ممكن مساعده يا اهل الخير

الله يشفيك وانا اخوك وتقوم بالصحه والعافيه

اتصل على المكتب الصحي للسفارة السعوديه فرعهم في بيكر ستريت وعندهم مشتشفيات متعاونيين معها ويعرفون من أفضل دكتور للعيون ممكن تحصل رقمهم من موققع السفارة السعوديه في لندن

ما ترى بأس

أسأل الله القوي العزيز الجبار المتكبر بأسمائه الحسنى .. أن يمن عليك بشفاء عاجل غير آجل .. اللهم اشفي أخونا برونيل من كل داء ..
واشفي مرضانا ومرضى المسلمين .. اللهم يارب العالمين ..

جزاكم الله كل خير

وشكرا على ردكم

ولكن الاخ العزيز موارد بشرية هل تقصد الملحقية ام السفارة
لانه الملحقية ما افادونى بشي بس اعطونى عنوان فقط من غير اى معلومة

ماترى باس ان شاءالله

بصراحه ماعرف مستشفى للعيون خاص

ولكن انا سويت عمليه رباط صليبي في مستشفى كرومل يسمونه مستشفى الشيخ زايد

وبصراحه المستشفى جدا رائع ممكن تدخل على موقعهم وتحدد الدكتور اللي تبيه

وتحجز موعد والله يعينك تدفع حق الفحص الاولي وبعدها تاخذ منه تقرير وتروح للملحقيه

وتاخذ منهم ضمان مالي للمشفى لمدة 3 شهور وحتى قيمة الفحص ينزلونها بحسابك

رابط المشفى Bupa Cromwell Hospital > Bupa Cromwell Hospital

ترى فيه مترجمين اذا لغتك مش ولابد وكذلك رئيس قسم شؤون المرضى أو الماليه بريطاني من أصل يمني

ماتشوف شر وأي استفسار انا حاضر

يعطيك الف عافية والحمد لله على السلامة

ولكن للاسف لم اجد طبيب عيون فيها

والله يوفقك

الله يعافيك

بس انت ماحصلت طبيب عيون فيها في نفس التخصص او تتكلم بشكل عام

لاني إطّلعت على موقعهم وحصلت كذى دكتور واستشاري عيون وبعضهم جراحين ولكن ماحصلت جراحه خاصه بالكيس الدهني

عموماّ أخي الله يسهل أمورك ولاتتهاون في الموضوع وحاول انك تخلص منه قبل ماتبدأ الدراسه الاكاديميه وتكون عائق لك

تقبل ودي واحترامي

مشكور والله يوفقك
لا انا اقصد عياده عيون

يا أخي زي ما قلت لك بالأول أتصل على الملحقيه الصحية وهم وظيفتهم انهم يعطونك كل المعلومات
هذا عنوانهم ورقهم
Medical Section, Royal Embassy of Saudi Arabia

60 Queen Anne Street

London W1G 8HP

Tel: +44 (0)20 7935 9931

Fax: +44 (0)20 7456 627

الحل الثاني:
اذا ما ردو أو ما اعطوك اي معلومه اتصل على الملحقية الكويتيه وهم جداً متسعادين ومكتبهم أكبر من المكتب السعودي

ذكرتني بقصيده لابن فطيس اسمحلي احطها هنا

يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت