استفسار ودي أسأل بس خايف.............

نظام ماجستير كورسات اصعب لان بالاخير فيها اختبار والبحوث اسهل بواجد


مدينة ريدنق كموقع حلوة قريبة من لندن بس مااعرف عنها شي اللي اعرفه ان جامعتها قوية


الملحقية تعطيك تعريف والسفارة البريطانية بالسعودية هي اللي تحدد مدة الفيزا وبالعادة مايعطونك فيزا على قبول جامعه مشروط ولذلك يعطونك على مدة اللغه

بالتوفيق

القويعيه حياك الله.. ياخي ذكرتني بولد عمي كان يدرس عندكم وكل اسبوع مسافر للقويعيه وسالفة القويعيه صارت سالفه ههههههه لكن يقول انكم طيبين مررره ماعدا طلاب المعهد العلمي يقول انهم شوي شريرين خخخخخ
المهم طال عمرك نبدء
1-الفرق ان البحوثات يكون مقسم على اسايمنتات وقروب وورك يعني بينك وبين زملائك وشي خاص فيك انت ويتم التقييم على اساس البحوثات بدون اجراء اي امتحان وميزة هالشي انه اضمن شوي من الامتحانات بس عيبه متعب شوي يعني راح تكون شغال من اول يوم دراسه الى اخر يوم ....اما نضام الامتحانات يعني بيكون فيه شغل بسيط خلال الفصل بحوثات بسيطه وبرزنتيشنات بس ماراح تكون عليها درجه دسمه كل الدرجات بتكون على الامتحان اللي هو بأخر الفصل وطبعا الماستر فصلين وبعدهم وقت لاجراء رسالة الماجستير...... واغلب الجامعات تجمع بين الطريقتين يعني بعض المواد بحث وبعضهم امتحان...

2-ريدنق والله يمدحونها وهي قريبه من لندن وماهي ذيك الكبيره....... اما مدينة كرانفيلد انا رحت لها وهي قرية صغيره جدا وماعتقد احد يسكن فيها الا كان بسكن الجامعه لان الجامعه توفر سكن خاص للمتزوجين بيت مستقل او شقه وتكون داخل الحرم الجامعي ... بس اذا ماتبي تسكن فيها فيه مدينه جنبها تقريبا 15 دقيقه واسمها ملتون كينز مدينه جديده وحلوه بس ترا مافيها سعوديين واجد وهي كويسه للتسوق لان فيها سوق جدا كبير..... وعلى فكره ترا جامعه كرانفيلد جامعه قويه وماهيب بذيك السهوله...

3-انصحك تدرس بمعهد خاص الا ماتقوي لغتك الجنرال وبعدين تقدر تروح اي معهد جامعه وطبعا الملحقيه تدفع لاي واحد تبي بشرط يكون معترف فيه...

4-طبعا نعم اذا كان معترف فيه..

5-والله الفيزا تعقدت عن اول اتوقع يعطونك فيزا 6 شهور بعدها تجددها وهذا احسن لانك ماتدري ترتاح بمعهدك او لا عشان اذا ارتحت فيه تجدد او تنتقل لغيره لان النضام الجديد يفرض عليك تغيير الفيزا اذا غيرت المعهد.... عشان كذا لاتشيل هم طول الفيزا اللحين لانه مثل قلته اهم شي تجي هنا وتدرس وتشوف الوضع كيف

6- مثل ماقلت لك لاتشيل هم الفيزا الان لانك ماراح تدرس بمعهد الجامعه على طول ... واذا تبي يعطونك فيزا لكل المده فهذا شي صعب لانك لازم تجيب قبول غير مشروط وتكون المده متصله .... لكن مثل ماقلت لك اللحين فكر باللغه خلي موضوع الفيزا على جنب

وبالتوفيق اي شي ثاني امر

شكراً جزيلاً أخوي مبتعث في زحل ......
طبعاً أهل القويعية أحسن ناس ( واحد يتفشخر هههههههه)
جزاك الله خير والله معلومات جيدة وأفادتني جداً جداً