سؤال لطلاب الماستر المتخرجين والي قريب يتخرجوا

يعني مافيش ولا ولا ولا ولا معلومة

نفس الوضـع أختي : )

المفروض أسلم الرسالة يوم 10 سبتمبر و نتائج الرسالة ما راح تطلع قبل شهر, يعني تقريباً أكتوبر ..
طبعاً النتائج شيء و الوثيقة شيء ثاني, يعني النتائج ما تعني حصولك على وثيقة التخرج ..
حسب جامعتي النتائج راح تكون متاحة في أكتوبر و الوثائق في نوفمبر وحفل التخرج في أبريل !!

اللي أعرفه أن بمجرد ما تطلع النتائج يعطونك (transcript) ممكن تقفل فيه ملفك في الملحقية !
المشكلة مو هنا ..

آخر مكافاة المفروض استلمها هي مكافأة شهر سبتمبر و السكن أخر يوم لي 11 سبتمبر : )
أنك تحصل سكن لمدة شهر أقدر أقول أنه شيء مستحيل, بتاخذ شقة مستحيل أقل شيء 6 شهور , b&b غالي و الفنادق شيء خارج نطاق التفكير فيه اصلاً ..
و برضو المفروض أني ما أرجع السعودية و اذا اصدروا النتائج أرجع أنا أبي أطلع من بريطانيا و لا عاد أشوف وجهها للأبد (من غير شر )
يعني المفروض أسافر مرة واحدة ولا أرجع عشان يوم و لا يومين أقفل فيها ملفي ..

الفترة اللي فيها المشكلة من 11 سبتمبر إلى تقريبا 11 أكتوبر !
ما فيه سكن و المكافأة بتكون موقفة طبيعي في شهر سبتمبر : )
..

هذا تحليل لوضعي, ما أدري عن باقي الجامعات لأن كل جامعة لها وقت تنزل فيه النتائج و الوثائق ..

طيب على كذا الي يبي يدرس ماستر صعب جدا يلحقها مباشرة بالدكتوراه صح لازم بينهم سنة؟؟

ماتنقطع المكافاه لين تسوي اخلاء طرف
وماتسوي اخلاء طرف لين تستلم الوثيقه

طيب بليز على كذا لازم سنة بعد الماستر علشان الدكتوراه مقدر اوصلها ببعض

يا جماعة الخير موجود مكافأة للتخرج تتضمن كذا شيئ موجودة في موقع الملحقية و عشان تستلمها لازم ترسلهم نسخ من البحث و بكذا حتى لو خلصت بعثتك و انقطعت المكافأة ,مع انو ما أظن تنقطع قبل استلام الوثيقة الله أعلم على أي حال, الموهيم يكون عندك مبلغ التخرج تصرف فيه نفسك.
و بالنسبة للدكتوراة عادي دربوها ورى الماستر على طول انا الفاصل بين المرحلتين شهر بس لانو بصراحة ابى اخلص من البلد المقرف باي شكل و ارجع السعودية و بالشمع الاحمر على بريطانيا
و مبروك لنا كلنا مقدما
http://www.uksacb.org/index.php?opti...dep&Itemid=131

لا يا عيوني مو صحيح إذا عندك قبول دكتوراة جاهز قدميه للملحقية. أنا سويت كذا و أموري ماشية الحمدلله.

ممكن بالله تفيدني اكثر كم نسبتك في الماستر وهل المطلوب درجات الترم الاول لو الترم الاول والثاني
المشكلة جامعتننا اصدرت النتايج للترمين سوا والترم الثاني درجاتي مو كويسة فنزلت نسبتي وماني عارفة طريقة افصل فيها الدرجات عشان اقدم على ترقية بعثة

ممكن تفيدني اكثر بالموضوع وهل قدمت من زمان لو قريب

والله انا كنت بالملحقية الاسبوع الماضي ومشرفتي قالت بستبمبر تنتهي بعثتي وقالتلي تبي تقعدي قدمي تمديد بعثة
حسيت معلوماتها مغلوطة بس ماقدر اجادل لأن منطقي الكلام

قالت قدمي طلب وارفقي معه خطاب ان درجاتك لسى ماطلعت ويمددونه لين تطلع الدرجات