فرجووووووا همي.....الله يفرج عليكم

اختي الكريمة هناك من يردد قصص من الخيال او يزيدوا من مخيلتهم
الامان موجود والامن كذالك بعد الله
الحافظ الله في كل مكان
لا تسمعي لاحد كان بخصوص ذلك نحن هنا اي شيئ يحصل نعلم به بالانترنت او بالاخبار مباشرة .
الدارج في كل مكان الان اسلوب سرقة الاي فون (خطفه فقط)من اليد .
المدارس موجودة في كل مكان توصيلهم سهل جدا يعتمد على اعمارهم . اكتب اسم المنطقة وابيحثي بجوجل عند مدارس حول مكانك uk وراسليهم .وكذلك الحضانات

أسأل الله أن يكتب لك الخير يا حي يا قيوم ..

يامرحبا اختي أمل ...

والله أنا مشارك ولا عندي اي معلومة عن مدينة درم ...ولكني حبيت افيدك بشغلة

أنتي قلتي في ردك السابق نصف الهم انزال ...وباقي نصف ...اذا النصف الثاني مختص بالاولاد وتنقلهم فما اقدر افيدك بشئ بهالخصوص ..اما اذا كان مختص بالامان والخوف من التعرض لمشاكسات فأحب أطمنك بأن الوضع في بريطانيا عموماً هادئ والامور طيبة ..

ماادري ليه ذكرتيني بحالتي قبل السفر !! أذكر شهرين ماقدرت انام قبل السفر ...وجالس اشيل هم العنصرية والبريطان وتعاملهم الزفت " حسب ماسمعت او مصدر يقولون " وكل هالامور ..

ويوم جيت هنا تندمت على الشهرين اللي قضيتهم بين خوف وريبة ...والله الامور طيبة والوضع آمن مما تتصورين

مااقولك ان البريطان ملائكة ...هم ممكن توجد فيهم عنصرية ...ولكنها تبقى داخلية ...يدري أنه لو يطلعها ولووووو بكلمة ...يشيلونة البوليس مع اذنة إلى ماوراء الشمس ...العنصرية عندهم حاااااجة كبيرة والعقوبات بخصوصها قوية


بس الله يعينك من لقافتهم ...طبيعتهم يحبون يستشكفون الشئ الجديد ...وممكن تواجهين بعض الاسئلة " الحُبية " منهم بخصوص الحجاب ...الله الله عاد لااوصيك في الاجابات السنعة والفخر الذاتي


الناس والتعامل ...هو آخر شئ تشيلين همه ...وان كنت اشوف انه مايستحق حتى يوضع مع قائمة الهموم

الله يوفقك وييسر لك امورك ...

اخوك عزيز نفس

اختي اذا تبين احد يساعدكي بالسكن والمواصلات اعرف ليبي محترم وثقه وتعاملت معه وصراحه قمة بالاخلاق

اذا تبين رقمه تكلميه وتسألي اي شي يجول بخاطرك ..

تحية طيبة للجميع...
شكر جزيل للاخ عزيز نفس وأبوطلال...وجميع الاخوة والاخوات الي اتكرموا بالمشاركة والدعم المعنوي والمعلوماتي...
انشاء الله تكون الامور في بريطانيا افضل من كل التوقعات,ولكن يظل هاجس الخو ف من المجهووووول قائم, ولا اخفيكم عن حيرتي مابين السكن في نيوكاسيل والذهاب لجامعتي في درم؟ أم الاستقرار في درم لاكون قريبة من الجامعة؟؟؟ مع الاخذ بعين الاعتبار ماقيل عن درم لكونها قرية صغيرة وكئيبه..وهذا غير مهم بالنسبة طالما كان الهدف هو الدراسة.وبالنسبة لتوصيل الاولاد..ذكرت اخوي مشعل انه سهل..طيب يروحون بباصات تابعة لمدارسهم البريطانية ولا لازم انا اوصلهم واخذهم؟؟؟واي وسيلة افضل؟؟
والامر الاخر الذي يؤرقني حقيقة هو ان ابنائي لديهم حساسية بالصدر تزداد شدتها في الشتاء.....هذا وهوشتاء السعودية فمابالكم بشتاء درم القااااارس؟؟؟ فعلا... الله يستر.
لا يسعني الا ان اسأل الله لي ولكم الخير كله.......ودمتم.

اختي بالنسبة لكآبة المكان .. ما عليك من هالشي

انتي بتكوني مشغولة بدراستك واولادك الله يحميهم .. ولو جات اجازة اخرجي لأي مدينه قريبة وتمشو فيها

ترا مرة مفيد يكون السكن جنب الجامعه ..

والله يشفي اولادك .. وييسر امورك

الله يفرج لك همك انا مثلك مبتعثة على درم السنة الجاية ان شا الله وشايله هم البيبي راح يكمل سنتين ع السنة الجاية
بليز اذا ممكن اتواصل معاك خصوصا انه تخصصك مثل تخصصي
وموفقه ان شا الله

يسرني اختي ميس واتيفا....التواصل معاكي
الحقيقة ماني قادره اخلي لك ايميلي على الخاص لان عدد مشاركاتي قليل عشان نتواصل سويا
وذا تحبي حطي لي ايميلك ...وانا راح اسوي لك اضافة....وانشاء الله نتلاقى على خير في درم..وانا بحاول على قد ما اقدر اجمع معلومات عن الجامعه واساتذتها وكيف اقدر امشي اموري هناك.
الله يوفقك وييسر لك امورك.