اللي حصله نفس الموضوع يعطينا خبر مادري قانون جديد؟؟

غريبة هالكلام
1-أنا قبل إسبوعين أرسلت قبولي الغير مشروط للمشرف وقالي ماعندك مشكلة وأرسالي أوراق أوقعها من ضمنها تعهد
وقالي خلاص مسألة وقت وأصدر لك الضمان المالي ... ولكن من سوء حظي الكلية إللي جبت منها القبول عليها مشكلة فقالي غير القبول وأرسله وأنا أصدر لك الضمان المالي ,
2- إثنين من خوياي جابوا قبولات غير مشروطة للماستر وصدر لهم مشرفهم الضمانات المالية والحين يبون يسافرون السعودية لتجديد الفيزا والرجهة في سبتمبر لبداية دراسة الماستر.
3-واحد من أصحابي عندة معادلة دبلوم لسنة الثانية وإختبر في الجامعة نفسها وأعطوه قبول غير مشروط ومشرفه صدر له الضمان المالي وتوه سافر قبل كم يوم .
يعني كلنا ما حصلنا على درجة في الأيلس لأننا ما إختبرنا وقدمنا ومشت أمورنا تمام .

شكرا على ردك ولد روق وكثر خيرك
والله مااعرف شكل المسأله قريبه يعني من اسبوع او اسبوعين هالكلام واتوقع من نفس المشرف انا تغير مشرفي وجت مشرفه وتقل هي اللي مبتعثتني على حسابه نشبه لكن عسى ربك يعين ... ومره اخرى شكرا على ردك لكن لو تقولي متى هالكلام اللي صار معك هل هو من مده او شي جديد انا توقعت بعد ما جا الموسى جاء هالقرار ......!!!

نفس الكلام انا صار لي ..

والحين انا متعلق ..

معي قبول غير مشروط

حسبنا الله ونعم الوكيل

خويي إللي معادل الدبلوم وجايب قبول على السنة الثانية إختبر في نفس الجامعة وخلص اموره الأسبوع الماضي مع الملحقية ومشي السعودية .

مافهمت عليك وإنت أي مرحلة ياليت توضح وضعك كامل مع الملحقية

يعني انا لازلت في مرحلة اللغه وعندي قبول فاونديشن غير مشروط من الجامعه

ولما رحت للملحقيه طلبوا مني ايلتس وقالوا ماراح نعطيك الضمان الا اذا جبت ايلتس

قلت ان القبول غير مشروط قالوا هذا بينك وبين الجامعه حنا مالنا دخل نبي ايلتس

قلت ابي افهم وش الفرق بين المشروط والغير مشروط طيب دام ان اموري راح تتوقف على الاختبار قالوا مالنا دخل

قلت طيب ابي تمديد لغه قالوا مافيه الا بايلتس

والحين انا متعلق وشرطوا خمسه وفوق وكان الكلام هذا قبل اختباري بيومين وحاسوا ام النفسيه عندي ودخلت الاختبار وانا انواع الهواجيس

حتى مافيه مجال توضح وش عندك كنهم يبون يفتكون منك باسرع طريقه وبس

وحسبنا الله ونعم الوكيل

والله مادري وش الوضع عليه شكل بعد زيارة الدكتور الموسى سمعنا هاموضوع وكمان بعد ماضمو جميع المبتعثين بالدول ماعدى بريطانيا مع ان استراليا من ضمن الدول الموقوفه مع ذلك ضمو طلاب استراليا اللي على حسابهم الخاص ماعدى بريطانيا اتوقع والعلم عند الله ان الدوله تبي تصرف النظر عن بريطانيا او بالاصح هذا تطفيش عشان تحول خاصه اللي بمرحلة اللغة والله اعلم لكن وش ذنبنا ؟؟

السلام عليكم
الله لايهينك ياولد روق بالله ممكن تقولي اسم الجامعه ووشلون احصل قبول للماستر غير مشروط وشكرا لكم