ربط الجوازات مع وزارة التعليم العالي

موارد بشرية .. هههههههههههههههههههههههه . يعني ماراح يجيبك البنك .
واحد من الشباب اخذ قرض وفصل من عمله وجا بريطانيا وألتحق بالابتعاث ومادرى الا والبنك داق على جواله البريطاني؟؟؟!!
يقول جيب الفلوس بالطيب والا بنحط اسمك بلاك لست وأول ماتدخل السعودية على طوووول سجن . حتى اهلك ماتسلم عليهم ولاترجع تكمل دراستك ؟؟؟
بالنسبة لربط الجوازات بالتعليم العالي ماأتوقع . لأن ربعنا الجوازات عساهم يقومون بحمل نفسهم . ثانيا شوفوا المشاكل واللي جت من بصمة العين حقت الأجانب . أنواع المشاكل واحيانا أخطاء ومرات يعطي قراءات غلط .
وألحين بيوحدون النظام مع التعليم العالي . وعلى مين ؟؟ . على مشرفك دايركت ..
بيخوفونكم

ما اعرف والله بس يقولون تم الربط والله اعلم بس الله يعينهم على الحوسة يعني فلان مستاذن ودخل السعودية جات رسالة تقول دخل السعودية وفلان انهى البعثة جات رسالة تقول دخل السعودية وفلان ما استئذن ودخل السعودية وجات رسالة وفلان متخرج وما انهى امورة ولا قفل الملف والمحرم الفلاني ترك بنته او زوجته في السعودية وما رجع حالة الله يعينهم

الشلباق

خويك على نياته اذا صدق ان سامبا ممكن يوصلون له الا اذا انهم مسوين فيها حكومة والناس ماتدري

تدري ان فيه ناس بالسعودية عليهم قروض من البنك اي بنك يخطر في بالك ومتسدحين وماسددوهم والبنك ماله عليهم لا حول ولا قوة .. لا ويمكن اذا هو ساكن قريب من نفس البنك يجي ويوقف سيارته بمظلات مواقفهم وهم يعرفون انه خويهم ومايقدرون يسوون له شي لانه يكون فصل من عمله او انتقل من عمل بوزارة الى وزارة ثانيه وبكل بساطة يطلع اخلاء طرف مالي من زملائه بالعمل وخل البنك يجوده يمكن بس يقدر يزن عليه بالاتصالات ويطلبونه تكفى سدد واللي يرحم والدينك

بلغ خويك احس اني حزنت عليه شكله مهوب قادر يزور اهله ومحشور بهالبلد قله يطق اصبع و ماحولك احد

مااتوقع انه بيصير .. لان اصلاهمماه مهتمين باي امر بس مسالة تخويف للطلبه ..
مشرفي مادرى عني ولا عمره ارسل خلصت والالا .. اذا احنا ندق عليهم ونترجاهم يردون .. تبونهم هم يدقون.. هذي من المستحيلات ..
الا ذا الواحد جاهم لي الملحقيه قال هم انا تراني بالسعوديه بس طلعت اخبركم اني بالسعوديه وغطلت وتكفون عاقبوني..
ام على مسالة المحرم ربع الطالبات بدون محارم ..يعني انسى الموضوع مايقدرون يغيرون ..لانهم اصلا ماعرفوعن النظام الا الاسم
الله يعيننا عليهم .. شاكره لموضوعك اخوي

ربنا يسهل بس المعلومات هذي قالها الموسى عن الربط في جريدة الاقتصادية وفي لقاء الطلاب في لندن وبرمنجهام وانها راح تبدا في بداية شهر يوليو والله اعلم وبعضهم قال بعد شهرين وان الربط بيكون عن طريق رسالة الكترونية توصل للملحقية او التعليم العالي وبعدها الملحقية برقم جواز الطالب وسجله المدني واسمة بنفس لحظة دخولة مباشرة

مبتعث في زحل .. صادق وانا اخوك باللي قلته .. اعرف واحد سوى نفس الحركه وطلع ودرس وجاب الشهادة ويوم جاهم لقاهم حاطينه بلاك لست بس . توظف وقعد يكمل اقساطه عندهم وبعدها اخذ قرض من بنك ثاني . بس هالكلام قبل 7 او 8 سنوات . لكن الحين جا نظام سما . وربطو الأمور بمؤسسة النقد ومدري لخبطتهم الجديدة . أذكر قبل فترة كنت أباخذ قرض من سامبا . قالو مانقدر لأن عليك سيارة من البنك الأهلي . لكن اللي يثبت لك انهم مازالو مغفلين . البنك الأهلي وغيره قالو ماعليك نعطيك والسيارة مالها دخل بالسالفة .
الله لايحدنا الا على وجهه الكريم

كلام فاضي اول شي خلو الملحقيات يتابعون امور المبتعثين ويصدرون ضماناتهم المالية في اوقاتها بعدين فكرو بالاشياء الثانويه

فعلا شي غريب بالطريقة دي ما عرف الموسى او غيرة انه قاعد يخلي الطلاب يسافروا لبلدان غير السعودية ويقولك مادام ان اول ما ادخل السعودية راح توصل رسالة دخول لي لا خلاص انا اسافر الى فرنسا او مصر او بيروت في اجازة الصيف او اي بلد فهل كل بلد عندها مركز معلومات يرسل للملحقيات فعلا بالطريقة دي بدل ما يكون افضل لهم ان الطالب يكون في السعودية سواء استئذن او لا يجبروه يسافر لاي دولة برا فترة اطول من فترة جلوسة في السعودية وكل ما حب يبعد عن وجع الراس سافر لاي دولة حواليه

هههههههههههههههه
حركت غزل للجوزات للتفواض ومستحيل يتقبل الجوزات حركي زي هذي وايضا وزير الداخلية مستحيل يوافق واذا وافق سوف تعلن وزارة الداخلية مباشرة
اللي صاير عملية مو منخلاقيات المسلمين وغير قانونية من الموسى وهي عميلية متابعة الاي بي لجهاز الحاسب الالي . مجرد دخول للبوابة لاكثر من مره من السعودية يتم ارسال رسالة للمشرف مضمونه ( صحصح يا نايم وين الطالب) .
الحل كل طالب يجعل اهله من السعودية يدخلون على البوابة فقط تسجيل دخول اكثر من مره لمدة شهرين.
وسوف يتصل المشرف ويتفاجى بان الطالب متواجد ببلد الدراسة . هههه هذي طريقة لتكذيب السستم.
وفيه اكثر من طريقة لخداعهم
كنت بنزل موضوع كامل لكن اختصرته الان. لحد يعلم الموسى اننا منتهبهين للحركه هههه وترى لويدرون الحكومه السعوديه ان الموسى وادارة من ادارة التعليم العالي تتجسس على الطلبه بيصير تحقيق كبيرا ومخالف للامر السامي بعدم التجسس على الاتصالات بانواعها نذكرهك بالاوامر الساميه فقط
اتمنى الاستفادة

الله يوفق الجميع انشاء الله الي عنده شي يقل اللملحقيه واعتقد يساعدوه بس هذا سوه لان في ناس كثير راحو ومارجعوا والصرف عليهم شغال والله واعلم