جامعة هدرسفيلد تحت اضوائكم

للأسف هذي الجامعه موقفه ومن ضمن الجامعات الموقفه اللي ماندري وش بيكون مصير الطلاب هناك؟؟؟؟؟

شوف الموضوع حق الجامعات الموقفه وراح تشوف اسمه او ادخل موقع الوزاره وشف قائمة الجامعات الموقفه لتكدس الطلبه

اخوي الحبيب انا من مبتعثي المؤسسه العامه

وهم الي جابوا لي قبول من هالجامعه وهم الي بيبتعثوني فكيف يبتعثوني لشي مقفل !!

هلا اخوي ابو جبل حبيت اعلق من واقع تجربه لما قلت ماندري وش مصير الطلاب هناك


اذا كان المبتعث طالع بقرار ابتعاث الى جامعه معينه فهذا ماحد يقول له اي شيء لان اول مراحل الابتاث شيء اسمه تصديق القبول

يعني يوقع عليه الملحق ان الجامعه ماعليها تكدس وليست موقوفه ومعترفه فكيف تقول ماندري وش مصير الطلاب فيها اللي يدرسوا فيها قبل الايقاف ماعندهم مشكله


بس مشكله بعض المبتعثين وخصوصا برنامج الوزاره يجي على لغه بس وهينا يبدأ شغل وفلسفه الملحقيه عليه هذه موقوفه وهذه مو مناسبه والى اخره

اتمنى تكون وضحت الفكره



اخوي تايه ومحتاج ارشاد انا سمعت ان الجامعه جيده ومتعاونه مع الطلاب وليست بالصعبه ولكن مافيه شيء سهل وبالنسبه للايلتس فأني اعرف احد الزملاء من مبتعثي وزاره الصحه حصل على قبول بريسيشنال كورس بـ 4.5 وراح يبدأ في نهايه شهر جون


وبالتوفيق وانا اخوك

ولو اني مافهمت وش تقصد بالضبط..... الا اني احب اقولك فيه ناس من زملائي كثير مبتعثين لجامعة معينه ومكتوبه في بوابة المبتعثين وبعد هالقرار الاخير قالوا لهم مشرفيهم روحوا دوروا لكم على جامعه ثانيه ودبروا عمركم.......... اذا كنت متوقع ان الوزاره والملحقيه منضمه للحد اللي انت متصوره ترا مع الاسف اقولك انك غلطان لا ياما عانينا من القرارات اللي زي كذا بدوب مبرر......

المهم اذا كنت مبتعث من جهة عملك والله ياخوي مادري عن وضعك بالضبط والقرار ذا تراه طازج ماله يومين.... واتمنى ان القرار مايشملك.....

هلا والله اخوي ابو جبل اذا كان الوضع كما ذكرت بأن الملحقية توافق على قبول طالب ما ويوضع ذلك في ملفه ثم بعد ذلك يتصلوا فيه ويقولوا غير الجامعه

فتلك مصيبة مصيبه حتى مو قادر استوعبها بصراحه كيف ان الطالب ينظم وقته وجهده على انه في الجامعة الفلانيه ثم يأتيه قرار مفاجىء بالتغيير

ولم يبقى على الدراسه سوى 3 اشهر واغلب الجامعات ماتعطي قبول بهالفترة انا مااتصور هذا الشيء ابدا ولكن انا لست ذو خبره وتوني حديث المجيء الى بريطانيا بس هذه تعتبر مضايقة للطلاب كفاية الطالب شايل هم الفيزا واللغة والايلتس وفوق هذا هم قبول جامعي

طيب ببساطه ليش يوافقوا عند فتح الملف للمبتعث على هذه الجامعه وليش يصدقوا قبوله قبل اصدار قرار ابتعاثه

هذه تساؤلات ترسم علامة استفهام حائرة على راسي لاتزال تبحث عن اجابه .....!!!!!!؟؟؟؟؟؟؟

انا مبتعث من عملي وماحد اتصل فيني ولا قال غير الجامعه بالعكس اخذت منهم ضمان مالي يوم الخميس الماضي وارسلته الى جامعتي واللتي وجدت اسمها في القائمه قبل قليل بس عطوني الضمان المالي لاصدار الكاس نمبر وسألت مشرفي لاني قد سمعت الخبر من مطلع الاسبوع الماضي وقال مايشمل طلاب 2010

والله يعين الطلاب والله هذه توهيقه اذا كانوا يغيروا بس الله يعينهم ياااارب ويوفقهم

لا تتردد ابدا وتعال لهذه المدينه تراها زوينه.

أأأأأأبووو جبل تكفى تكفى لا تطيح من عيني .. ترا ماحب هذا الكلام وسويت مشاكل مع سعوديين بشأن هذا الموضوع .. الجامعه مب مقفله فيها الا قسم االانفورميشن سيستم مانج مينت. فأن كانك منت متأكد منه مليوم بالميه لا تقول به شي .

طبعاً يابو جبل .. لا تزعل لاني من أهلها .. وأهل مكه أدرى ..؟

موفق ياللحبيب

حياك الله يابوحربي
القرار اللي صدر ماحدد شي لاتخصص ولامرحله ولا شي... قالك هي من ضمن الجامعات الموقفه بسبب التكدس وبس..وادخل موقع الوزاره وطلع لي شي يثبت اللي تقول...مكتوب موقفه بسبب التكدس وبس..وحنا رحنا فيها
واللحين حنا ننتضر شي يحدد هالمصيبه اللي حطونا فيها ...وربك يستر

بعدين تعال وش دخل اذا من اهلها وشعابها ادرى ومدري وشو خخخخخخخ
ان شاء الله ماطحت من عينك????

والله هذا اللي صار.....وانا من زمان اسمع اطراف حديث بخصوص الايقاف والمشرفين حقين المحقيه لهم فتره يقولون انها موقفه بس قلت ماصدق لين شوف شي رسمي وهذا الخبر شفناه بموقع الوزاره >>>واتمنى اني اكون غلطان وفاهم غلط يارب.........لانه والله مصيبه بالوقت الضيق تتوقف
المهم اذا انت مبتعث من جهه اخرى والله مالي علم واتوقع انكم ماعليكم خلاف لان القرار من الوزاره وانتم ماتم تابعين له.....
وبالنسبه لكلامك بان القرار غريب وغير مدروس فاولك اذا انت جديد تبي تتعود على مثل هذي القرارات الغيرمبرره.....وربك يعيننا

الجامعة اتوقفت خلال الشهر الماضي وعندنا كثير طلاب من شيفيلد معاهم قبولات منها ولمن راحو الملحقية خلال الأسبوعين الماضية المشرف اعطاهم قائمة ب 25 جامعة مقفلة في بريطانيا يعني من سبتمبر 2010 مافي دراسة في هدرزفيلد

الله يعين الي ماعنده قبولات من جامعات ثانية