مساعدة أرغب بالحصول على قبول في Oxford أو Cambridge أو Durham

هذي جامعات صعبه جدا اذا تحس نفسك نابغه دور لك قبول فيها

لا تتحمس كثير و تتورط بعدين ترى اختياراتك مرة معقدة

دور عالسهالات ياخوي كلها اسمه شهادة من بريطانيا

اصلا الي يدخل جامعة سهلة ينهد حيله فمابالك بالجامعات الصعبة ذي


إذا إنك هاوي دراسة ولغتك مرة قوية الله يوفقك شد حيلك وقدم

انا جاني قبول ماستر من درم و اعتذرت عنه لأنهم طالبين سبعة في الايلتس وانا بصراحة ما اقدر

بالتوفيق

ماشاء الله طموووحك عالي

الله يوفقك اخوي ويسهل عليك

مابي احطمك لكن انا لمن فكرت اقدم في اكسفورد وقريت شروطهم
قالو انهم بيقبلون اعلى معدل متقدم لهم ( اعلى 10 متقدمين) فانا رحمت نفسي وتراجعت عن التقديم
"رحم الله امريء عرف قدر نفسه"

اذا انت معدلك عالي .. وممكن تجيب درجه عاليه بالايلتس 6ونص فما فوووق
فالله يوفقك

تقدر تدخل موقع الجامعه وتشوف التخصص اللي يعجبك وتشوف شروطهم
حتى لو لغتك ضعيفه .. ترجمه قوقل موجوده

كما ذكر الاخوة هذه أفضل جامعات في بريطانيا ويحتاج المتقدم إليها مؤهلات عالية جدا من أجل الحصول على مقعد
اكسفورد المرتبة الاولي
كامبرج المرتبة الثانية
ودورهام المرتبة الثامنة حسب إحصائية التايمز لأفضل الجامعات البريطانية للعام الدراسي 2010

يمكنك الإطلاع على هذا الرابط

University Rankings League Table 2010 | Good University Guide - Times Online

شوف ياغالي ...

أهنيك على طموحك , لكن ضع في بالك أنه التخصص التي تبغاه مهم أيضاً ..

يعني أنا ما أعرف عن أكسفورد وكامبريدج , لكن أنا أعرف كثير عن درم .

تخصصي هو بيولوجي , ودرم صحيح أن ترتيبها الثامن , ولكن السكول أو كلية الخاصة بالبيولوجي أقل من عادية في درم .
لذا وقريب من درم هناك نيوكاسل , وبالرغم من أن نيوكاسل ترتيبها الواحد وعشرين بشكل عام , إلا أن معهد الوراثة في كلية الطب وهو ما اريده , يصنف على أنه واحد من أفضل خمس معاهد ومراكز على مستوى العالم وليس بريطانيا فقط , بالذات في تخصص الستيم سيلز .

لذا لا بد أن ترى قوة التخصص الذي تريده في الجامعة .

والله ياخوي الناس انواع
وعلشان تعرف نوعك لازم تجرب فرصتك
أنا قدامي اللغة والتحضيرية اراجع فيها حساباتي والمهم أني احصلي مقعد في الأفضل وماني خسران

هههههههههه
والله مافيه صعب
واللي يتشكى من الصعوبه لعاب وشفناهم كيف مهملين ويجلسون في المستوى الأولى للغة ويتحججون باشياء مضحكة
واللي مشا غيرنا يمشينا وقدام التحضيرية نجرب فيها نظام الجامعه


ياحبيلك
والله ماشلت هم الشهادة والمظاهر وقولة أن شهادتي بريطانية ولا ألمانية
الي يهمن اني أستفيد من دراستي واكون منتج بمعنى الكلمة مو موضف مكتبي وبراتب محترم بس علشانه خريج بريطانيا

والرزق الحمد لله ماشلت همه ومو طالع برا إلا لحاجة تسوا

واللغة الحمد لله مستواي فيها حلو مرة وقدامنا لغة وتحضيرية

دخلت الموقع وحتى راسلتهم
شفت تخصصي وشفت المطلوب له
لكن الي أبي أعرفه شروطهم المبدئية للقبول .. يعني المطلوب للحصول على قبول مبدئي او مشروط

لكن اختي وش معنى انهم بيقبولن اعلى 10 طلاب ؟
يعني القبول النهايئ ولا حتى القبول المشروط موماخذة إلا افضل 10 طلاب ؟
وليش عشرة وعشرة أيش ؟ يعني 10 على مستوى القسم ؟

ووافقوا على إعطائك قبول مشروط .. لاني ابي الحاجات الإلزامية للقبول المشروط مثل شهادة الثانوية عامة ووو إلخ
وأهم حاجة إذا كانوا يبون نسبة ثانوية معينة .. كم يبونها ؟

ترى اختي حاولت اصول لإجابة هذه الأسئلة من موقعهم لكن ماقدرت
كل الكلام يتكلم عن المنهج الدراسي ودرجة الأيلس والمقابلة الشخصية وأنا كل الي أبية قبول مشروط علشان الملحقية والباقي أزينه على ركادة

بالضبط اخوي
المؤهلات الي احتاجها لقبول مشروط لدرجة الأيلس
طبعا المؤهلات الإلزاممية لبدئ الدراسة هي اللغة وغنهاء الثانوية العامة .. بس المؤهلات الي قبل والي تكون للقبول الميدئي
وشهي هذي المؤهلات ؟

هلا اخوي

هل تعلم ماهي جامعة اكسفورد ؟ وماذا تعني للمجتمع البريطاني ؟

جامعة صعبة جدا جدا على الانجليز بانفسهم !!!
ولاتنسى ان رسومها غالية ولا اعتقد ان الملحقية سوف تعتمدها لان لديها حد مالي للطالب وكما سمعت انها تطلب مبلغ مالي ويسمى ديبوست لكي تحجز مقعد ولايستطيع الانسحاب بعدها .. الخ


انا اشجعك على العزيمة والاصرار على تجاوزها ولاكن اعلم انك اذا وجدت اي عقبة ستكون لها مرود سلبي جدا ...


اذا استطعت الحصول على 7.5 بالايلس فواصل الطموح والا لديك 116 جامعة بريطانية اخرى


تحياتي