استفسار لطلاب سوانزي

اخوي تقول ما اجتازوا البرنامج شلون تبيهم يدخلون .. يعني لا معهم ايلتس و لا نجحوا بالبريسشنال كورس.. على اي اساس تدخلهم الجامعه؟

غير كذا انا كنت السنه اللي فاتت هناك..البرنامج كان خرابيط مقارنه بالبريسشنال كورس حق جامعة نوتنجهام .

على فكره انا مريت على 3 بريسشنال كورسز (جامعة نوتنجهام - جامعة نوتنجهام ترنت - جامعة سوانزي)

عشان كذا عندي فكره واضحه عن البرنامج و اقدر اسوي لك مقارنه بينهم ترتيبهم من حيث القوه زي ما كتبته فوق..

تجربتي بسوانزي كانت على النحو التالي:
لما قالوا نسوي essay ما كانوا على قدر كافي من حيث الترتيب و الشرح والكلاسات كانت احيانا جماعيه 3 كلاسات او كل الكلاسات مع بعض ناخذ المعلومات و وقفوا اعطاء المعلومات بعد 3 اسابيع تقريباً..
يعني لو ما تعلمت كتابة essay على اصوله بنوتنجهام (اللي كان الاسيه له كلاس يومي لحاله)..كان تعبت كثير لاني من النوع اللي يسأل و يدور عن المعلومه بس مع سوانزي كان رفيو و كنت اصلح للاستاذات احيانا عن كيفيه كتابه الاسيه و نظام هارفرد و غيره..

كان فيه نقص في المدرسين مدرس رايح مدرس جاي .. و مرات كانوا يجمعون الكلاسات ..
كلام فاضي ..

بالنسبه للصعوبه ما كنت اشوفه صعب للاسباب اللي ذكرتها لك فما كان فيه شي جديد علي..

عندهم اكثر من فرصه انك تجيب فيها درجات اختبرنا ميد ترم و بالفاينل قالوا بنعطي الدرجه الاعلى و هذي فرصه للي ما سوى زين بالفاينل و درجته اعلى بالميد ترم..
فيه اسيه عليه 30%
فيه اختبارات رايتنق اربعه خلال الكورس عليها 20 % و الفاينل زي الايلتس و عليه 50%
السبيكنق برزنتيشن مرتين بنص الكورس و بنهايته و على كل واحد 50%

بالعكس انا اشوف انهم كانوا متساهلين مره مع الطلاب و زي ما قلت بردي السابق عطوا فرصه ثانيه للي ما جاب درجه بعد كم يوم اختبار ثاني ..

و بالنسبه للي ما دخل مع اني ما اظن فيه احد من اللي معي ما دخل فا اتوقع ما كان يحضر..

باختصار اذا جبت الدرجه المطلوبه بالكورس اضمن لك دخول الجامعه لانه بريسشنال.. و ازيدك من الشعر بيت زميلتي ما كانت بالبريسشنال كانت بكورس ثاني اسمه انقلش فور ينوفيرستي بنفس الجامعه و قبولها الجامعه..

بس عشان الواحد يطمن و يريح باله لانها بتكون الفرصه الاخيره لااااازم يشد حيله معهم و يبين لهم اجتهاده و عندك الاربع اسيهات مع الاسيه اللي تقدمه بالاخير هذي 50% شد حيلك فيهم.. البرزنتيشن حلو بعد احفظ كلامك و ادخل و يقيمونك
و غالبا تقييمهم يكون عالي..
و فيه حل اخر اللي هو خلال الكورس تسوي ايلتس لحد ما تجيب الدرجه المطلوبه..
و في النهايه اذا ما قدرت على كل هذول تحاول محاوله اخيره مع رئيس القسم و خاصه اذا جايب درجه مره قريبه من المطلوب..

بالتوفيق لكل من يقرأ المعلومات الوارده.. و بالاخير هي تجربه شخصيه تختلف من شخص لآخر..

السلام عليكم ورحمة الله وبركاتة
اسأل رب العرش العظيم ان يوفقك يا loudy ويسير امورك ويردك الي ديارك محمله بالعلم والمعرفة . امانة لو دخلت برسشنيل كورس بسيط او لا ولاتفهمين السهولة يعني الاهمال بل المذاكرة والاجتهاد بقدر الاستطاعه ادخل الجامعة. وسؤال عن ماجستير تسويق كيف الدكاترة فيه متعاونين
وشكرا لك .