الهجوم على الجامعات .. (طريقتي للحصول على قبول)

^^^

احيانا يطلبون تعبئة الفقرات وupload بنفس الوقت

يمكن لاحظتوا وتلاحظون ان كل جامعه لها طريقة تقديم تختلف عن غيرها بس بالغالب تكون طرق واضحه وسهله على شكل steps او process

*

حلو
انا عندي تزكيات بس باللغة العربية ماراح ارفقهم طبعا
فراح احط بس بيانات الرفري مثل ما اهما طالبين: اسمه ومكانه وايميله ورقم تلفونه
شكرا

^^^

لو تقدرين تترجمينها يكون افضل لان ارفاقها مهم حتى يكون الابليكيشن مكتمل واخر حلاوة

او على الاقل ارفقي معها ملف ويندوز ترجمة للتوصيات من ترجمتكِ انت بنفسك اذا تقدرين وهم بالجامعة غالبا عندهم دكاترة عرب او موظفين وماعليهم غير يتاكدون من صحة الترجمة

قبل امس سويت ابليكيشن ونسيت اكتب ايميل احد الدكاترة مع اني ارفقت توصيته بس ردوا علي انه لازم ترسل لنا ايميله عشان يستمر طلبك ويكتمل يعني عشان الايميل طلبوا اكمله عشان يكمل الطلب فااتوقع راح يطلبون منك ارفاق ورفع التوصيات حتى لو هي بالعربي

صج والله يعني تهقى احطهم واهما بالعربي؟
صراحة انا مايمديني اروح للدكاترة اطلب منهم يكتبونها لي مرة ثانية بالانجليزي لان ودي اقدم باسرع وقت للجامعات
فاذا يصير بحطهم بالعربي واهما يترجمونها اما انا اترجمها صعبة
مشكور اخوي ماتقصر
بسألك عن البيرسونال ستيتمن اللي يطلبونها منك في بعض الابلكيشنز، سويتها؟
انا توني بادية ابحث في النت شلون اسويها ولقيت هالموقع فيخ نصايح Purdue OWL

ههههههههههههههههههههههههههههههههههههههههههههه من جد مكرررررر مفر

اختي ام بدر

الرابط ممتاز ومفيد جدا

كان ودي ارفقه مع موضوع apply online بس ياللا خيرها بغيرها

ممكن تخلين احد يترجم التوصيات مهوب لازم نفس الدكاترة اللي كتبوها وشوفي المكاتب او بعض الاشخاص تعطينهم كم باوند ويترجمها اشوف انه افضل من ارسالها كذا بدون ترجمه لان الموظفين العرب في الجامعات ماراح يتعبون انفسهم في ترجتهما علشانك بس ممكن يصادقون او يشيكون على الترجمه اللي ترفقينها مع التوصيات لانها اسهل عليهم

اشكرك على النصايح وان شالله بترجمها في المكاتب اللي عندنا وارفقها

طيب يالغالي انا من الناس يلي تجيب قبولات وعلى قولك تضحك عليهم

يعني مو حرام عليك تضيع وقتهم في كلام فاضي وهوا بس انك تجمع فيها اكبر عدد من القبولات شكلك تبي تسوي فيها لوحة تذكاريه يابو هجوم

انا بسبب عدم جدية الطلاب يلي امثالك بطلت ماعاد اجيب قبولات لأي احد لأني عارف انهم يضيعون وقتك ويفشلونك مع الجامعة و يشغلونك اتصالات وتكفى وفيزتي بتنتهي ومشرفي ضاغط على والملحقية مدري وشو وفي النهاية

يرمي القبول في الزباله من جد احس انها حماقه و عباطه .!!

نصيحه لك يالغالي شوف تخصصك وين واختارلك جامعة وحده وقرر بعد ماتستخير الله سبحانه وش افضل جامعة لك وقدم عليها بدل ماتسوي هجوم وخطط دفاعية و تروح الذخيره منك على الفاضي

والله يوفقك ويرزقك على قدر نيتك

^^^

هلا والله فيك انت جيت والا الهوا جابك

طيب ياعزيزي تدري ليش ازعل عليك ... قصدي تدري ليش احتاج اكلمك انت مثلا وبنفس الوقت اقدم على جامعه ثانية وثالثة .. لانكم بالعادة تجبرونا على جامعات محددة ومعروفه لاني كذا مرة كلمت اكثر من شخص قلت جيب لي قبول من جامعة Exeter وباليوم الثاني تلقاني الصبح بدري جايهم مع العصافير لكن دائما تقولون وش رايك بإيست لندن والا هِل والا برمنقهام ودايم اكون مجبور على جامعات محددة وهذا يخليني اقول ماهي مشكلة اذا حيلك على هالجامعات الله يقويك واروح اشوف غيرك يدبر لي قبول من الجامعه اللي في بالي واذا مالقيت احد انا اقدم اونلاين والامور تساهيل ومايصعب علينا شي لابغيناه باذن الله . هذي نقطة الامر الثاني اعتبره طبيعي اني مااجلس مكتف يديني وحاط رجل على رجل واعتمد على شخص واحد او مكتب واحد في تحديد مصيري الدراسي وبالنهاية مماطلة او اعتذار ومعليش الجامعه رفضت طلبك وهذا في نظري هو المعنى الحقيقي للحماقة والعباطة لان خلفي الملحقية اذا اكتشفت اني نايم بالعسل يسفروني على اول رحلة للسعودية بمخدتي وفراشي ولذلك لابد تتوقع اني ماراح اكون على نياتي لدرجة اني خلاص اتوقع انك سوبر مان حياتي ولازم اتعلق فيك عشان كلمتين حلوين قلتها لي
سؤال دايم ودي اعرف اجابته ... ليش ماتقدرون تجيبون قبولات من جامعات مثل جامعة بريستول وباث وريدنق وبليموث وش السبب هل عشان نظامهم مايسمح بمكاتب الوساطة في القبولات والا عندهم مندوبين وحنا تو ماطحنا فيهم !
*