زحمة يا بريطانيا زحمة !! أهل بريطانيا بعد اذنكم بقولكم شي..

والله يا أختي إذا تبي نصيحتي لا تجي بريطانيا لأنه راح يمر عليك شهر وشهرين وثلاث وتخلص السنة ومستوى اللغة ثابت في الانترميديت
لأن اللغة ليست مادة علمية يتم درستها في المنزل ومن ثم دخول اختبار
اللغة تحتاج تواصل اجتماعي شفهي بين المتحاورين وهذا ما نفقده هنا حيث أن الشعب البريطاني لا يحب الاختلاط بالأجانب لك أن تتخيلي أننا لا نستطيع ممارسة اللغة إلا مع الأستاذ بالفصل أو مع البائع في السوق ولو حسبناها لا تتعدى دقيقتين و تكون الأسئلة مكررة ما معنى هذا وبكم هذا
ولا اخقيك سرا إذا قلت أن ثلاث أرباع الطلاب هنا ندموا على عدم اختيارهم امريكا

وبالتوفيق

أنا أعشق علم الاجتماع لكن أعشقه بالعربي
بس إن شاء الله أتغلب على اللغة يعني الي تعلموا اللغة بسرعة أحسن مني وإلا أحسن مني
ياليت أجد سعوديات ونفس تخصصي أتمنى بس أنا أقصد المكان بشكل عام لأني قريت مشاركة لأخ هنا محبطه!!
يقول كلنا مجموعات مع بعض أنتهت سنة اللغة وحنا ما استفدنا!! هذا الي أنا ما أبيه! بس إن شاء الله يكون يبالغ

****

طيب مين الشاطر الي يقولي أفضل 10 جامعات في بريطانيا؟؟

مسا الخير اختي مها
في البداية اهنيك على قرارك باكمال دراساتك العليا وان شاالله تتحقق تطلعاتك..
بالنسبة للغة فانا من واقع تجربتي في دراسة اللغة في الجامعه وحصولي على الباكالوريوس فيها ومن واقع دراستها في بريطانيا لاكثر
من سنه فأنا اعتقد انه مدة سنه لدراسة اللغة كافية انها تعطيك المقدار اللي تحتاجينه ويقدر يساعدك على انجاز دراسة الماجستير
وبشرط انك تكونين خلال السنه هذي شاده حيلك بشكل جاد وتحفظين مفردات بشكل مستمر وتسوين الواجبات اول باول وماتغيبين
عن الكلاسات.. بالاضافه الى ذلك تحاولين تتكلمين اللغة قد ماتقدرين ولاتكثرين من الاحتكاك بالعرب والارتباط معهم..
برضو المعهد الجيد والمدرسين الجيدين لهم دور في تطوير لغتك والتسريع في عملية التعلم..
بالنسبة لدراسة الماستر في بريطانيا فطبعا مدته سنه وحده فقط تدرسين خلالها حوالي ثمان مواد دراسية لمدة تقريبا 8 او 9 شهور
وبعد كذا تتفرغين في الثلاث شهور الاخيرة لكتابة الرسالة.. طريقة دراسة المواد غالبا تكون من خلال كتابة بحث متوسط الحجم وعمل
موضوع تلقينه في الكلاس واحيانا يكون بالاضافة الى ذلك اختبار نهائي عليه جزء بسيط من الدرجة..
من ناحية تخصصك فالحمد لله تراه معتمد في اغلب الجامعات البريطانية وماراح تواجهك مشكله من الناحية هذي.. بالنسبة لتواجد
العرب في الجامعات والمدن فهذا يعتمد على المدينه نفسها وعلى نوع الجامعه.. بمعنى اخر تواجد العرب والخليجين وتحديدا السعوديين
اكثر شي يكون في الجامعات السهلة والجامعات الصغيرة لانهم عندهم مرونه في التعامل مع الطلاب ومايشددون كثير والنجاح فيها سهل..
اذا كنتي ماتبين العرب معناته لازم تروحين للجامعات الكبيرة والعريقه المشهوره..
عموما اذا بغيتي معلومات عن الجامعات بشكل مفصل حدديلي اسماء بعض الجامعات اللي تبين وانا باذن الله راح اساعدك..
اخيرا فيما يتعلق باللغة مرة ثانية ابي اقولك معلومه مهمه.. ترا مافيه طالب اجنبي وصل الى درجة الاتقان في اللغة الانقليزيه مهما
كان ذكاءة وقدراته العقلية ولاتنسين انه حنا نفسنا يالعرب ضعيفين حتى في لغتنا العربيه وما نعرف نتكلمها بالشكل الصحيح
المعروف فما بالك باتقان لغة اجنبية مثل الانقليزية وخصوصا انها لغة ماهي سهلة.. ولكن مثل ماقلتلك اذا بتشدين حيلك ابشري بالخير
وراح تبدعين باذن الله مثل ما ابدعو كثيرين من المبتعثين الله يوفقهم..
اتمنى لك التوفيق وحاضر لاي استفسار..

موفقه .. ويامكثرهم اللي اساميهم مها ببريطانيا .. الله يزيدكم

شكرا جزيلا لكم جميعااا

م الحربي إن شاء الله بجي وازيدهم

الأخ خالد أنا لا اريد إلا جامعة مرموقه وكبيرة الشقى على الي بيدفع لدراستي
أن كنت تستطيع المساعدة ولك جزيل الشكر أريد أسماء أفضل 10 جامعات في بريطانيا والمعترف بها من قبل التعليم العالي..

وبالنسبة أن علم الاجتماع موجود وبقوة هناك أكيد خرج علم الاجتماع من احضان فرنسا وبريطانيا ثم أمريكا

المشكلة ان المحرم الله يجزاه خير لا يستطيع أن يذهب إلا لبريطانيا هو زوجته..والا أنا حابة ومرتاحة نفسيا لستراليا
و أمريكا أموت ولا أروح لها بسم الله الرحمن الرحيم عليّ متغطرسين وما لهم أمان لو أقلبوا عليك ما يرحمون !
و أنا أكرهم
الي خايفة منه اللغة وزي ما قلت...لكن إذا الشعب جاف جدا ممكن المهاجرين غير العرب والي أصولهم غير عربية نستفيد منهم خاصة الطلاب الي زينا...
الله ييسرها إن شاء الله

فعلا هذه المشاركة تحتاج شكر خااااص
شكرا شكرا جزيلا افادتني كثيررر وريحتني الحمدالله
أنا أحب طريقة البحوث والإلقاء ويكون الدرجة عليها كبيرة أكره الاختبارات خاصة باللغة غير لغتي
ريحني إن الاختبار عليه درجة قليلة وهو إختبار واحد
والحمدالله اصلا أنا الأن أدرس ماجستير اجتماع في جامعة الملك سعود وصلت مستوى ثاني وراح اكمل هذا المستوى (يعني خلصت 50% من ماجستر جامعة الملك سعود وطبعا ما راح الوقت خسارة لأني استفدت كثير)
لكني قررت قطع الدراسة والتوجه لدراسه في الخارج يااااارب وفق لأن قراري قوي وجريء إذا ما نجحت في الخارج راح اخسر كثيررر

مها الصوماليه ....

اذا ماجاكي انضمام للبعثه روحي استراليا الانضمام للبعثة هناك اسهل

واذا منضمه للبعثه وخالصه بريطانيا زينه وترا الوضع وكل شخص حسب تجربته الشخصية يعني انتي اذا ان شاء الله جيتي هنا يمكن يختلف عليك الوضع حسب شخصيتكِ واهتماماتكِ وحسب حبك للقعدة على الدروس والمذاكرة

حتى موضوع التعايش مع الناس والشعب البريطاني يعتمد على طبيعه الشخص نفسه وقدرته ولغته