مــعــاهــد بـريـطانـيـا لـتعـلـيـم الـلـغـه وتـكـلــفــتـهــا في الصيــف ( مانشيستر)

وسوال اخير بعد معهد كابلن وش يفرق عنهم سمعت ان مستواه انزل منهم ... لو اقدر اكلمك على جوالك ياليت يالغالي

مرحبا اخي الكريم
المشوار يكلف حسب بعد العائله لكن اذا تبي ترخّص المشوار من المطار خذ الباص رقم 43 ولا يوقفك الا بالبكاديلّي مسافة ساعه الا ربع وهو السنتر (بكاديلّي = السنتر) من هناك خذ تاكسي على العائله
راعي الباص قوله البكاديلّي أعتقد بـ3 باوند

تحياتي

مرحبا عزيزي أسير الاحزان 111

انا سبق وجبت قبول لأحد الطلبه
وخرّب علاقتي معهم لذلك لاأستطيع خدمتك للأسف

الا بأن تتراسل معهم بنفسك وتحصل على القبول
واذا ماتقدر لأن لغتك ضعيفه فأبعد عن المعهد لانه قوي جدا جدا ولاينفعك لانه ينفع الناس الي عندها لغه وتبي تطورها فقط
وأقدر أخدمك بمعاهد ثانيه من عيوني وكابلن زين وطيب وأتمنى تقرى كامل الردود اذا بغيت تعرف الفرق أكثر بين كابلن وبيرليتز
تحياتي

الله يعطيك الف عافيه على هالموضوع الحلووو

انا حبيت اني اسافر في الاجازه 2011 شهر عشان اخذ لغه وبما انه الاجازه مره قرررررربت بديت ابحث .. ولما قريت موضوعك قرررت اني اروح مانشيسترررر

طيب انا ابي الدراسه في معهد لمده شهر والسكن مع عائله والوجبات والتامين الصحي والاستقبال في المطار والتوديع والتذكره ...... مايزيد سعرها عن عشره الاف ريال سعودي

تقدر تضمن لي هالطلبات وانشاء الله راح اتواصل معك واعتمد عليك ..

وربي يقووووووووويك ويجزاك الف خير ..

السلام عليكم ورحمة الله وبركاته
اخي كاتب الموضوع
لا اعلم كيف وبما ابدا به مشاركتي الاولى في موقعكم الجميل
فقد اجبرتني على التسجيل لاقول لك
لله درك
وكثر الله من امثالك
لقد قرات موضوعك مع الردود
زنقه زنقه
رد رد
سطر سطر
فوجدته شافيا كافيا
متزينا باحسن الالفاظ
متوشحا الادب مختصر العبارات
موصلا للفائدة باسهل واقصر الطرق
وقعت على هذا الموضوعا قدرا وتوفيقا من رب العالمين
لحاجتي الماسة لاجوبة كثيرة جدا وقد اجدت وافدت فيه
بارك الله لك في اهلك ومالك وعملك وصحتك

ايش رايك في الكلام اللي فوق اديب على غفلة هههههه .. والله انك تستاهل اكثر

الله يجزاك عنا خير ياخي والله ماقصرت
لو فكرت بعد شهرين اجي راح اتواصل معك
تقبل شكري العاطر

أخوي مرافق ، أول شي سلام عليكم ، الله لا يهينك ويوفقك يا رب ، انا رحت لمكتب في جده وقال لي عندهم معهد بيرلتز وإي أف فقلت له أبي بيرلتز قال 3 شهور 3 ساعات يوميا

بـ 18900ريال دراسه وسكن واستقبال في المطار وتأمين وووو ... بدون التذكره طبعا ، وش رايك لأني والله منحد عالمكاتب ؟؟؟؟؟

مرحبا
لاسبوع للدراسه بـ150 باوند يعني 900 ريال وشويه
السكن 110 باون بالاسبوع يعني 660 ريال
عدد أسابيع الدراسه =4500 ريال تقريبا
عدد أسابيع السكن= 3300 ريال
التكاليف للدراسه والسكن =7800 ريال
الفيزا 500 ريال تقريبا
الطائره 3500 تقريبا سعر الطيران غالي بسبب أسعار الصيف
المجموع11800 ريال تقريبا
المعهد بيرليتز
شوفي الحسبه وأحسبيها وبالتوفيق
تحياتي

عفوا لكلماتك الجميله
وعند الله خير الجزاء
تحياتي

مرحبا
سعر ممتاز وجميل جدا اذا كان بمعهد بيرليتز بمدينة مانشيستر
وأشرط عليه ونبهه عليه 3 ساعات باليوم بيرليتز بمانشيستر
العموله التي سوف يجنيها بعد هذا السعر تقدم له من المعهد وهي ربع قيمة الكورس
بمعنى سوف يحصل على العموله من المعهد وليس منك فأحذر أن تقدم أي مبالغ غير ذلك
بالتوفيق وتحياتي لك

السلام عليكم ورحمة الله وبركاته

الله يجزاك خير اخوي

والله انك تحرجنا بصدرك الرحب دائما

بصراحة انا كنت ناوي ادرس بلندن

لكن شفت موضوعك وغيرت رأيي إلى مانشستر

يالغالي بغيت اسأل انا عندي خلفية انجليزية طيبة من ناحية الكلمات

لكني من ناحية المحادثة والاستماع والاملاء فيه نوع من الضعف

كم اسبوع تنصحني ادرس

لأني بعد كذا ابي أدرس علم نفس في بريطانيا واذا حصل ان شاء الله في مانشستر

طبعا كله على حسابي الخاص

وهل تقدر انك تروح لدولة ثانية سياحة في أيام الاجازة مثلا ( اقصد دول الاتحاد الاوروبي )

ولا لازم يطلبوا فيزا واجراءات ..؟؟

يعطيك ألف عافية

وسامحنا يالغلا على التطويل .