مساعدة عِدة مشاكل مع الملحقيه / وياخوفي يكون فيها فصل من البعثه ! أرائكم مطلوبه

الله يبارك بـ قلوبكم ..

يااخوان اقسم لكم بالله ياانا أمّر في حاله يُرثى لها ..
مدير الكليه مكلمه شخصياً يقول مشرفتك تقول لاتعطونه قبول ارجع اكلمها تقول ماقلت له شي وخلهم يرسلون القبول


انا هّمي الأول والأخير لو رجعت في شهر سيبتيمبير / راح ارجع بزوجتي معي واخاف يقولون لي [ مالك أسم عندنا ] [ أرجع مع السلامه ]

ثم بعدها تجي مُفاضله مستشفيات الجنون وكلهم يقدمون طلب يبوني ادخل عندهم لـ [ الضربه العقليه ] اللي ممكن تصيبني


انا راح بكره اطلع للوزاره اكلم الموسى او العطيه بس ياخوفي مايكون هالشي بصالحي

يعني حتى البرسشونال يبي له تمديد بعد ؟ اهئ اهئ اهئ > فيس يبكي

حسبي الله عليهم هالملحقية نشفوا دمنا

الله ييسر امورك ياخي
والله شكلي بورط انا تنتهي سنه اللغه بعد سبتمبر وما جبت اختبار باقي ولو راح علي سبتمبر مافي فرصه الا السنه القادمه يعني الاوضاع للأسوأ ممكن من كثرة القرارات ممكن يوقفوني
والا اكيد يعني ايش اسوي
الله ييسر الامور
والله اني محتار

موضوعك يحله الدكتور غازي مكي إن شاء الله ..
حاول تحصل على القبول من المعهد ولمن توصل بريطانيا حاول تحصل على الضمان المالي .. إذا ما أصدرت لك المشرفة ضمان مالي .. روح للملحقية وادخل للدكتور غازي مكي .. وقول له بالحرف الواحد ..
انت في الملتقى قلت لنا اللي يخلص اللغة وعنده قاب مابين نهاية اللغة وبداية الدراسة في الجامعة يجيب لي أي دورة وأنا ادخله فيها ..
بالعربي الملحقية ماتبي احد يجلس في البيت لمدة شهر او شهرين او اكثر .. لأن هذا الاسلوب يخلي الطلاب فاضين وبالتالي يجيبون مشاكل أمنيه للمحقية والسفارة هم في غنى عنها .. عشان كذا يقول لحد يجلس في البيت جيب لي اي دورة حتى لو أنها ماتخص اللغة وانا ادخلك فيها اهم شيء ماتجلس فاضي ..
قول له انا دراستي تبدأ بعد شهرين مثلاً .. وايش اسوي هالفترة ؟ اجلس في البيت بدون أي فائدة ؟
جيب معك القبول وقوله هذا قبول لمدة شهرين أرجوا إنك توافق عليه .. وصدقني بتمشي أمورك بإذن الله ..

وبالنسبة لقبول المعهد .. لا تجيب لهم طاري الملحقية ولا الحكومة .. قول لهم ارسلوا لي القبول على إيميلي أبي أطلع الفيزا وأجي على حسابي .. مو من حق الملحقية تقول أعطوه قبول أو لا تعطوه .. متى صارت الملحقيه آمره ناهيه على الجامعات البريطانيه .. احصل على القبول على اساس إنك تبي تدفع لنفسك .. واذا وصلك خذه معك للمحقية واعطيه الدكتور غازي مكي ..

والله يوفقك إن شاء الله .. لا تشيل هم انا وضعي نفس وضعك .. زواجي بعد شهر .. وفترة اللغة تنتهي قبل الماستر بشهرين .. ومخلص امور الجامعة والآيلس .. ولمن أجي بحصل على الضمان بنفسي من غازي مكي بإذن الله ..

تواصل مع الملحقية وجيب لك قبول من جامعة ثانية لو هالجامعة ماوافقت

خصوصا الفاونديشن قبولاته سهله


تصرف وتوكل على الله وتتيسر بحول الرحمن

اكتب خطاب مفصل للملحق وأدخل عليه بنفسك وبإذن الله موضوعك محلول

اكبر مشكله بالملحقيه ..

ان القرارات تستحدث بين فتره وفتره ويكون ضحيتها الطالب

أن المشرف ماله اي حول او قوه في تجنب المشاكل بالعكس يزيدها

أن التجديد بالضمان او غيره من حقوق الطالب / تعتبر تقديمات مزاجيه يوم كذا واليوم الثاني عكس



..


شكراً لكل من شاركني برأيه
راح احاول اراسلهم من جديد ,,,,/
وأن ماكان فيه تغيير
الله يعين على رحله لـ لندن لأجل نراجع المقر الموكل بمساعدتنا كـ طلاب . / :@

هذ هو الكلام الصحيح

بالتوفيق

أخي الغالي لو لديك رغبة بالحصول على قبول فاوينديشن في جامعة ميدلسكس بلندن تواصل معي

وإن شاء الله قبولك يكون عندك من أسبوع إلى أسبوعين بالكثير

وبالتوفيق لك يالغالي