طلاب برايتون

ياليت يوافقون لي اروح برايتون .. والله من زمان عنها من سنه وونص ايام اللغه .. عموما من ناحية المعيشة مو رخيصه ولا غاليه .. فيها الي تبغين مدينة وسيعة صدر .. وامنه باذن الله .. جلست فيها ست شهور ماتعرضت ولا المشكله الحمدلله .. والشباب مازالوا فيها وماذموها ماشاء الله .. وبالنسبه لي ودي ارجع لها والله .. يعيبها بالجو الهواء قوي احيانا باصاتها كويسه بالنسبه للتنقل .. وش تبين كل شي فيها كويس ان شاء الله .. بالنسبه للسكن يعني مايتعدى 1000 باوند شقه غرفتين وصالة وبلكونه ودورة مياه الله يعزك والقارين .. لا ووحده من البدروم ماستر انسوت وكل شي .. ووين ؟؟ بالمارينا امن منطقه تقريبا .. والباص حقها رقم 7 اربع وعشرين ساعه شغال وعندك اسدا الكبير وعندك مجمع بولنق وسينما ولو قسم لك الله وسكنتي هناك تاخذين باصين باص رقم 7 من المارينا للاولد ستين .. او النورث ستريت .. ومن هناك باص 25 على الجامعه وعلى فكره كل الباصين 24 ساعه .. واذا تدورين غرفه وحده بتحصلين استديوهات يعني انا اعطيك اسعار اغلى منطقه الغرفتين ماتتعدى 1100 -1200 هذي اذا مرره والا انا اذكرها 950 .. وغرفه وحده مع صاله 700 او 750 وزي ماقلت لك هذي اغلى منطقه تقريبا ..! لو تبين بمكان عادي بتحصلين من 350 الى 500 شي كويس .. وانتي عاد لازم تروحين وتشوفين المدينه يعني كل كلامي اعطيك فكره .. وتروحين انتي بنفسك افضل ... صح تذكرت الباص هناك ثلاث شهور بـ 100 باوند ! <- ام الرخص ..

ومن ناحية جامعة صسكس .. الي اعرفه انها من افضل الجامعات على مستوى بريطانيا .. لكن بالاخير لااااااااااااااااازم تروحين وتشوفين بنفسك .. لا تتوهقين مثل اخوك .. سمعت الحكي الزايد والفلسفه وزينت اموري كلها على كامبريدج ويوم رحت توهقت ولا عمري طبيتها قبل .. والحين اخوك مابيده شي بجلس غصب ..!

لا وابشرك مالقيت سكن ..! الفندق قالوا لي قبل اجي بـ29 واول ماوصلت صار بـ70 مع حب الخشوم سبحان الله وليته فندق الا بد اند بريك فاست .!

والشقه كانت غرفه وصاله بجنب الجامعه من 3 الى 5 دقايق مشي بـ370 يوم وصلت صارت غرفه شيرنق و25 دقيقه مشي .! لا وبـ520 ..! ويوم فرحت ولقيت استديو قلت بس هذا الي باخذه .! قالي بـ800 على فكره تخيلي كل هذا صار بساعتين !

ماعلينا كاني طلعت من الموضوع ههههههههههههههه المهم اي شي عن برايتون تراني بالشوفه ..

وبالتوفيق ان شاء الله

اتفق مع Busy ... المدينة اّمنه وجميلة وجوها حلو وسياحية وفللللله (يمكن تناسب شباب اكتر!) ...بالنسبة للاسعار يمكن غالية شوية مقارنة بمناطق ثانية (شمال انجلترا مثلاً) ... بالنسبة للسكن صحيح انو الباصات 24 ساعة والمدينة مش كبيرة لكن اعتقد انو يكون افضل انك تدوري على مكان قريب من المعهد او الجامعة.

بالتوفيق

مشكور اخوي
بس ابي معلومات اكثر عن الجامعة
سمعت انها صعبة وخاصة انا ماستر
ويقولوا ان معهد الجامعة نصاب للغة
طيب تعرف متى اوقات البري سشنال 2011
يعنوا انت تنصحوا
العالم يروح لها
فقط قول وجهة نظرك

اي معهد انتي مع ستدي قروب والا مع الجامعه نفسها. يعني في مبنى ارت سي؟

اللي سمعته انو الجامعه قوية وحـلـوة بس تبي واحد مجتهد حبتين لاغير ..

وبرايتون من افضل المدن اللي طبيته وانصح السكن داخل الديرة المارينا تحس انك منعزل شوي ..

بالتوفيق

بس سمعت انها صعب في الماستر
يعني
لازم تجيب 6ونصف في الايلس
احد يعرف كيف تقدر نجيب في البري سشنال علشان نعدي الدرجة
لان سمعت حيييل متشددين
مين عندة معلومات

برايتون من افضل مدن بريطانيا ..

المعيشة فيها عالية نوعا ما ..

جامعتها قوية جدا جدا ..

نصيحة لوجه الله اذا تشوفين نفسك ماراح تعدين انقلي لاي مدينة ثانية تراها فترة وتعدي ماراح تعيشين فيها العمر كله ..

وهذا الي خلاني اطلع من برايتون وكل ويك اند وانا هناك

بالتووفيق للجمييع

هشام ..

هذا من احسن معاهد برايتون .. واحلى شي فيه النشاطات عندهم كثيرة .. حاول دايم تطلع معهم لا تستحي وتقول لغتي ضعيفة لان الي معك كلهم لغتهم على قدهم ..

الله يوفقك ..