حوار بيني وبين خريج بريطانيا,,,,,,,,,,,,,,,,,,,,,,

أخي صاحب الموضوع و لا يهونون الإخوة الكرام

أنت فاتك شي إن هذا الأمر اللي تكلم عنه خويك لا يمكن كشفه و حصاره بالأنظمة و القوانين و العقوبات إلا في حالة إن اللي يكتب البحوث غبي و ينسخ أكثر من بحث و يعطيه لأكثر من شخص

الآن مثلا .. صاحبك هذا .. لنفترض إنه شاطر في البحوث و ذكي جدا .. و عنده قدرة عالية إنه يسوي بحث في كل أسبوع .. و عرض خدماته على طلاب آخرين و بالسر .. و صار كل عميل يطلب من صاحبك بحث يبحث هو عنه و يكتب له البحث خلال أسبوع . و لأن صاحبك شاطر و ذكي و قدراته عالية جدا يستطيع أن يكتب كل أسبوع بحث جديد مختلف عن غيره .. يعني الرجال كريف شغل و يقدر ياخذ دكتوراة من القدرات العالية اللي عنده لكنه ما يبي لأن الدكتوراة ما توكل عيش مثل ما توكله هذي البحوث ..... وصلنا لمربط الفرس ..... الآن يا طويل العمر و السلامة .. من اللي يقدر يكشف هذي العملية إذا كانت محاطة بالسرية ؟؟ ..... لا نظام بحوث موحد و لا تصحيح متشدد و لا يحزنون .. شيء واحد ممكن يكشفه إن الدولة تضع كل ثقلها و قدرتها الاستخباراتية علشان هذا الموضوع .. و مثل ما انت عارف الدول لديها قضايا أمنية أكبر من كذا .

فالمقصود إن هذا ما له علاقة بقوة الجامعة .. يعني أنا أبصم لك بالعشرة إن هذا ممكن يحصل بأكسفورد و كامبريدج .. و لكن اللي ممكن يقلل من هذي النسبة كثير عند هذي الجامعات القوية إن أصلا الطلاب منتقين بعناية و يمثلون صفوة الطلاب في العالم و ما يحتاج أحد يكتب عنهم ( في الغالب ) .

هذا موضوع مجهول منك كشخص يقف خلف معرف مجهول وبين صاحبك المجهول ايضا ,

لكن ماتعليقك على حادثة الجامعات الامريكية المضروبة وشهاداتها الهشك بشك والذي نشر بالاعلام الرسمي ؟

صدقني النظام هنا ( وأنت تعرف ذلك إن كنت فعلاً طالب هنا ) , صارم ولا يتجاوز احد .
يا صديقي هناك نظام اسمه external examiner و يراجع بعد دكتور المقرر في الماستر نظام الأسئلة واسلوب الاجابة .

صحيح هناك تفاوت بين الجامعات البريطانية في صرامتها وأنظمتها المتشددة , لكن صدقني من يقول لك بأنه لم يشقى ويتعب ويبحث في الحصول على شهادته هنا ببريطانيا حتى في أقل الجامعات المعترف بها تصنيفياً, كذب مع احترامي .

يارجل لو كان الأمر بهذا البساطه , لما شاهدت وقرأت الكثير من حالات الإحباط والتضجر والصدمة بين الطلاب لما يواجهوه من صعوبات في سبيل الحصول على مبتغاهم ( الله يوفقهم جميعاً ) .

إلا على فكرة , صاحبي موجود حيث الجامعة التي ذكرت سابقاً , لذلك قل لخويك يزودنا بعنوان ماري للفائدة ( حدث العاقل بما يعقل ) .

حياك الله وبياك أخوي كي كي يو, عز الله انك اوجزت ردك في سطرين ردت على موضوع صفحة كامله,
ومن منظوري العام بأنك أحد العصامين على ماقالو الأخوهـ الله يجزاك خير

تحياتي لك

للأسف ياالحربي انا من الناس الي من يوم سجلت في المنتدى وكان في بعض الأشخاص مثلك ومثل ابوجبل ومشعل وغيرهم الكثير الي متأكد تماما انهم جالسين خلف الكمبيوتر وفاهمين ايش يكتبوا يعني بالعربي ناس ناضجة

للأسف بعد ردك هذا عرفت انه ماعندك سالفة وطلعت من طقة الأخ نوريش الي ماعندهم اي مبدأ في حياتهم

واتذكر كلمة مبدأ لأن حوارنا مبني على هل اساس مبــــــــــــــــدأ

اولا انا مايحتاج اوضح لأحد اي شي وانا هنا جالس احاور واناقش مع ناس تفهم في المباديء وكأي انسان مسلم يتعب عشان ياخذ الشي الي تعب عشانه انا راح اقولك انه انا مالي دخل في اي دولة اخرى لان الموضوع عن خريج بريطاني وفي قسم ملتقى بربطانيا وفي حكم اني طالب في بريطانيا والله يعلم اني مااعرف ابدا كيف الأوضاع في الدول الأخرى فما يحقلي الا اني اتكلم في بريطانيا فقط لكي لا اظلم وكلامي عن بعض طلاب بريطانيا مافيه اي ظلم لاني اشوف قبل مااسمع .

في البداية راح افهمك ايش يعني كلمة حســــد وكلمة ظــــلم

كلمة حسد ان ربنا يعطي لشخص شي حسن سواءا كانت مادية او معنوية ويكون في طرف ثاني نفسه يملك الشي هذا الي اعطاه ربنا لغيره

مااعتقد ان كلمة حسد تنطبق على شخص ربنا يعطيه ماري عشان تسويله اسايمنتاته وانا عشان ماعندي ماري اقوم احسده

لا والله ثم والله اني مااحسد احد على منكر او جريمة يسويها

اما الظلم والي هو وضحته سابقا انك تتعب وتجتهد وتداوم وفي واحد مايسوي الي تسويه وفي النهاية يروح لماري عشان تزبطه ويجيب نتيجة اعلى هذا الظلم بعينه


مبدأي كمؤمن وكأنسان اني جالس ينصرف علي عشان اجيب شي يشرفني ويشرف الي صرف علي
ليس مبدأي اني اجيب شي مايشرفني ولكن يشرف الي صرف علي

افهم الجملتين الي فوق تمام واذا مافهمت قلي عشان اوضحلك اكثر بس انا عارف انك قدها وراح تعصر مخك ومايحتاج تروح لماري عشان تفهمها

ناس همها المظاهر وماهمها كيف تعيش حياتها بمبدأ

تحياتي

يا أخوان معليش

انا ماني مبتعث ولا شي

وافكر بالابتعاث

لكن ترى اللي قاله صاحب الموضوع اقرب مايكون للصدق

مو معقوله كل جامعات العالم ماشيه بالملـّـي ولاتعطي شهادة الا اذا اختبرت صح وجبت اي بلس

اقرب شي لكلام وصحة صاحب الموضوع هو الفضيحه اللي صارت لجامعات كبيرة بامريكا وكندا ودول اوروبا كانت تعطي شهادات مزيفه وفضحوهم وطلعوا اساميهم واحد واحد وكان فيه من ضمنهم مسؤولين كبار بالسعودية معهم شهادات دكتوراه وماجستير مزيفه ومن ضمنهم التويجري رئيس هيئة السوق المالية


مافيه احد كامل بهالدنيا وكل شي له صالح وطالح

ودئئئئئئئئئئي يمزيككككككككككككا

لا يالحربي انا وصاحب الموضوع مو واحد ولكن اتفق معاه ان الغش وعمل الاسايمنتات عند خلق الله حرام

والشي الي كتبته وجهة نظر وماشهدت احد عليه

اذا كان احد الاشخاص يبحث عن الشهادة لمجرد الشهادة ولا يهتم بقوة الجامعة فاسمح لي انه لا يستحق الشهادة

وكذلك من يربط حصوله على الشهادة بالوظائف في المملكة فيهتم بالحصول على الشهادة من اي جامعة ليضمن وظيفه فهو فارغ

ولعلمك مثل ما يتخرج الكثير من الطلاب بشهادات عليا من دول العالم في تخصصات مختلفة فاعلم انه هناك الكثير من الطلاب يتخرجون بشهادات بالموارد البشرية مما يعني انه يعرفون الجامعات العالمية بقدر ماتعرف او اكثر

قابلت الكثير من مسؤولي التوظيف والمدراء يعرفون عن الجامعات اكثر مما نعرف ويقيمونها وقد لا يهتمون باعتراف الوزاره بها لانهم يعرفون خريجي الجامعات

اما اذا كنت تتحدث عن القطاعات الحكومية فقد ينطبق عليهم كلامك انه لا يفقهون شيئا ولكن البعض منهم يعرف كيف يبحث عن جامعة معينة وتقييمها

زمن الجهل ذهب وولّى واصبحت الشركات احترافية وعالمية التفكير

يالحربي الخلق متروكين للخالق بس بعض الخلق الي في منتدانا لازم ينتركوا لنا عشان نفهمهم اصول الحوار

ومين يشهد عليك يابو حصين قال ذنبي
يعني الحين انت زعلان على ننوريش ياخي روح لف المنتدى وشوف ردود خويك كيف هل هي مشرفة ولا لا

ولاتكبروا المواضيع لو سمحتم ولا تخرجوا عن نطاق بريطانيا واذا ودك تتكلم في غير بريطانيا روح افتحلك موضوع في ملتقى امريكا وشوف التجاوب

الموضوع انفتح هنا يتقفل هنا شغل الي ايش معنى فلان وايش معنى علان هذا شغل البزورة وهذا الي ينقال له اترك الحلق للخالق

ومايحتاج استنى ردك ترا ماتفرق معي لان في جعبتي الكثييييييييييييير على كل رد


موضوعنا من الأساس خاطيئ سواءا في بريطانيا ولا غيره

اسايمنتات معمولة عند ماري حراااااااااااااااااااااام

سواءا ماري البريطانية او ماري الامريكية او ماري الاسرائيلية حرام وظلم وليس حسد

وبس خلاص