تعويض لاختبار الايليتس(IELTS) ورسوم تجديد الفيزا(VISA)

هلا بالغالي التعويض ماله مده معينة لكن الايلتس 3 مرات فقط وكل مره بينهم 3 اشهر على الاقل والفيزا عادي كل ماتجدد يعوضوك

فيه طريقتين لطلب التويض اما تروح الى الملحقية الى مشرفك تحديدا وتعطية الايلتس ثم يأخذ منها صورة ويكتب عليها انه مستحق تعويض ويرفقك معاها ايصال الدفع حق الايلتس ضروري ثم يعطيك اياها وتوديها الى الدور الثاني قسم المالية والتعويضات وتسلمها للاستقبال ويقول لك بعد شهر الى شهرين وتنزل على حسابك بس بعد شهر شيك معاهم اما الفيزا على طول تروح الدور الثاني وتعطيهم الايصال وصورة من الفيزا وخلاص شهر او شهرين وتنزل بحسابك

الطريقة الثانية انك ترسلها بالبريد العادي وهو جدا رخيص حول 70 بنس على عنوان الملحقية وتحطها بضروف وتبين عليها نوع التعويض فيزا او ايلتس لان الايلتس لابد يروح للمشرف يعني على ظرف الايلتس تكتب اسم مشرفك عشان تجيه

والبريد افضل عشان لو سلمتها بنفسك فيه شباب قالوا لهم انها ضاعت ومن هالكلام لكن بالبريد ماتضيع لانها اول شيء تسجل بالوارد ثم تروح على الاقسام

والله يوفقك

مشكوووووووووور ويعطيك الف عافيه على الرد

اوافق اخي سليمان ما قصر الله يعطيه العافية

بصراحه بالبداية عانيت لحد ما عرفت طريقة التعويض عن طريق البريد

لكن احب اضيف نصيحة انه في وقت ارسال البريد ارساله بريد مسجل بحيث انه يضمن حقك والتكلفة كحد اقصى 6 باوند

اما الاوراق اللازم ارفاقها وهي :

صوره من المراد التعويض عليه وتدبس الايصال الاصلي على الصوره وفقط

مثال :
صوره من شهادة الايلتس وتدبس الايصال الاصلي على الصوره


طبعا ما يحتاج اذكرك انه لازم تكتب عنوان الملحقية على الظرف

وبالتوفيق