كيف ارسل بالبريد العادي ؟

طيب لازم اكتب العنوان بخط اليد ؟ما يسير طباعة على ورقة كمبيوتر ولصقها ؟

اختي ترى الموضوع مرررررة ما يحتاج


تبغي تكتبيها باليد اكتبي و اذا بتكتبيها طباعة و تلصقيها سويها

اهم شي يبان العنوان بسسسسسسسسسسس
بالتوفيق ^^

تسلموا ما قصرتوا

اهم شي تبشرينا انه المظروف انرسل ووصل بعد ولك البشاره

اول شي تسويه تقفلي كل اللمبات حق البيت وتخلي وحدة مفتوحة عشان تشوفي الطريق إيوا صح قبل لاتسوي كدا اتأكدي إنو الجوال والمفاتيح والشنطة معاكي عشان حتخرجي من البيت بعد شوية

وبعدين تروحي تفكي الباب وتقفلي الباب بالمفتاح عشان لاينسرق البيت

وبعدين تروحي لأقرررب بوست اوفيس ويكون الظرف معاكي

ولمن تدخلي البست اوفس حتلاقي اقلام

خدي قلم منهم واكتبي العنوان البريدي في الظرف وروحي عند الطابور وامسكي دور وخلي بينك وبين إلي قدامك مساحة عشان الإتيكيت نص متر يكفي

لمن يجي دورك قوليلو ارسلي هادي على السعودية حيقلك تبغيها مستجعل ولا لأ وبعد كدا اتفاهمي معاه وجداً سهلة



والله يامبتعثة مصعبتها على نفسك وهيا سهلللة العنوان اكتبيه مشخمممط على الظرف وحيووووصل ماتفرق وفكرة حلوة لو إنك كتبتيه بالعربي كمان عشان لمن يوصل السعودية يفهمو عليه إلي يشتغلو في البريد هناك

الله يسهل عيكي اختي
من جد الموضوع ما يحتاج
انا اذكر اول مرة ارسل بالبوست قبل كم شهر طبعا ما اعرف ايي شي رحتلهم و قلتلهم ( ترى انا اول مرة ارسل رسالة بالبريد و معاي الورقة و العنوان اللي بأرسلها ايش اسوي ؟؟؟ ) و الحمد لله ساعدوني في كل شي ما قصرو
بالتوفيق اختي ^^

أتوقع لو طلبتي قبول من جامعه اكسفورد كان وصلتك وانتي مافهمتي الاوفيس

حرام عليكم خلاص ما عاد اسال كنت عارفة انكم حتقولوا كدا الله يسامحكم

لااا بالعكس حرام عليكي إنتي تزعلي لإن كلنا اخوان ونحب نساعد بعض ونتساعد

ونمزح على حرصك ماشالله
لاتزعلي
والله يوفقك

بشري.. عسى الظرف وصل ..؟