنة والتفرقة والبغضاء من ان تنشر في منتدانا الحبيب

اخوي الفاضل اشكر كل الشكر واتمنى يتوقف الموضوع الى هذا الحد واذا انت بالفعل تريد الموضوع يتوقف توقف انت عن كتابة الردود وانت ماقصرت بينت الفتوى والكلام الي كتبته فيه شي كبيره من الصدق والمصداقيه وانا قلت لك اعتذر لان خيركم من يبداء بالسلام وهذا في معنى الحديث للحبيب المصطفى صلى الله عليه وسلم


وانا اسفه اذا صدر مني شي يزعلك او يزعل اخوي ابو عبيد

بسم الله الرحمن الرحيم ..

أعود للمنتدى بعد إنقطاع أكثر من ســنه ..



أشكر أخوي على طــرح الموضوع ..

ونناقشة نحن ولا يناقشة غيرنا في الخارج ..
وأتمنى من الأخ اللي يرد بردود مع احترامي له .. قد يكون فيها نوع من التجريح ..
وإن كان أخوك مخطأ .. المفترض تدعي له بالهداية .. وليس بالدعاء عليه ..

ثانيآ .. أخي الكريم نحن نعلم أن الفتوى تتغير بالمكان والزمان .. وهذا شيئ معروف عند الفقهاء ..
ويوم إنك تذكر المشايخ والعلماء . وفتواهم فهم على العين والرأس .. وفتاواهم ..
وقد افتى عدد من العلماء في هذا العصر وخرجت أنواع من البحوث في هذا الموضوع .. بإجازته .. بشروط معينه ..
والشيئ الآخر ..ياخي العزيز نحن ليس لدينا رهبانية في دين الإسلام .. فنحن أمرنا بسؤال العلماء واتباعهم .. ولكن هذا لايعني انهم منزهين عن الخطأ ..فمن المعروف .. ( أن كل يؤخذ من ويرد إلا صاحب هذا القبر )
الشيئ الآخر .. المشايخه حرموه لدراء المفسده .. لأنه قد تتحقق بعض المفاسد من ورائها .. وهذا صحيح ..
ولكن من ناحية القيادة كقيادة .. فالمراءة كانت تركب النوق في عهد الرسول صلى الله عليه وسلم ..

من وجهــة نظري .. إن المسألة إجتماعية أكثر من أنها دينية ..
أنا أأيد قيادة المراءة .. وعندي إنها تركب سيارة تسوق لوحدها أأمن من اجيب واحد من أدغال الهند ( أخي بالإسلام ..هذا ليس انتقاص به لكن ليس ثقه فقط ) وأخليه يسوق بزوجتي ولا اختي .. ويصير ما بينهم إلا أقل من مترين بالسيارة .. ياحبيبي مفــسدة السائق خطيرة .. وياما سمعنا بقضايا الإغتصاب كفانا الله الشر وإياكم ..

لــكن المشكلة .. والعائق الأكبر بالنسبة لي ما فيه نظام وقانون يحمي المراءة .. وأقرب مثال وأنا وقفت قهر عليه ..ما حصل في الرياض في طريق الملك عبدالله مقارب اسواق صحارى ,, في اليوم الوطني قبل ثلاث سنين تقريبآ.. من تجمع الشباب وتسكير الطريق والرقص وقلة الحياء .. وزادوا الطين بله وفتحوا باب سيارة عائلة بالسواق .. هذا ومعهم السواق .....إلخ
يعني ما فيه نظام ولا شرطة تردع ذولا .. لو إنك تحط نظام اللي يقرب ولا يلمس البنت .. يصير له كيت وكيت .. والله ينضبطون .. والمثل الآخر .. واحد يغازل ويلاحق بنات قدامي بسيارته .. عند الإشارة .. لو ومعهن السواق لو كانت لحالها وش راح يسوي .. لا وقام يلاحقهم ويطاردهم .. ولاحقته إلين وقفنا عند إشارة وأخرى وحصلت بيننا مشكلة بسيطة و عدت على خيــر ..

مختصــــر الكلام ..
والله لو فيـــه نظام زي الناس .. وأي واحد يخربط ولا يسوي شيئ يعرف حده .. من كلا الطرفين البنات والشباب ..
أنا أول واحد أعطي زوجتي ( الله يجيبها على خير) مفتاح الــسيــاراة ..
لكن على الوضع الحالي .. لا أظن .. أخليها تسوق .. ولا أظن أجيب سواق بعد ..

تحية للجميــع .. وأتمنــى إننا نرتقي بالحوار .. ولو إختلافنا ياجماعة نبقى أخوان ..
شكرآ لصاحب الموضوع ..

اخي هذي نصيحة مني لك

لا تعامل الناس بالفضاضة والتنقيص والدعاء عليهم

لا تسوي مثل الشيخ عبدالعزيز الله يسامحة على الهوى ينقص بالدكتور احمد الغامدي علشان كشف الوجة
جالس يقلة انت شهادتك كذا وانت لا تصلح دكتور وانت وانت وانت......
طيب لو رد علية علميا كان احسن لة ولغيرة لفهم المعنى والتدقيق بها ومعرفة الحق

والله هاذي نصيحة مني لك مو علشان الان ولا بكرة.....خلها علشان المستقبل
انت يمكن فاهم بالشريعة والله يوفقك وجزاك الله خير
بس اسلوبك بالكلام هذا ما راح يغير وجهت المجتمع وراح يكون فيها عناد

انا شفت في احد المقاطع على اليوتيوب رجل هيئة بالرياض يضرب بنت كف ويشوتها لانها لبست عباية....خلنا نقول العباية كانت غير واسعة
طيب تتوقع بانك لما ضربت البنت كف هل راح تتوب....؟ هل سوف تتعض....؟ هل سوف تدعي لك لانك ذكرتها...؟
لا بالعكس
راح تحقد عليك وتدعي عليك وراح تعاند وتكبر راسها لان الشيطان يساعدها
الرجال لو نصحها وتكلم معها بطيب وقالها ان بهالحركة راح يصير كذا وكذا وهذا ضرر عليك واحنا نحاول نساعدك
وانت الله يهديك....الخ
هل هذا احسن ام لاضرب
((اذا رأيت منكرا فالتغيرة بيدك فالم تستطع فبيلسانك......
انت فاهم انها بالضرب وغيرها
وللاسف الاغلبية الي يطبقها......مد اليد وهذا خطأ لانك راح تعطي انطباع سيئ جدا عنك وعن الجميع
والمثل يقول
الشر يعم والخير يخص
الي بالحجاز المعاملة تكون وكأنه هو ابوها يقولها عيب ومن هالكلام......بس ما وصلت الى الضرب وامام الناس
لا هذا قد يجعل البعض يتصور ان الهيئة هنا لضرب الناس وليس للنصح
هذا يسمى (( الغلو بالدين)) الي يضرب ويخاصم ويبي الجميع يمشون على كلمته

والسلام ختام انا حاب اقفلها على كذا