استفسار لطلاب سوانزي

البرزنتيشن يكون عن موضوعك اللي كتبته (essay) و اللي هو من اختيارك في تخصصك ..

البرزنتيشن مقسم على مرتين..

الاول: تقول ليه اخترت الاسيه و وش سويت الى الان فيه و ايش راح تسوي..

الثاني: تتكلم عن موضوعك بشكل كامل..

اخوي انس ألتمار حلوه جديده و في المارينا الجديده المنطقه اللي هي فيها هاديه و الكفيات اللي فيها راقيه بس بعيده عن الباص.. اذا معك سياره ممكن تسكن فيها..

حاول تاخذ شقه تكون بالوسط او قريبه لل civic centre اللي وقفة باص الجامعه عنده.. فيه كثير عماير جديده و قريبه منه..


حاول تدخل قوقل ماب و تحط اسم ألتمار و اسم civic centre و شوف المسافه بينهم و لاحظ ان مكان التمار بعد جسر للمارينا الجديده..

بحط لك بعض العماير الكويسه اقرب من ألتمار و اقرب لوقفه الباص و نظيفه:
Meridian Wharf
Meridian Tower
St. Christopher's Court
St. Catherine's Court
Fisherman's Way
St Margarets Court = بعيده نوعا ما بس مو بعد الجسر
================================
طبعا فيه عماير اكثر من هذول بس عماير قديمه و منهم:
Camona Drive
Fitzroy House
Ocean Crescent
Cypher House
Empress House
Monmouth House
Pocketts Wharf
Squire Court
St. Nicholas Square
Abernethy Quay
=========================

Aurora + Altamar جديدات بس بعيدات كلهم بنفس الموقع اذا عندك سياره حلوين
===================================

و هذا موقع المكتب اللي متعامله معه روعه تعاملهم
Rental Properties. Marina Quay Properties. Properties in Swansea, South Wales. Sales, Rentals and Holiday Rental Properties. Accommodation in Swansea

ادخل الموقع و حاول تشوف صور الشقق اللي قلت لك اسمائها و لاحظ فرق العفش و التشطيبات .. لو تلاحظ الحمامات و انت بكرامه في العماير القديمه مغاسلها مفصوله و المطابخ قديمه.. و بالنهايه الحكم لك..

ترى القائمه تتجدد يعني ممكن يكون عندهم اكثر من اللي على النت او ممكن اللي على النت تكون راحت حدد لك كم وحده و خذ الرفرنس و خذ موعد مع المكتب و تعال شوفهم..

بالتوفيق

أختي Loudy
تعجز الكلمات عن شكرك فعلا كفيتي ووفيتي جزاك الله كل خير وفرج عنك الكرب وارجعك سالمة وغانمة

تحياتي
أخوك أنس

لا شكر على واجب و يكفي هالدعاء..

بس للامانه تذكرت شي بالنسبه لعمارتين قديمات بس حلوه بالشكل الخارجي افضل من اللي معهم باللسته و بعض الشقق نظيفه من الداخل و هم:
Fitzroy House = اهل زوجي اخذوا شقه فيها الصيف اللي فات كانت نظيفه جداً و الاثاث روعه و تشطيبات الحمام و انت بكرامه و المطبخ حلوه بس ( آخر يوم لهم ودعهم فار طلع من كبنيه الحمام :| )


Ocean Crescent= برضو شكلها الخارجي جميل و في منحنى رائع على البحر

انا اقول ممكن تلقى فيهم شقق نظيفه بالاثاث و التشطيبات .. لذلك انصح بمشاهدتها و اذا على الفيران اطلب من البلديه تجي ترش عندك و حط ادويه و مصايد

و على طاري الفيران برضو مره استأجرت شقه مدة اسبوع ايام الاختبارات عشان اهرب من ولدي اللي ما يخليني اذاكر الله يصلحه و كانت بوحده من هذول ما اتذكر اي وحده بس عموما كلهم بجنب بعض و كلهم نفس الشكل و القدم اللي هم
St. Nicholas Square
Abernethy Quay

و سلم علي فار صغيييييير مره اذنيه الاثنين اكبر منه ( جربوع صار) و رجع للغرفه و قفلت الباب عليه و دقيت على زوجي جاء اخذني خخخخخ

بالتوفيق

ههههههههه ياساتر جرابيع وفيران مرة وحدة

شكرا اختي بس المشكلة اني انا كنت ابغى اخد بيت اون لاين لشهرين مدة البريسشنال كورس وبعدين في حال انقبلت بالجامعة امدد
ماادري اذا اقدر وانا هنا استأجر البييييت بدون اشوفف وهل فيها مخاطرة عشان احيانا الصور ماتكون واقعية

على العموم اختي الكريمة الف شكر لك

أخوك
أنس

اهلا اخي انس..

مدري اذا يرضى يعطيك المكتب شهرين بس اسألهم يمكن يكون عندهم احد يبغى يترك شقه و ما خلص عقده او عقده متجدد و يعطونها لك.. لان وحده من صاحباتي كذا كانت اخذت الشقه من واحد و كملت البريسشنال و نقلت منها و كلهم كانوا بنفس المكتب اللي ذكرته لك..

اضافه للمعلومات اللي قلت لك فيه هنا خريطه من المكتب توريك اسماء الشوارع و المباني اللي في المارينا
Interactive Map of Properties. Marina Quay Properties. Properties in Swansea, South Wales. Sales, Rentals and Holiday Rental Properties.

اول وحده من اليسار هي المريديان تاور و ميريديان بيي هم اقرب شي لوقفه الباص و عليها كلما تمشي يمين الخارطه انت تبعد عن الوقفه و هكذا.. لاحظ العماير اللي لهم سقوف بنيه كأنها بيوت بريطانيا العريقه هي القديمه و اللي رماديه على اليمين هي الجديده .. اما الماريديان تاور و الميريديان بيي مو باينين لانهم ما كانوا مبنيين لما مسيو قوقل اخذ الصوره و هذا يعني انهم جدد .. هي اكبر عماره بسوانزي مبسوطين فيها
http://2.bp.blogspot.com/_jAPFuTXKvi...ay+(Small).jpg

بالتوفيق

يا شباب ابي طالب ماستر علوم حاسب بجامعه سوانزي

والله يعطيكم العافيه على المعلومات

السلام عليكم
مرحبا اخواني المبتعثين واسآل الله تعالى التوفيق للجميع في الدراسه
اخواني انا عندي قبول من جامعه سوانزي ميتروبلوتن في الهندسه المدنيه
حبيت اسآل عن الجامعه والتعامل مع الطلاب وجو الجامعه بشكل عام
هل تنصحونني ان ادرس فيها او لا لان ماعندي اي خلفيه عن الجامعه
وتقبلوا تحياتي
وشكرا

يعطيكم العافيه جميعا .. الصراحه لقيت اجابات اسئله كانت بالمخيخ

خلاص انشاء الله جايين ع سوانزي ... اليوم قدمت ع الفيزا وانشاءالله مايطولون علي فيها