استفسار لطلاب سوانزي

معليش اخوي من وين جبت هالكلام..

انا كنت بالبريسشنل كورس في جامعة سوانزي السنه اللي فاتت و عديت و دخلت شهر 9 اللي فات من غير ايلتس و كان مطلوب مني 6.5 و جبت 7

الايلتس جبت 6

على طول بعد ما استلمت نتيجة البريسشنل وديتها لمكتب القبول بالجامعه و ارسلوا لي القبول الغير مشروط ..

على فكره البريسشنل كورس يبدأ بشهر 7 من كل سنه و مدته 10 اسابيع.. و شرط دخوله 5.5 بالايلتس او شهاده يتعترف فيها المعهد بأنك على هذا المستوى..

و فيه ناس تدخل 5 اسابيع يبدأ شهر 8 و هذول يكونون جايبين 6 المفروض..

هنا معلومات اكثر عن الكورس
Swansea University - Pre-sessional courses

و اذكر قالوا بعد ما وزعوا الشهادات انه فيه فرصه امتحان ثاني بعد اسبوع للي رسب..
و فيه بنت معي كانت ناقصه نص و راحت كلمت رئيس القسم و دخلها...

الكورس كان سهالات و الجامعه كويسه و المدينه اكوس..

VIVA SWANSEA

السلام عليكم ورحمة الله وبركاتة
اخوي ابو نوره11 اسأل رب العرش العظيم ان يوفقك ويسهل امورك وان رزقك الخير حيث كان . اسمحلي والمعذرة على الازعاج اخي صحيح مافية شي صعب لكن اسأل ان جامعة سوانزي لما سمعت من التعامل السئ من الدكاترة الذين يدرسون في جامعة سوانزي من واخي ان تعرف بعض الجامعات في بريطانيا اهم الشي تجتهد في الحضور وحل الواجبات واجتهاد بشكل بسيط
ودي عرف النجاح من كم
وجزاك الله الف خير

وعليكم السلام ورحمة الله وبركاتة

آمين وياك يارب ويوفقك الجميع .


اذا تقصد النجاح في تخصصك فهو يختلف من قسم إلى قسم ومن تخصص إلى تخصص آخر .

واذا تقصد النجاح في البرسشنل كورس ما عندي معلومة أكيدة ، لكن أبسأل لك .


بالتوفيق

هلا أبو نورة
معليش أخوي البريسشنال كورس ما يضمن لك الدخول للبرنامج المراد
صحيح انه يستقبل الطلاب من 5.5 وفوق (أنا اتكلم عن سوانزي) بس صدقني ما يضمن الدخول 100%
شخصياً اعرف زملاء لي درسو في 2009 بحسب كلامهم يقولون فيه طلاب لم يجتازو البرنامج
بالعربي فكرة البرنامج هي تقديم اختبارات في نهاية الكورس إذا حققت الدرجة المطلوبة (بإذن الله) تدخل الماستر إن شاء الله
والبرنامج ياجماعة قوي جداً جداً من كلام الجميع.
والله ولي التوفيق

شكرا لك من رد وخصوصا ابو نوره

يمكن الرجال فاهم غلط بالبريسيشنال (ما يكفى في حالت الرسوب فيه) بس لو نجح فيه خلاص

صح كلامي والا غلط طبعا انا مختبر ايلس ولا ابي بريسيشنال بس هذا اللي اعرفه

وشكرا لك من رد وانشاء الله 2010 نشوفكم على خير...

اخوي تقول ما اجتازوا البرنامج شلون تبيهم يدخلون .. يعني لا معهم ايلتس و لا نجحوا بالبريسشنال كورس.. على اي اساس تدخلهم الجامعه؟

غير كذا انا كنت السنه اللي فاتت هناك..البرنامج كان خرابيط مقارنه بالبريسشنال كورس حق جامعة نوتنجهام .

على فكره انا مريت على 3 بريسشنال كورسز (جامعة نوتنجهام - جامعة نوتنجهام ترنت - جامعة سوانزي)

عشان كذا عندي فكره واضحه عن البرنامج و اقدر اسوي لك مقارنه بينهم ترتيبهم من حيث القوه زي ما كتبته فوق..

تجربتي بسوانزي كانت على النحو التالي:
لما قالوا نسوي essay ما كانوا على قدر كافي من حيث الترتيب و الشرح والكلاسات كانت احيانا جماعيه 3 كلاسات او كل الكلاسات مع بعض ناخذ المعلومات و وقفوا اعطاء المعلومات بعد 3 اسابيع تقريباً..
يعني لو ما تعلمت كتابة essay على اصوله بنوتنجهام (اللي كان الاسيه له كلاس يومي لحاله)..كان تعبت كثير لاني من النوع اللي يسأل و يدور عن المعلومه بس مع سوانزي كان رفيو و كنت اصلح للاستاذات احيانا عن كيفيه كتابه الاسيه و نظام هارفرد و غيره..

كان فيه نقص في المدرسين مدرس رايح مدرس جاي .. و مرات كانوا يجمعون الكلاسات ..
كلام فاضي ..

بالنسبه للصعوبه ما كنت اشوفه صعب للاسباب اللي ذكرتها لك فما كان فيه شي جديد علي..

عندهم اكثر من فرصه انك تجيب فيها درجات اختبرنا ميد ترم و بالفاينل قالوا بنعطي الدرجه الاعلى و هذي فرصه للي ما سوى زين بالفاينل و درجته اعلى بالميد ترم..
فيه اسيه عليه 30%
فيه اختبارات رايتنق اربعه خلال الكورس عليها 20 % و الفاينل زي الايلتس و عليه 50%
السبيكنق برزنتيشن مرتين بنص الكورس و بنهايته و على كل واحد 50%

بالعكس انا اشوف انهم كانوا متساهلين مره مع الطلاب و زي ما قلت بردي السابق عطوا فرصه ثانيه للي ما جاب درجه بعد كم يوم اختبار ثاني ..

و بالنسبه للي ما دخل مع اني ما اظن فيه احد من اللي معي ما دخل فا اتوقع ما كان يحضر..

باختصار اذا جبت الدرجه المطلوبه بالكورس اضمن لك دخول الجامعه لانه بريسشنال.. و ازيدك من الشعر بيت زميلتي ما كانت بالبريسشنال كانت بكورس ثاني اسمه انقلش فور ينوفيرستي بنفس الجامعه و قبولها الجامعه..

بس عشان الواحد يطمن و يريح باله لانها بتكون الفرصه الاخيره لااااازم يشد حيله معهم و يبين لهم اجتهاده و عندك الاربع اسيهات مع الاسيه اللي تقدمه بالاخير هذي 50% شد حيلك فيهم.. البرزنتيشن حلو بعد احفظ كلامك و ادخل و يقيمونك
و غالبا تقييمهم يكون عالي..
و فيه حل اخر اللي هو خلال الكورس تسوي ايلتس لحد ما تجيب الدرجه المطلوبه..
و في النهايه اذا ما قدرت على كل هذول تحاول محاوله اخيره مع رئيس القسم و خاصه اذا جايب درجه مره قريبه من المطلوب..

بالتوفيق لكل من يقرأ المعلومات الوارده.. و بالاخير هي تجربه شخصيه تختلف من شخص لآخر..

صحيح لو نجحت بالكورس تدخل الجامعه زي حالتي..

و بالنسبه للنجاح في التخصص زي ما قال ابو نوره يختلف من قسم لقسم..
اول ما تبدأ الكورس بيعطونك كتيب فيه كل شي عن الكورس و مكتوب فيه كيف بيكون التصحيح و النجاح..
فمثلا قسمي طريقتهم كذا:
ماده اجباريه و مادتين اختياريه..
اذا جبت بالاجباريه فوق ال 50% و كنت راسبه بالاختياريه بس فوق 40% يعني ناجحه..
ياخذون المعدل كامل شريطه تكون ناجح بالاجباريه ..

بمعنى اخر
مثلا نجحت بالاجباريه و رسبت بوحده من الاختياريات او ثنينهم و كانوا فوق 40% ياخذون المعدل و تصير نجحت و لا تحتاج اعاده للي رسبت فيهم.. و اذا رسبت بالاجباريه بتعيدها و بتعيد اي وحده اختياريه اذا راسب فيها..

و فيه فرصه ثانيه ريسبمت في شهر 8 لأي ماده رسبت فيها خلال الترمين..

اتمنى المعلومات تفيد الطلبه و ترد على استفساراتهم بالمستقبل.
بالتوفيق

شكرا للأخت loudy على الشرح الكافي والوافي

اعتقد الأمور وضحت لكل من عندهـ إشكاليه في الأمر المطروح



الله يوفق الجميع

ابو نوره بعد النقاش اللي فوق انت اللي طالع تبلبل على الفاضي وبغيت توهق الشعب لاحذرتهم ولا وضحت الصوره لهم