كيف امدد في وقت ما يكون فيه بريسيشونال كورس ؟

هلا اختي

طبعا بالنسبة للضمان المالي تسوين طلب عن طريق البوابه الالكترونيه ويرسلوه لك على بريدك او تروحي لهم وتأخذيه منهم

وعادة يكون تعريف بتكفل الملحقيه بالصرف عليك وكل تكاليف دراستك

والنسبة لباقي اسألتك مالي خبره فيها والله وربي يسهل عليك


بالتوفيق

موووووووووووووووفقة يارب

جزاكم الله خير بس انا اقصد هل معاهد اللغة باختلافها تعمل امتحان يعادل الايلتس برغم انه ما يكون وقت اختبار لانه المشكلة انه مافي وقت التمديد كله 6 شهور ويمكن الواحد بعيد الشر ما يحقق الايلس فيها فمعهد اللغة هنا ايش دوره ؟؟

مرحبا اختي ، كل المعاهد الخاصة بالجامعات تعمل اختبار يعادل البري سيشنال ، بعدين لاتشيلي هم ترا المعاهد الخاصة بالجامعات تتمنى اي طالب في البري سيشنال ، والافضل على اقل تقدير انك الايام الجاية تختبري ايلتس فقط حتى يكون عندك ورقة هامة تحسبا لاي أمور ممكن تصدر الايام الجاية بخصوص طلاب اللغة ، كلامي هذا مو تخويف لكن اذا ما اختبرتي الافضل الان انك تختبري ومهما كانت الدرجة قدميها لمعهد اللغة الخاص بالجامعة وحاولي تتفاهمي معهم شخصيا بمعنى احصلي على القبول بنفسك وراح يكفي انك تدخلي برنامج الماستر لان كل برامج البري سيشنل لازم تتوقف قبل بداية السنه الدراسية وهذا شرط اساسي في كل الجامعات .

انا الحمد لله داخلة بريسيشونال كورس بس انا اقصد بعد السنة ايش ممكن يسير لانه الستة الشهور حقت التمديد مح تكون فترة صيف
ياربي ليش منتوا راضين تفهموني ؟
و6 الشهور الباقية طبعا الملحقية حتوقف صرف بغض النظر انا جايبة الانكوندشن اولا فايش الواحد يسوي يرجع عبال ما يبدا الماستر ولا يمديه يدرس ؟؟

متى المفروض تدخلي الماستر لو سمحتي

انا في سبتمبر دا اخلص سنة بالزبط فانت ايش رايك هل ابدا في سبتمبر دا ؟ ولا اخليه السنة الجية ؟
وايش يسير لو مددت اللغة؟ حادرس 6 شهور وال6 الشهور الباقية ارجع السعودية وبعدين اطلع ولا كيف ؟

شوفي الافضل تبدأي الان انتي ماتعرفي اش الجديد الجاي خاصة انهم كل فترة يطلع قرار بخصوص طلاب اللغة انا رائي انك تبداي السنه دي أحسن خاصة ان شيفلد السنه الجاية ماهي من الجامعات اللي بتوافق عليها الملحقية هذا اذا كان قبولك فيها

بعدين حكاية انك تمددي هذي فيها كلام كثير والاهم موضوع رجعتك للسعودية لانه ممنوع على الطالب انه يكون برا بريطانيا اكثر من ثلاثة اشهر والمشكلة عندك راح تكون مع الهوم اوفيس قبل الملحقية ، لان النظام الجديد الان من سبتمبر السنه دي في الهوم اوفيس ان اي طالب او طالبة يتاخر عن بدأ الدراسة ما يدخل البلد الا اذا قدم اعذار خطية وقوية مناسبة