تصدقو كنت هفتح موضوع بنفس العنوان >__<
والله حالة
بجد ما حسيت بثقل البعثة إلا لمن بديت الماستر المنيل دا
كلو أبحاث أبو 2000 كلمة والثانية تبغا عشرة صفحات واللي يبغى موقع وحاااااااالة
وما بديت أعمل ولا شئ لسة لأني متشعتر مرررررررررررة :S
الله ييسرها لك أختي وللجميع
أنا اللي أتعرفت عليهم واحد أردني وواحد ألباني وبس
وزي ما أتفضلتي كلها كم مرة في الأسبوع وخلاص يعني من فين لفيم أشوفهم
والتشاينيز عاملين فيها رباطيات مع بعض
بجد أفتقدت أيام اللغة في لندن والخرجات مو زي أكسفورد طفش طفش طفششششششششششششششش
وذول ما عندهم إلا البار والبارتي والسكار هوا اللي يعتبروه ترفيه <<< وجع
أما المراجع أختي فبيستخدمو نظام هارفار
أتفضلي هنا تاخذي فكرة عنو وأمثلة
Referencing - The Harvard System
أنا بفكر لمن أخلص البحوث وقبل ما أسلمها أدورلي على أي مكتب حق خدمات طلاب وأديلو هيا أخليهم يظبطوها في الجرامر والإسبيلنج ويتأكدلي المراجع مكتوبة بالطريقة الصحيح ولا لأ
طبعا الأمانة العلمية هنا يهتمو بيها مرررررررة الإقتباس أو أنك تخلي احد يعملك البحث دي مصيبة
وترا الجامعات عندهم برنامج يدخلو فيه البحث حقك وخلال 48 ساعة يبان لهم أي كلام مقتبسو من النت أو من بحوث أخرى فلااااازم المراجع تنتبهو لها
Ayu October 7th, 2010, 08:35 PM
7 " 
LinkBack URL
About LinkBacks
October 7th, 2010, 04:36 PM
السلام عليكم ورحمة اللهكيف حالكم مع بداية الدراسة ان شاء الله مبسوطين يارب ..
انا بس زي ما تقولوا مالي بعد الله الا انتوا ودا المنتدى في بلاد الغربة
نفسي اقول كلام بالزات للبنوتات اللي زي حالتي وبيدرسوا ماستر
طبعا بدات المحاضرات وبصراحة مرة حايسة لعدة اسباب :
1- خلاص دلع اللغة راح ودخلنا في صلب التخصص وكله انجلش بمستوى عالي يعني بصراحة لو مو لغتك فوق 80% مع تفهم ايش بيقول الدكتور والله يستر.
2- الطلبة كلهم انجليز او تشاينيز للاسف مافي معايا ولا وحده او احد عربي يعني حتى مافي مجال تكون صداقة معاهم لانه هما شكلهم ما يحبوا العرب ويتحسسوا من الحجاب او شئ زي كدا ومو معقول تفرض نفسك على ناس متحسسين منك او ما يبغوك واصلا المحاضرات مرة في الاسبوع يعني مو بس عشانهم اجانب عشان ما بنشوف بعض اصلا الا مرة قليل فما يمديك تتعرف اصلا.
الله يرحم ايام اللغة كل يوم كلاسات لا والكلاس كله عرب هههه لا وكمان سهالة الانجلش حق المعاهد مو زي الجامعة طبعا واللي ما تلحقه انت يلحقه صاحبك وتفيدوا بعض وتستفيدوا مو زي حالتي دحين .
3- طبعا المواد تنجح وترسب فيها بالابحاث- كل مادة ببحث والكتابة لها اصول مو بس كبب وليس ويطلع كويس والمشكلة كل دكتور يجي يرميلنا البحث ويقول ابغاه في اليوم الفلاني طيب مافي احد قلنا كيف نبدا نكتب على طول كدا اكتبوا كيس ستدي او بروبوزل يعني حاجات يبغالها تفهيم حتى بالعربي عشان خلاص الواحد يفهم مزيوط .
4- المشكلة انا حتى برة الكلاس مالي صحبات كلهم كانوا في اللغة او نقلوا مدن تانية او يا حرام ما خلصوا من اللغة فتقريبا حتى لمن اخرج السنتر اشوف اولاد قروب او بنات قروب ماشاء الله فما ادري حقون الماستر والدكتوراة هل بتلاقوا قروبات كدا بالزات البنات كيف بتتعرفوا على بعض وانتوا في الجامعة لانه مرة مرة ما بشوف بنت لابسة طرحة غيري..
انا حاسة اني ضايعة مرة ومني عارفة القاها من فين ولا فين لاني ناقلة نوتنجهام جديد لسة ما اعرف احد وكله شئ جا جديد مع بعضه ماستر وغربة ومدينة جديدة ولغة بمستوى عالي عشان الابحاث..
يعني مين بيساعدكم لما بتكتبوا ولما ما تلقوا مراجع ايش بتعملوا ؟
اسفة عشان طولت بس ايش اسوي ؟..