المكتب لعب فيني للاسف ..!

June 7th, 2010, 07:00 PM

السلام عليكم .. مساء الخير عالجميع
للاسف أنا قلت بروح لبريطانيا عن طريق مكتب هنا .. المهم بالاول شفت عرضهم لمعهد الـيورو سنتر في كامبردج
وكان بـ41 ألف لـ 6 شهور ,, قلت خلاص بروح عندهم لان العرض حلو ومناسب
لمن رحت لهم قلت له هل هذا العرض موجود قال أكيد .. والمبلغ ممكن يكون أكثر بشيء بسيط
أعطيته 5 آلاف عربون وكلمني بعد يومين قال معهد اليورو سنتر بـ 76 ألف ×_×
قال ممكن أعطيك معهد ثاني اسمه ( EF ) لمدة 7 شهور بـ56 ألف
مع إن المعهد هذا حذرني منه ولد عمتي لكن قلت له أوكيـ ..
اتفقنا على كل شيء وجيت وسويت اختبار تحديد المستوى عندهم online أمس .. وقالي مندوبهم البريطاني
درجتك حلوة ومستواك جيد .. وقام سوى معاي مقابلة وقام يسألني أسئلة شخصية تقريبا نص ساعه
وقال بكلمك الليلة ( قصده أمس ) .. ما جاني منه اتصال !!
كلمتهم اليوم العصر رد علي الشخص اللي أعطاني هذا المعهد وسوا كل شيء .. قال المعهد رفض يعطيك
7 شهور لان مستواك تحت المطلوب ( شوف تناقض الكلام بينه وبين مندوب المعهد ) .. فـ بنعطيك 6 شهور
وتعال خذ ورقة القبول بكرة إن شاء الله - مفروض آخذها أمس - .!
المشكلة الاكبر رحلتي بعد 9 أيام في يوم الخميس بالليل أخاف تضيع علي الرحلة وهم يماطلون فيني
وموعد الدراسة بعد رحلتي بـ 3 أيام
وش الحل معاهم ؟؟

• نشر عبر تويتر
• نشر عبر فيسبوك
• نشر عبر جوجل