مين خبير بنظام الملحقية يساعدني

مافهمتك بالضبط

لكن اتوقع طريقتي مشابهه لك

هل انت مبتعث دكتوراة ؟؟

هلا بالغالي

انا مبتعث ماجستير

بس اني ماختبرت الايلتس لاني درست بمعهد واخذت منهم شهادة بمستواي وكان ابرانترميدات وقدمته للجامعه وقبلوني

بريسيشنال كورس والحين ادرس البريسيشنال وقالوا بنهاية البريسيشنال كورس نعطيك القبول الغير مشروط

انا اسأل هل اذا عطوني القبول الغير مشروط وارسلته للملحقية يرسلوا لي الضمان المالي ولا يقولوا الملحقية لازم تجيب اختبار الايلتس لاني سمعت انها صارت مع مبتعثين من برنامج الوزارة

انا طبعا موظف حكومي


استنى الاجابه الوافيه والكافيه

معك اخوك ادرس الان البريسيشنال كورس ومشرفي بالملحقية ماسالني عن الايلس

لاني جبت قبول الكورس انكونديشنال وخلاص وش عليه هو ... دامك ماشي صح وامورك حسب كلامك صح واخر حلاوة

ادرس ولا تشيل هم والله يوفقك وتحصل الانكونديشنال للماستر

اخوي مبتعث في زحل انا اللي خوفني السواليف اللي اسمعها من الزملاء انهم يطلبون الايلتس وانا ماقد قدمت ايلتس


شكرا على الرد


up up up up up up up up

هذا هو الكلام الصح خاصة ان الدليل الاجرائي للمبتعثين مايتكلم عن هالنقطة. انا كنت ادرس كورس انجليزي اكاديمي ومعايا قبول غير مشروط للماستر ولمن قدمت طلب اجازة سنوية طلعولي بسالفة الايلتس!! قلت للمشرف ليش ماتكلمت من بدري؟ قالي: انا ماقلتلك؟ قلت لا !!! قال لالا لازم تختبر عشان نعرف مستواك باللغة (وقتها كان ودي اطلع له من السماعة ) ومن هنا ومن هناك وافقو على الاجازة بشرط اني اختبر ايلتس في اقرب فرصة.

انت الحين تدرس في البريسشنال, كلم المشرف ولو طلب الايلتس قدم على اقرب موعد للاختبار. وحتى لو ماطلب حاول انك تختبره عشان تريح بالك لو فجأة طلبوه منك. الاختبار مدفوع رسومه من الملحقية وماعليك الا انك تختبر (<<< على باله السالفة بسيطة)

الله يعطيكم العافيه ياخوان


ماقصرتوا

يعني افهم انه شرط الزامي لانو الحين انا ماعندي وقت اختبر البريسيشنال كرف من جد وتعب ورمضان جاء والله يعين

السلام عليكم ورحمة الله وبركاته
الأخ سليمان 88
الآن القرار الجديد لا يمكن يصدر لك ضمان مالي بدون درجة الآيلتس أو ما يعادل درجة الآيلتس لكن بالنسبة لك إذا انتهيت من البربيسشونال كورس وأعطوك القبول الغير مشروط تقوم بإرساله الى المشرق وبعد ذلك يصدر لك الضمان المالي لأنك أعطيته النتيجة نتيجة البريسشونال كورس وهذه النتيجة تعادل درجة الآيلتس وهذا يدل أنك مؤهل لدراسة الماجستير هذه النقطة الأولى
النقطة الثانية وهي التي تتكلم عنها بالنسبة للذين أخذوا قبول غير مشروط قبل نهاية الكورس أو جاهم قبول غير مشروط بأي طريقه كائن من كان ففي هذه الحالة لابد أن يختبر آيلتس وتكون درجة الآيلتس تعادل دخولك الماجسير لكن هذا النظام ليس بقوي
لأن أعرف بعض الطلبة في البداية ترفض الملحقية وبعد ذلك يصدرون له ضمان مالي ومث ما يقول المثل (( كثر الدق يفك الحديد ))

وفي النهاية أتمنى لك التوفيق ولا تقلق في هذه المسألة لأن دائما يصدرون قرار ولا ينفذون إلا بعد سنة من إصداره

لك الى سنه ونص اذا ماجبت ايلتس او قبول غير مشروك تلغى بعثتك غير كذا ماعندك مشكله