مساعدة انا حلمي بريطانيا ولكن عندي قبول من امريكا

انا عن نفسي اقولك خير انك ما قدمتي على بريطانيا لا تحسبي انه احنا مبسوطين خليها على ربك والله امريكا احسن صدقيني

والله محد يعرف الخير الا ربنا
فعشان كدة انتي استخيري واستخيري واستخيري وان شاءالله ربنا يختار لك الا فيه الخير
بس عن تجربتي انا والله اني ندمت اني جيت بريطانيا وما رحت امريكا
انا قبل بعثتي بسنين سافرت امريكا وسافرت بريطانيا للسياحة طبعا .. بصراحة وبالنسبة ليا انا (كل انسان يختلف طبعا ) حسيت مافي اي مقارنة بين امريكا وبريطانيا
امريكا احلى في كل شئ .. الاجواء ,الناس اطيب, البلد تحسيها جديدة مو زي بريطانيا بعض البيوت من قدمها تحسيها مسكونة, التماشي مافي اي مقاااااااااااااااااارنة ابدا.. صحيح الولايات بعيدة عن بعض مو زي بريطانيا كلها قديش صغرها بس والله امريكا مرررررررة احلى اما يرطانيا لمن جيتها للسياحة كنا كتير فحسيت انها فلة بس عشان الجمعه لكن البلد نفسها ماهي داك الشئ
بس الاشياء الا خلتني اختار بريطانيا: زوجي يعرف بريطانيا اكتر عشان اخوه كان يدرس فيها وكمان مشاكل الارهاب والمطارات والفيزا خلتني اخاف من امريكا وكمان الا يميز بريطانيا انها قريبة من السعودية تقدري ترجعي السعودية في اي وقت وكمان اهلك يقدروا يجوكي في اي وقت واخر سبب عشان صاحبتي كانت بعثتها برضو معايا ووقتها مدري ايش الا خلانا احنا الاتنين نتفق نقدم على بريطانيا ( ما ندمنا غير بعدما جينا بريطانيا بكم شهر بس خلاص وقتها ماكان فينا نحول وندور من جديد على قبولات و... الخ)

لكن بصراحة لو الزمن يرجع بيا والله كان اخترت امريكا على طول حتى لو الدراسة سنتين مو مشكلة بالنسبة ليا ارحم من الكرف والضغط الا باشوفو في الدراسة بسبب انها وحدة سنة

بس زيما قلتلك مو كل واحد تفكيرو وذوقه زي التاني (لولا اختلاف الاذواق كان لقيتي كل الطلاب متكدسين في دولة وحدة وبسسسسسسسس)

وارجع واقولك استخيييييييييييري
وبالتوفيق